တန်ဟက်ဂ်ကို ထုတ်ပယ်ဖို့ အကြံပြုလိုက်တဲ့ ဒွိုက်ယော့ခ်၊ ပစ်ဖို့ဒ်ကို ပစ်မှတ်ထားလာတဲ့ ယူနိုက်တက် အစ ရှိတဲ့ သတင်းတွေ အပါအဝင် မေလ ၁၂ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။
တန်ဟက်ဂ်ကို ထုတ်ပယ်ဖို့ အကြံပြုလိုက်တဲ့ ဒွိုက်ယော့ခ်
မန်ချက်စတာယူနိုက်တက် ကစားသမားဟောင်း ဒွိုက်ယော့ခ်က လက်ရှိ နည်းပြ အဲရစ်ခ် တန်ဟက်ခ်ဟာ ဆိုးလ်ရှားထက် ရှုံးပွဲများနေပြီး ဒီအတွက် မေးခွန်းထုတ်မှုတွေပါ လုပ်သွားခဲ့ပါတယ်။ ပြီးခဲ့တဲ့ ရာသီကထက် စာရင် ယူနိုက်တက်ဟာ အမှတ်ပေးဇယား ရပ်တည်မှု အဆင့်မြင့်လာခဲ့ပေမယ့်လည်း ဘရိုက်တန်နဲ့ ဝက်စ်ဟမ်းကို ဆက်တိုက် အရေးနိမ့်ပြီးနောက် ချန်ပီယံလိဂ် ဝင်ခွင့်ရဖို့ ရုန်းကန်နေရပြီ ဖြစ်ပါတယ်။
တန်ဟက်ဂျ်က ခရာဘောင်ဖလားကို ဆွတ်ခူးပေးထားပြီး အက်ဖ်အေဖလား မှာလည်း ဗိုလ်လုပွဲ ရောက်အောင် စွမ်းဆောင်ထားနိုင်ခဲ့ပေမယ့်လည်း ပရီးမီးယားလိဂ် မှာတော့ ၉ ပွဲ အထိ အရေးနိမ့်ထားခဲ့ပါတယ်။ ဒါဟာ မန်ချက်စတာ ယူနိုက်တက်ကို ဆိုးလ်ရှားက ရာသီပြည့် ကိုင်တွယ်ခဲ့တဲ့ နှစ်ရာသီမှာ ရှုံးပွဲ ၈ ပွဲနဲ့ ၆ ပွဲသာ ရှိခဲ့ပြီး အဆိုပါ ပမာဏထက် များပြားနေတယ်လို့ ဒွိုက်ယော့ခ်က ထောက်ပြလိုက်တာပါ။
တန်ဟက်ဂ်က ပရီးမီးယားလိဂ်မှာ ၉ ပွဲတောင်မှ ရှုံးနိမ့်ထားပါတယ်၊ ခင်ဗျားက ယူနိုက်တက် နည်းပြ ဆိုရင် အသေးစိတ် အချက်အလက်တွေ၊ အမှားတွေ အတွက် အမြဲတမ်း ဆန်းစစ်ခံနေရမှာပါပဲ၊ ပုန်းစရာ နေရာ မရှိပါဘူး၊ ဆိုးလ်ရှားက သူကိုင်တွယ်ခဲ့တဲ့ ဘောလုံးရာသီ ၂ ရာသီမှာ တန်ဟက်ဂ် ထက်တောင်မှ မှတ်တမ်း ပိုကောင်းခဲ့ပါတယ်၊ လူတွေက တိုးတက်မှုတွေနဲ့ ဘောလုံး ကစားပုံ ပိုကောင်းတဲ့ အကြောင်း ပြောနေကြတယ်”
“ ယူနိုက်တက်က ခရာဘောင်ဖလား ရတယ်၊ အက်ဖ်အေ ဖိုင်နယ် တက်ထားပြီး ယူရိုပါလိဂ်မှာ ကွာတားဖိုင်နယ် အထိ ရောက်ခဲ့ပါတယ်၊ ဒါပေမယ့် သူက ပရီးမီးယားလိဂ်မှာ ဆိုးလ်ရှား ထက်တောင် ရှုံးပွဲ များပြီး ထုတ်ပယ်သင့်ပါတယ်” လို့ ပြောဆိုသွားခဲ့ပါတယ်။
ပစ်ဖို့ဒ်ကို ပစ်မှတ်ထားလာတဲ့ ယူနိုက်တက်
မန်ချက်စတာယူနိုက်တက် အသင်းဟာ ဂိုးသမား ဒါးဗစ် ဒဟဲယားကို စာချုပ်သစ် ချုပ်ဆိုနိုင်ဖို့ နီးစပ်နေပေမယ့် အဲဗာတန် ဂိုးသမား ဂျော်ဒန် ပစ်ခ် ဖို့ဒ်ကို ပစ်မှတ်ထားနေတယ်လို့ သိရပါတယ်။ ဒဟဲယားဟာ ပရီးမီးယားလိဂ် ကလပ်နဲ့ ရာသီကုန်မှာ စာချုပ်သက်တမ်း ကုန်တော့မှာ ဖြစ်ပြီး လက်ရှိမှာ စာချုပ်သစ် အတွက် ညှိနှိုင်းနေကာ အဓိကအားဖြင့် လစာငွေ ကိစ္စကြောင့် ကြန့်ကြာနေတာ ဖြစ်ပါတယ်။
အသက် ၃၂ နှစ် အရွယ် စပိန် ဂိုးသမားဟာ လက်စွမ်း ကျဆင်းနေမှုတွေကြောင့် ဝေဖန်ခံနေရပေမယ့်လည်း နည်းပြ တန်ဟက်ဂ် ကတော့ အသင်းမှာ ဆက်ရှိနေစေချင်တယ်လို့ ပြောဆိုထားပါတယ်။ ကစားသမား ဘက်ကလည်း လစာ လျှော့ယူဖို့ အသင့် ရှိနေကာ ယူနိုက်တက်နဲ့ ဆက်လက် ကစားချင်နေပါတယ်။
ဒါပေမယ့် ဒီရာသီမှာ ဒဟဲယားရဲ့ ဆိုးရွားတဲ့ အမှားတွေကြောင့် နောက်ထပ် ဂိုးသမား တစ်ဦးကို ယူနိုက်တက်က လိုအပ်နေတာပါ။ ဒါကြောင့် ပစ်ခ်ဖို့ဒ်ကို ပစ်မှတ်ထားလာတာ ဖြစ်ပြီး အခြား ဂိုးသမားတွေ ကိုလည်း စောင့်ကြည့်နေပါတယ်။ တကယ်လို့သာ အဲဗာတန်တို့ တန်းဆင်းခဲ့ရမယ် ဆိုရင်တော့ ပစ်ဖို့ဒ်ကို ခေါ်ယူနိုင်ဖို့က လွယ်ကူမှာ ဖြစ်ပါတယ်။
လူစားလဲခါနီးမှ ဂိုးသွင်းခဲ့တဲ့ အန်တိုနီယို
ဝက်စ်ဟမ်း ယူနိုက်တက် တိုက်စစ်မှူး မီခဲလ် အန်တိုနီယိုဟာ မနေ့ညက ကစားခဲ့တဲ့ ယူရိုပါ ကွန်ဖရင့်လိဂ် ပွဲမှာ အသင်း အတွက် အနိုင်ဂိုးကို သွင်းယူနိုင်ခဲ့ပါတယ်။ ဟော်လန် ကလပ် အေဇက် အယ်လ်ခမာကို အိမ်ကွင်းမှာ လက်ခံ ကစားခဲ့တဲ့ ဆီမီးဖိုင်နယ် ပထမအကျော့ ဖြစ်ပြီး ဝက်စ်ဟမ်းတို့ ဗိုလ်လုပွဲ တက်ဖို့ အတွက် အခွင့်အရေး ကောင်းတွေ ရသွားခဲ့ပါတယ်။
အယ်လ်ခမာက အဖွင့်ဂိုး စရခဲ့ပေမယ့် ဝက်စ်ဟမ်းက ချေပဂိုးနဲ့ အနိုင်ဂိုးတွေ ပြန်လည် သွင်းနိုင်ခဲ့ပါတယ်။ အန်တိုနီယိုဟာ သူ့ကို လူစားလဲဖို့ အတွက် နည်းပြ ဒေးဗစ် မွိုက်စ်က စီစဉ်ထားပြီးခါမှ ဂိုးသွင်းနိုင်ခဲ့တာ ဖြစ်ပြီး ဂိုးရပြီး သိပ်မကြာခင်မှာပဲ လူစားလဲလှယ်ခံခဲ့ရကာ သူ့အဖြစ် ကတော့ ထူးခြားခဲ့ပါတယ်။
တကယ်လို့သာ မိုယက်စ်က သူ့ကို အချိန်စောစော လူစားလဲခဲ့တာ ဒါမှမဟုတ် ပွဲက ဆက်မကစားရဘဲ ဘေးထွက်ဘော၊ ဂိုးလွန်ဘောတွေသာ တစ်ခုခု ဖြစ်ခဲ့ရင် ဝက်စ်ဟမ်းတို့ ဂိုးရပါ့မလား ဆိုတာ စဉ်းစားချင်စရာပါပဲ။ အန်တိုနီယို ကတော့ အသင်း အတွက် ကယ်တင်ရှင် ဖြစ်ခဲ့ကာ ဝက်စ်ဟမ်းတို့ ဟော်လန်မြေမှာ သရေကစားနိင်ရုံနဲ့ ဗိုလ်လုပွဲ တက်နိုင်မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
