ပရီးမီးယားလိဂ် ကလပ် လစ်ဗာပူးလ် နည်းပြ အာနေး ဆလော့တ် ကတော့ ဘာစီလိုနာရဲ့ ဥရုဂွေး နောက်ခံလူ ရော်နယ် အာရူဟိုကို ခေါ်ယူပေးဖို့ အသင်း တာဝန်ရှိတွေကို တောင်းဆိုထားကြောင်း သိရပါတယ်။ လစ်ဗာပူးလ်ဟာ အခုရာသီအကုန်မှာ အသင်းနဲ့ စာချုပ်သက်တမ်း ကုန်ဆုံးမယ့် အသင်းခေါင်းဆောင် ဗာဂျယ် ဗန်ဒိုက်ခ်ကို အလွတ်ပြောင်းရွှေ့ကြေးနဲ့ လက်လွှတ်ရဖို့ များနေတာ ဖြစ်ပါတယ်။
ဒါကြောင့် ပရီးမီးယားလိဂ် ကလပ် လစ်ဗာပူးလ်ဟာ ထိပ်တန်း အဆင့်ရှိ ခံစစ် ကစားသမား တစ်ဦး ခေါ်ယူဖို့ ကြိုတင် ပြင်ဆင်နေတာ ဖြစ်ပါတယ်။ နည်းပြ ဖြစ်သူ အာနေး ဆလော့တ် ကလည်း လာမယ့် နွေရာသီမှာ နယ်သာလန် ဝါရင့် ဗဟိုခံစစ်မှူး ဗာဂျယ် ဗန်ဒိုက်ခ်ကို ဆုံးရှုူံးခဲ့ရမယ် ဆိုရင်တော့ သူ့ရဲ့ နေရာမှာ အစားထိုးဖို့ ရော်နယ် အာရူဟိုကို အလိုရှိနေတာ ဖြစ်ကြောင်း သိရပါတယ်။
အသက် ၂၆ နှစ် အရွယ် ရှိပြီ ဖြစ်တဲ့ အာရူဟို ကတော့ လာလီဂါ ကလပ် ဘာစီလိုနာရဲ့ အဓိက ကစားသမား တစ်ဦး ဖြစ်နေပြီးတော့ ၂၀၃၁ ခုနှစ် အထိလည်း စာချုပ်သက်တမ်း ကျန်ရှိနေသူ ဖြစ်ပါတယ်။ ဒါ့အပြင် ဥရုဂွေးသားရဲ့ လက်ရှိ ပြောင်းရွှေ့ကြေး တန်ဖိုး ကတော့ ယူရို သန်း ၆၀ ဝန်းကျင် ရှိနေပေမယ့် ဒီပမာဏဟာ များပြားတယ် လို့တော့ ပြောလို့ မရပါဘူး။ တကယ်တော့ အာရူဟိုဟာ ဘာစီလိုနာရဲ့ အဓိက နောက်ခံလူ တစ်ဦး ဖြစ်ပေမယ့် ပြီးခဲ့တဲ့ အပြောင်းအရွှေ့တွေမှာ ကတည်းက သတင်းတွေ ကြီးနေခဲ့သူ ဖြစ်ပါတယ်။
အသက် ၂၆ နှစ် အရွယ် ဥရုဂွေး လက်ရွေးစင် ကစားသမားဟာ ၂၀၁၈ ခုနှစ် မှာကတည်းက ဘာစီလိုနာကို စတင် ရောက်ရှိခဲ့ပြီးတော့ ဘာဆာ အက်သလက်တစ်မှာ ၄၅ ပွဲ ကစားကာ ၆ ဂိုးသွင်းပြီး ခြေစွမ်းပြနိုင်ခဲ့ပါတယ်။ အဲဒီနောက် ဘာစီလိုနာ စီနီယာ အသင်းကြီး အတွက် ကစားခွင့်ရခဲ့ပြီး ပြီးခဲ့တဲ့ ၆ ရာသီ အတွင်း ပွဲပေါင်း ၁၆၄ ပွဲ ကစားကာ ၁၀ ဂိုး သွင်းယူနိုင်ခဲ့ပါတယ်။ ဒါပေမယ့်လည်း အာရူဟိုက ဒီရာသီ မှာတော့ ဘာစီလိုနာ အတွက် ပြိုင်ပွဲစုံ ၁၄ ပွဲသာ ကစားခဲ့ရပြီး လာလီဂါ မှာတော့ ၃၂၇ မိနစ်သာ ကစားထားရပါသေးတယ်။
လစ်ဗာပူးလ် ကတော့ လာမယ့် နွေရာသီ အပြောင်းအရွှေ့မှာ အသင်းရဲ့ အဓိက နောက်ခံလူ ဖြစ်တဲ့ ဗာဂျယ် ဗန်ဒိုက်ခ်ကို သာမက အသင်းနှင့် စာချုပ် သက်တမ်း တစ်နှစ်ကျော်သာ ကျန်ရှိတော့တဲ့ ကိုနာတေး ကိုလည်း လက်လွှတ်ရဖွယ် ရှိနေကြောင်း သိရပါတယ်။ ဗန်ဒိုက်ခ်နဲ့ ကိုနာတေး တို့ နှစ်ဦးစလုံးဟာ ပရီးမီးယားလိဂ် ကလပ် လစ်ဗာပူးလ်ရဲ့ အရေးပါဆုံး ကစားသမားတွေထဲမှာ ပါဝင်နေသူတွေပါ။ ဗန်ဒိုက်ခ်ဟာ ဒီရာသီမှာ လစ်ဗာပူးလ် အတွက် ပြိုင်ပွဲစုံ ၄၂ ပွဲ ကစားထားပြီးတော့ ကိုနာတေး ကတော့ ၃၅ ပွဲ ကစားထားပါတယ်။ ကိုနာတေးဟာ လစ်ဗာပူးလ်နဲ့ စာချုပ်သက်တမ်း တိုးဖို့ ဆွေးနွေးခြင်း မရှိသေးပဲ သူ့ကို ခေါ်ယူဖို့တော့ ပြင်သစ် ထိပ်သီး ပီအက်စ်ဂျီက စိတ်ဝင်စားနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
