ဩဂုတ် ၂၉ ရက်နေ့ အတွက် ရရှိထားသမျှ စိတ်ဝင်စားစရာ ပရီးမီးယားလိဂ် ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ကတော့ ရာသီအစမှာတင် ရလဒ်တွေ ဆိုးရွားနေတာကြောင့် နည်းပြ ရူဘင် အမော်ရင်ကို ရာထူး ကနေ ထုတ်ပယ်ဖို့ အလေးအနက် စဉ်းစားနေပြီလို့ သိရပါတယ်။ အမော်ရင် အနေနဲ့ ယူနိုက်တက်သာ ဒီတစ်ပတ် ပရီးမီးယားလိဂ် မှာ ဘန်လေကို အနိုင်မရခဲ့ဘူး ဆိုရင်တော့ ရာထူး ကနေ ထုတ်ပယ်ခံရဖွယ် ရှိနေတာ ဖြစ်ပါတယ်။ လက်ရှိမှာ ယူနိုက်တက် နည်းပြ နေရာ အတွက် ထိပ်တန်း နည်းပြ တော်တော်များများ ကတော့ စတင် ရေပန်းစားလာနေပြီ ဖြစ်ပါတယ်။
နောက်ထပ် သတင်း တစ်ပုဒ် မှာတော့ ခရစ္စတယ်ပဲလေ့စ် နည်းပြ အိုလီဗာ ဂလက်စနာနဲ့ ဘုန်းမောက် နည်းပြ အန်ဒိုနီ အိုင်ရာအိုလာ တို့ကလည်း ယူနိုက်တက် နည်းပြ ရာထူး အတွက် ရေပန်းအစားဆုံး ဖြစ်လာတယ်လို့ သိရပါတယ်။
လစ်ဗာပူးလ် ကတော့ ရီးရဲလ်မက်ဒရစ် တိုက်စစ်မှူး ရိုဒရီဂိုကို အပြောင်းအရွှေ့ ပိတ်ခါနီးမှာ ခေါ်ယူဖို့ စဉ်းစားနေကြောင်း သိရပါတယ်။
အာဆင်နယ်ရဲ့ ညာနောက်ခံလူ ဘန် ဝှိုက်ဟာ ပရီးမီးယားလိဂ် ပြိုင်ဘက် ချဲလ်ဆီး အတွက် အလားအလာ ရှိတဲ့ ပစ်မှတ် အဖြစ် ပေါ်ထွက်လာကြောင်း ဆိုင်မွန် ဖီးလစ်က ဖော်ပြပါတယ်။
မန်ချက်စတာယူနိုက်တက်ရဲ့ အင်္ဂလန် ကွင်းလယ် ကစားသမား ကိုဘီ မိန်းနူး ကတော့ အငှားထွက်ကစားချင်ကြောင်း အသင်းထံ အသိပေး အကြောင်းကြားခဲ့တယ်လို့ သိရပါတယ်။ မိန်းနူးဟာ အသက် ၉ နှစ် အရွယ်ကတည်းက မန်ချက်စတာယူနိုက်တက် အကယ်ဒမီကို ရောက်ရှိလာခဲ့သူ ဖြစ်ပြီး အလားအလာ ရှိတဲ့ လူငယ် ကစားသမား တစ်ဦး အဖြစ် သတ်မှတ်ခံခဲ့ရပေမယ့် နည်းပြ ရူဘင် အမော်ရင်ရဲ့ နည်းစနစ်နဲ့ အံမဝင်တာကြောင့် အရန် ကစားသမား အဖြစ်သာ ရပ်တည်ရဖွယ် ရှိနေတာပါ။ ဒါကြောင့် မိန်နူးက ဒီရာသီမှာ တခြား ကလပ် တစ်ခုကို အငှားနဲ့ ထွက်ကစားဖို့ စီစဉ်နေတာ ဖြစ်ပါတယ်။
မန်ချက်စတာစီးတီး ကတော့ ဆွစ်ဇာလန် နောက်ခံလူ မန်ဝဲလ် အာကန်ဂျီ အတွက် အေစီမီလန်ရဲ့ ၅ နှစ် စာချုပ်နဲ့ ကမ်းလှမ်းမှုကို လက်ခံခဲ့ကြောင်း သိရပါတယ်။ ဆွစ်ဇာလန်သား အတွက် ကိုတော့ အေစီမီလန်က ပြောင်းရွှေ့ကြေး ယူရို ၁၇ သန်း (ပေါင် ၁၄.၇ သန်း) ပေးချေရဖို့တော့ ရှိနေပါတယ်။
အက်စတွန်ဗီလာ ကွင်းလယ်လူ မော်ဂန် ရော်ဂျာစ် ကိုတော့ ချဲလ်ဆီးက ပြောင်းရွှေ့ကြေး ပေါင် သန်း ၈၀ နဲ့ ခေါ်ယူချင်နေတယ်လို့ သိရပါတယ်။ ဒါပေမယ့် တစ်ဖက်မှာလည်း အင်္ဂလန်သားကို တော့တင်ဟမ်ဟော့စပါးက အနီးကပ် စောင့်ကြည့်နေကြောင်း CaughtOffside က ဖော်ပြပါတယ်။
ရီယို အန်ဂူမိုဟာ ကတော့ လာမယ့် ဒီကနေ့မှာ အသက် ၁၇ နှစ် ပြည့်မှာ ဖြစ်ပြီး လစ်ဗာပူးလ် စီနီယာ အသင်းကြီးနဲ့ စာချုပ်ချုပ်ဆိုဖို့ အရည်အချင်း ပြည့်မီပါက တစ်ပတ်လုပ်ခ ပေါင် ၁၀၀၀ ရရှိဖွယ် ရှိနေပါတယ်။
ဂျော်ဂျန် စထရန်း လာဆင် ကတော့ ဒီနွေရာသီမှာ မိုလီနက်စ် ကနေ ထွက်ခွာခွင့်ပေးဖို့ ဝုဗ် အသင်းကို “ ယဉ်ကျေးစွာ” တောင်းဆိုခဲ့ကြောင်း The Athletic က ဖော်ပြပါတယ်။ နယူးကာဆယ် ကတော့ စတုဂတ် တိုက်စစ်မှူး နစ်ခ် ဝေါလ်တီမိတ်ဒ်ကို ပြောင်းရွှေ့ကြေး ယူရို သန်း ၈၀ + အပိုဆုကြေးများနဲ့ ခေါ်ယူဖို့ သဘောတူညီမှု ရယူနိုင်ခဲ့ပြီ ဖြစ်ပါတယ်။ ဒီကစားသမားကို ငှက်ကြားတွေက ကာလရှည် စာချုပ်ချုပ်ဆိုသွားမယ်လို့လည်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
