အသင်းခေါင်းဆောင် လက်ပတ် ရုပ်သိမ်းခံလိုက်ရတဲ့ ရှခရီညာ၊ မော်ရင်ဟိုရဲ့ အသင်း စွမ်းဆောင်ရည်က အော့အန်ချင်စရာလို့ ဝေဖန်လိုက်တဲ့ ကာဆာနိုစတဲ့ သတင်းတွေ အပါအဝင် ဖေဖော်ဝါရီလ ၇ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
အသင်းခေါင်းဆောင် လက်ပတ် ရုပ်သိမ်းခံလိုက်ရတဲ့ ရှခရီညာ
အဆိုပါ ကစားသမားဟာ လာမယ့် နွေရာသီမှာ အင်တာမီလန်နဲ့ စာချုပ်သက်တမ်း ကုန်ဆုံးမှာ ဖြစ်ပြီး ပီအက်စ်ဂျီကို အလွတ်ကြေးနဲ့ ပြောင်းရွှေ့ဖို့ အကြို သဘောတူညီမှုရရှိထားခဲ့ပြီး ဖြစ်ပါတယ်။
အဲ့ဒါကြောင့်လည်း စီးရီးအေ ကလပ်ရဲ့ အထွေထွေ မန်နေဂျာ ဘတ်ပီ မာရော့တာက စိတ်မကောင်းစွာနဲ့ပဲ ရှခရီညာရဲ့ အသင်းခေါင်းဆောင် ရာထူးကို ရုပ်သိမ်းလိုက်ကြောင်း၊ အသင်း ပရိသတ်တွေကို လေးစားမှု ရှိရမှာ ဖြစ်ပြီး အသင်း အနေနဲ့ ရှေ့ဆက်သွားရမှာ ဖြစ်ကြောင်း ပြောကြားသွားခဲ့ပါတယ်။
ရှုံးပွဲဆက်နေပေမယ့် နည်းစနစ်ပိုင်းကို အေစီမီလန် နည်းပြ ကာကွယ် ပြောဆို
အေစီမီလန် နည်းပြ စတီဖာနို ပီအိုလီက အင်တာမီလန်နဲ့ စီးရီးအေ ပွဲစဥ်မှာ အရေးနိမ့်ခဲ့တဲ့ပွဲ အပြီးမှာ သူ့ရဲ့ နည်းစနစ်ပိုင်းနဲ့ ပတ်သတ်လို့ ကာကွယ် ပြောဆိုသွားခဲ့ပါတယ်။
ဒါပေမယ့် ပီအိုလီ ကတော့ အင်တာမီလန်နဲ့ ပွဲမှာ ခံစစ်ပိုင်းအရ ပိုမိုကျစ်လျစ်အောင် လုပ်ဆောင်လိုခဲ့ကြောင်း၊ ခံစစ်ချည်းပဲ ကစားဖို့တော့ မရည်ရွယ်ခဲ့ကြောင်းနဲ့ ပြိုင်ဘက်ရဲ့ ဖိအားတွေကြောင့် ရုန်းကန်ခဲ့ရခြင်း ဖြစ်ကြောင်း ပြောကြားသွားခဲ့ပါတယ်။
မော်ရင်ဟိုရဲ့ အသင်း စွမ်းဆောင်ရည်က အော့အန်ချင်စရာလို့ ဝေဖန်လိုက်တဲ့ ကာဆာနို
မော်ရင်ဟိုဟာ နီမန်ဂျာ မာတစ်၊ ရူအီ ပက်ထရီစီယို တို့ကိုလည်း စီးရီးအေထံ ခေါ်ဆောင်ခဲ့ပေမယ့် ဒါတွေက ရိုးမား အတွက် ကပ်ဘေး တစ်ခုပြီး တစ်ခု ကျရောက်သလို ဖြစ်ခဲ့ကြောင်းနဲ့ အသင်းရဲ့ စွမ်းဆောင်ရည်က အော့အန်ချင်စရာ ကောင်းခဲ့ကြောင်း ပြောကြားခဲ့ပါတယ်။
ဒါ့အပြင် မော်ရင်ဟိုက အသင်း တစ်သင်းကို ဘယ်လို တည်ဆောက်ရမယ် ဆိုတာကို မသိဘဲ ထိပ်တန်း ကစားသမားတွေ နဲ့သာ ဆက်ဆံရေး ကောင်းမွန်သူ ဖြစ်ကြောင်း၊ ဘာကြောင့်လဲ ဆိုတော့ ဒီကစားသမားတွေက ဖော်ရွေတာကြောင့် ဖြစ်ကြောင်းလည်း ပျစ်ပျစ်နှစ်နှစ် ဝေဖန် တိုက်ခိုက်သွားခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
