ဘီလ်ဘာအို တောင်ပံ တိုက်စစ် ကြယ်ပွင့် နီကို ဝီလီယမ်စ် ကတော့ ယူရိုပါလိဂ် ဆီမီးဖိုင်နယ်မှာ မန်ချက်စတာယူနိုက်တက်ကို ကျော်ဖြတ်ပြီး ဗိုလ်လုပွဲ တက်ရောက်နိုင်ဖို့ မျှော်လင့်ထားကြောင်း သိရပါတယ်။ စပိန် ကလပ် ဘီလ်ဘာအို ကတော့ ယူရိုပါလိဂ် ဆီမီးဖိုင်နယ်မှာ အင်္ဂလန် ကလပ် မန်ချက်စတာယူနိုက်တက်နဲ့ တွေ့ဆုံနေပြီးတော့ အကြိတ်အနယ် ကစားကြရဦးမှာ ဖြစ်ပါတယ်။
စပိန် လက်ရွေးစင် တောင်ပံ တိုက်စစ် ကစားသမား နီကို ဝီလီယမ်စ်က အိုးလ်ထရက်ဖို့ဒ်မှာ ကစားခွင့်ရမယ့် အခွင့်အရေးဟာ အိပ်မက် တစ်ခု ဖြစ်သလို ဗိုလ်လုပွဲ တက်ရောက်ခွင့် ရဖို့လည်း အစွမ်းကုန် ကြိုးစားသွားမယ်လို့ ပြောကြားခဲ့ပါတယ်။ နီကို ဝီလီယမ်စ်က “အိုးလ်ထရက်ဖို့ဒ်လို ကြီးကျယ် ခမ်းနားတဲ့ ကွင်းကြီးထဲမှာ ကစားခွင့် ရဖို့က အိပ်မက် တစ်ခုပါပဲ။ ပြီးခဲ့တဲ့ ရာသီက ကျွန်တော်တို့ စပိန်ဘုရင့်ဖလား ရယူနိုင်ခဲ့တယ်။ ဒီရာသီ မှာတော့ ကျွန်တော်တို ယူရိုပါလိဂ် ဆီမီးဖိုင်နယ် တက်ရောက်ထားနိုင်ခဲ့ပါပြီ။ ကျွန်တော်တို့ အနေနဲ့ ယူရိုပါလိဂ် ဗိုလ်လုပွဲကို တက်ရောက်နိုင်ဖို့ မျှော်လင့်ပါတယ်။ အဲဒီအတွက် ကျွန်တော်တို့ အနေနဲ့ အစွမ်းကုန် ကြိုးစားသွားမှာပါ။” လို့ ပြောကြားခဲ့ပါတယ်။
ဆက်လက်ပြီး နီကို ဝီလီယမ်စ်က “ကလေး တိုင်း အိုးလ်ထရက်ဖိုဒ်မှာ ကစားချင်ကြပါတယ်။ ဆန်မာမက်စ်မှာ ကစားမယ့် ပထမအကျော့မှာ ကျွန်တော်တို အကောင်းဆုံး ခြေစွမ်းပြသနိုင်အောင် ကြိုးစားပြီး အိုးလ်ထရက်ဖို့ဒ်ကို စိတ်ပိုင်းဖြတ်မှု အပြည့်နဲ့ သွားရောက်ကာ အက်သလက်တစ် ဘီလ်ဘာအို ဆိုတာ ဘာလဲ ဆိုတာကို ပြသသွားမှာပါ။ ဒီပွဲစဉ်မှာ ဘယ်သူက အသာရယ်လို ရေပန်းစားတဲ့ အသင်းရယ်လို့ မရှိပါဘူး။ မန်ချက်စတာ ယူနိုက်တက်က လိဂ်ရဲ့ အောက်ခြေနားမှာ ရောက်နေပေမယ့် သူတို့ ဘာတွေလုပ်နိုင်စွမ်းရှိတယ် ဆိုတာ လိုင်ယွန်နဲ့ ပွဲမှာ သူတို့ ပွဲကို ကိုင်တွယ် သွားပုံအရ ရှင်းရှင်းလင်းလင်း မြင်တွေ့ခဲ့ရပြီးပါပြီ။” လို့ ပြောဆိုခဲ့ပါတယ်။
ဘီလ်ဘာအိုဟာ ယူရိုပါလိဂ် ဆီမီးဖိုင်နယ် ပထမအကျော့ အဖြစ် ယူနိုက်တက်ကို အိမ်ကွင်း ဆန်မာမက်စ်မှာ ဧည့်ခံကစားရမှာ ဖြစ်ပြီး ဒုတိယအကျော့ ကိုတော့ အိုးလ်ထရက်ဖို့ဒ်မှာ ကစားရမှာ ဖြစ်ပါတယ်။ လက်ရှိမှာ ဝီလီယမ်စ်က ပရီးမီးယားလိဂ် ကလပ် ချဲလ်ဆီးနဲ့ အာဆင်နယ် တို့ကို ပြောင်းရွှေ့ဖို့ သတင်းတွေ ကြီးနေသူ ဖြစ်ပါတယ်။ ဒါ့အပြင် ဘာစီလိုနာက နီကို,ကို ခေါ်ယူနိုင်မယ့် အလားအလာ ကို လက်လျှော့လိုက်ပြီကြောင်း သတင်းတွေ ထွက်ပေါ်နေပါတယ်။ နီကို ဝီလီယမ်စ် ကိုတော့ လက်ရှိမှာ ဥရောပထိပ်တန်း ကလပ်များစွာက အလိုရှိနေပြီးတော့ ဒီကစားသမား ကလည်း အခုရာသီ ယူရိုပါလိဂ် ပြိုင်ပွဲ တစ်ခုတည်းမှာတင်ပဲ ၅ ဂိုး သွင်းယူပြီး ဂိုးဖန်တီးမှု ၂ ကြိမ် ပြုလုပ်ထားနိုင်ပါတယ်။
နီကို ဝီလီယံစ်နဲ့ ဘီလ်ဘာအိုတို့ အကြားက လက်ရှိမှာ စာချုပ်သက်တမ်းက ၂၀၂၇ ခုနှစ် အထိ ကျန်ရှိနေပါတယ်။ ဒါပေမယ့် နီကိုဟာ လာမယ့် နွေရာသီ အပြောင်းအရွှေ့ မတိုင်ခင် ဘီလ်ဘာအိုနဲ့ စာချုပ် သက်တမ်း တိုးမြှင့်သွားမလား ဒါမှမဟုတ် အသင်း ပြောင်းရွှေ့မလား ဆိုတာ ကတော့ စောင့်ကြည့်ရဦးမှာ ဖြစ်ပါတယ်။
တစ်ဖက် မှာလည်း ယူရိုပါလိဂ် မှာ စပါး (၇:၄) ပြီးရင် ဘီလ်ဘာအိုက (၉:၄) နဲ့ ဗိုလ်စွဲဖို့ ရေပန်းအစားဆုံး ဖြစ်နေပါတယ်။ မန်ချက်စတာယူနိုက်တက် ကတော့ (၅:၂) ၊ ဘိုဒို ဂလင့်မ် ကတော့ (၁၂:၁) နဲ့ ဗိုလ်စွဲဖို့ ရေပန်းအစားဆုံး အဖြစ် အစဉ်လိုက် ရပ်တည်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
