ဩဂုတ်လ ၄ ရက်နေ့ အတွက် ရရှိထားသမျှ စိတ်ဝင်စားစရာ လာလီဂါ ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
လာလီဂါ ထိပ်သီး ကလပ် ဘာစီလိုနာ ကတော့ နောက်ခံလူ အဲရစ် ဂါစီယာကို စာချုပ်သက်တမ်းတိုးဖို့ စီစဉ်နေပြီလို့ သိရပါတယ်။ ဂါစီယာဟာ ပြီးခဲ့တဲ့ ရာသီက ဘာစီလိုနာ အတွက် ပြိုင်ပွဲစုံ ၄၅ ပွဲ ကစားခဲ့ပြီးတော့ ခြေစွမ်းပြခဲ့သူလည်း ဖြစ်ပါတယ်။
အက်စတွန်ဗီလာ ကတော့ ဘာစီလိုနာ နောက်ခံလူ ဟက်တာ ဖော့တ် အတွက် ယူရို ၁၅ သန်း (ပေါင် ၁၃ သန်း) အထိ တိုးမြှင့် ကမ်းလှမ်းသွားဖို့ ဆန္ဒရှိနေကြောင်း El Nacional က ဖော်ပြခဲ့ပါတယ်။ စပိန်သားဟာ ဒီနွေရာသီမှာ လီဂူးဝမ်း တန်းတက် ကလပ် ပါရီအက်ဖ်စီ နဲ့လည်း ချိတ်ဆက်မှုတွေ ရှိနေခဲ့ပါတယ်။
ဆော်ဒီပရိုလိဂ် ကလပ်တွေ ကတော့ ဒီနွေရာသီမှာ ရီးရဲလ်မက်ဒရစ် စူပါစတား ဗင်နီးစီးယက်စ် ဂျူနီယာကို နောက်ထပ် ကမ်းလှမ်းမှု တစ်ခု မပြုလုပ်ဖို့ ရွေးချယ်ခဲ့ကြောင်း Cadena SER က ဖော်ပြခဲ့ပါတယ်။ ဘရာဇီးလ်သားဟာ စပိန်မြို့တော်မှာ ဆက်လက် နေထိုင်ဖို့ အမြဲတမ်း ဦးစားပေး လုပ်ဆောင်နေပေမယ့် သူ့ရဲ့ လုပ်ခ လစာ အဖြစ် တစ်နှစ်ကို ယူရို ၂၅ သန်း အထိ တိုးမြှင့် တောင်းဆိုမှုက ကလပ် အတွက် အဆင်မပြေမှုတွေ ရှိနေတယ်လို့ သိရပါတယ်။
ချဲလ်ဆီး ကတော့ ဘာစီလိုနာ ကွင်းလယ်ကစားသမား ဖာမင်း လိုပက်ဇ်ကို ခေါ်ယူဖို့ ကြိုးပမ်းတော့မှာ မဟုတ်ကြောင်း Mundo Deportivo က ဖော်ပြခဲ့ပါတယ်။ ဖာမင်း လိုပက်ဇ် ကတော့ မန်ချက်စတာယူနိုက်တက်ကို စိတ်ဝင်စားနေကြောင်း ယူဆရပေမယ့်လည်း ဟန်ဆီ ဖလစ်ခ်ရဲ့ အစီအစဥ်တွေမှာ ခိုင်မာတဲ့ အစိတ်အပိုင်း တစ်ခု အဖြစ် ရှိနေသေးကြောင်း သိရပါတယ်။
မော်ရိုကို ကွင်းလယ် တိုက်စစ် ကစားသမား ဘရာဟင်မ် ဒီးယက်ဇ် ကတော့ အာဆင်နယ်နဲ့ ဘင်ဖီကာ တို့ရဲ့ စိတ်ဝင်စားခြင်း ခံနေရပေမယ့်လည်း ရီးရဲလ်မက်ဒရစ်နဲ့ စာချုပ်သစ်ချုပ်ဆိုဖို့ မျှော်လင့်ထားကြောင်း ဖာဘရီဇီယို ရိုမာနိုက ဖော်ပြထားပါတယ်။
အန်ဒရီယာစ် ခရစ္စတန်ဆန် ကတော့ ဒီနွေရာသီ ဘာစီလိုနာမှာ ဆက်ရှိနေချင်တာကြောင့် ပရီးမီးယားလိဂ်နှင့် ဆော်ဒီပရိုလိဂ် ကလပ်တွေရဲ့ ချဉ်းကပ်မှု များစွာကို ပယ်ချခဲ့ကြောင်း El Nacional က ဖော်ပြခဲ့ပါတယ်။ ဟန်ဆီ ဖလစ်ခ် ကတော့ ဒိန်းမတ် နောက်ခံလူ အတွက် ကမ်းလှမ်းမှုတွေကို လမ်းဖွင့်ပေးထားကြောင်း သိရပါတယ်။
ရိုဒရီဂို ကတော့ ရီးရဲလ်မက်ဒရစ်ရဲ့ လေ့ကျင့်ရေးကွင်းကို ပြန်လည် ရောက်ရှိလာပြီး မကြာခင်မှာ အနာဂတ် အတွက် ဆုံးဖြတ်ချက်ချသွားဖို့ ရှိနေကြောင်း သိရပါတယ်။ Diario As ရဲ့ ဖော်ပြချက်အရ ဘရာဇီးလ်သား ကတော့ ရီးရဲလ်မက်ဒရစ်မှာ ဆက်နေဖို့ မျှော်လင့်ထားကြောင်း သိရပါတယ်။
လာလီဂါ ကလပ် ရီးရဲလ်မက်ဒရစ် ကတော့ ဒီနွေရာသီမှာ ကစားသမားသစ် ခေါ်ယူဖို့ အစီအစဉ် မရှိတော့ကြောင်း သိရပါတယ်။ ဒါကြောင့် နည်းပြ ဇာဘီ အလွန်ဆိုဟာ လာမယ့် ရာသီကို လက်ရှိ လူစာရင်းနဲ့ပဲ ယှဉ်ပြိုင်သွားဖို့ ရှိနေပြီလည်း ဖြစ်ပါတယ်။
ဘာစီလိုနာ ကတော့ အသစ် ခေါ်ယူထားတဲ့ ဂိုးသမား ယိုအန် ဂါစီယာကို မကြာခင်မှာ လာလီဂါဆီ မှတ်ပုံတင်သွားဖို့ ရှိနေကြောင်း သိရပါတယ်။ ဘာစီလိုနာ အနေနဲ့ ဂါစီယာကို မှတ်ပုံတင်ပြီးရင်တောင် မားကပ်စ် ရက်ရှ်ဖို့ဒ် ကိုလည်း မှတ်ပုံတင်ဖို့ ဆက်လက် ကြိုးပမ်းရဦးမှာ ဖြစ်ပါတယ်။
ဖာဘရီဇီယို ရိုမာနိုရဲ့ ဖော်ပြချက်အရ ဖာမင်း လိုပက်ဇ်နဲ့ မန်ချက်စတာယူနိုက်တက်တို့ ထွက်ပေါ်နေတဲ့ သတင်းတွေက မှန်ကန်ခြင်း မရှိကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
