မန်ချက်စတာစီးတီး ကတော့ ဒီနှစ် ချန်ပီယံလိဂ်ရဲ့ လိဂ်အဆင့်မှာ နာပိုလီနဲ့ ထိပ်တိုက် တွေ့ဆုံနေပါတယ်။ စီးတီးဟာ သူတို့ရဲ့ ကစားသမားဟောင်း ဖြစ်တဲ့ ကီဗင် ဒီဘရွန်နားနဲ့ ပြန်လည် ဆုံတွေ့ရတော့မှာ ဖြစ်ပြီး လာမယ့် စက်တင်ဘာလ ၁၇ ရက်နေ့၊ အက်တီဟတ်မှာ နာပိုလီကို ဧည့်ခံကစားရမှာ ဖြစ်ပါတယ်။
မန်စီးတီးဟာ လိဂ်အဆင့် ပွဲစဉ် ၈ ပွဲမှာ မိုနာကို (အဝေး)၊ ဂါလာတာဆာရေး (အိမ်)၊ ဘိုဒို/ဂလင့်မ် (အဝေး)၊ နာပိုလီ (အိမ်)၊ ဗီလာရီးရဲလ် (အဝေး)၊ လေဗာကူဆင် (အိမ်)၊ ဒေါ့မန် (အိမ်)၊ ရီးရဲလ်မက်ဒရစ် (အဝေး) တို့နဲ့ ရင်ဆိုင် ကစားရမှာ ဖြစ်ပါတယ်။ စီးရီးအေ ချန်ပီယံ နာပိုလီ နဲ့တော့ လိဂ် အဆင့် ပွဲစဉ် ၄ အဖြစ် ကစားရမှာ ဖြစ်ပါတယ်။
ဒီဘရွန်းနား ကတော့ မန်ချက်စတာစီးတီးမှာ ၁၀ နှစ်ကြာ ဖြတ်သန်းခဲ့ပြီးတော့ ပရီးမီးယားလိဂ် ပွဲစဉ်ပေါင်း ၂၈၈ ပွဲ ကစားကာ၊ ၇၂ ဂိုး သွင်းယူခဲ့ပါတယ်။ အသက် ၃၄ နှစ် အရွယ် ရှိပြီ ဖြစ်တဲ့ ဒီဘရွန်းနားဟာ ဂိုးဖန်တီးမှု ၁၁၉ ကြိမ် ပြုလုပ်ခဲ့ပြီး သူတို့ ပိုပြီး ဖန်တီးထားနိုင်တဲ့ ကစားသမား ကတော့ ရိုင်ယန် ဂစ် (၁၆၂ ကြိမ်) သာ ရှိထားပါတယ်။ ဘယ်လ်ဂျီယံသားက နည်းပြ ပပ် ဂွာဒီယိုလာ လက်အောက်မှာ ပရီးမီးယားလိဂ် ဖလား ၆ ကြိမ် ရရှိခဲ့ပြီး ၂၀၂၃ ခုနှစ် မှာတော့ မန်စီးတီးရဲ့ သမိုင်းတစ်လျှောက် ပထမဦးဆုံး ချန်ပီယံလိဂ် ဖလားကို ဆွတ်ခူးနိုင်ခဲ့ပါတယ်။
မန်ချက်စတာစီးတီး ဘောလုံးဒါရိုက်တာ ဟူဂို ဗီယာနာ ကတော့ ဒီဘရွန်းနား အက်တီဟတ်ဆီ ပြန်လာတာက အားလုံး အပြုသဘောဆောင်တဲ့ အတွေ့အကြုံ ဖြစ်လိမ့်မယ်လို့ ယုံကြည်နေပါတယ်။ ဗီယာနာက “ကျွန်တော် တို့ရဲ့ ဂန္တဝင်ဖြစ်တဲ့ ကီဗင် ဒီ ဘရွန်းနားကို အိမ်ကွင်းမှာ ပြန်လည တွေ့ဆုံရတာက တကယ့်ကို အပြုသဘော ဆောင်ပါတယ်။ သူ့ကို ပြန်တွေ့ရတာ အရမ်းပဲ ကောင်းပါတယ်။” လို့ ဆိုပါတယ်။
ဆက်လက်ပြီး “ပပ်နဲ့ သူ့ရဲ့ လုပ်ဖော်ကိုင်ဖက်တွေ အားလုံးက သူ့ကို လက်ခံရတာ တကယ်ကို ပျော်ရွှင်ကြလိမ့်မယ်လို့ ကျွန်တော် ထင်ပါတယ်။ ကျွန်တော် တို့ရဲ့ ပရိသတ်တွေ အနေနဲ့ ကလည်း အရမ်းပဲ စိတ်လှုပ်ရှားစရာ ကောင်းပြီး သူ့ကို ပြန်တွေ့ရတာ အရမ်းပဲ ပျော်ရွှင်နေမယ်လို့ ကျွန်တော် ထင်ပါတယ်။ စက်တင်ဘာလက စလို့ ပွဲတွေ အများကြီး ကစားရတော့မှာ ဖြစ်ပြီး ကျွန်တော်တို့ အတွက်လည်း စိန်ခေါ်မှု တစ်ခု ဖြစ်လာမှာမို့လို့ ခရီးရှည်သွားစရာ မလိုတာက အပြုသဘောဆောင်တဲ့ ကိစ္စ ဖြစ်ပါတယ်။ အသင်းတိုင်းက ချန်ပီယံလိဂ် ကစားချင်တာ ဖြစ်လို့ ကျွန်တော်တို့ တစ်ချိန်တည်းမှာ ပျော်ရွှင်ပြီး ဂုဏ်လည်း ယူမိပါတယ်။” လို့ ပြောကြားသွားခဲ့ပါတယ်။ ချန်ပီယံလိဂ် လိဂ် အဆင့် ပွဲခွဲပွဲ ရလဒ်တွေအရ မန်စီးတီး အတွက် ဆိုရင်တော့ နာပိုလီ၊ ဒေါ့မန်နဲ့ ရီးရဲလ်မက်ဒရစ် တို့လောက်ပဲ ခက်ခဲတဲ့ ပြိုင်ဘက်တွေ ဖြစ်လာဖို့ ရှိပြီး တော်တော်လေး ပွဲချောင်နေတာ တွေ့ရပါတယ်။ ပုံစံသစ်နဲ့ စတင် ကျင်းပခဲ့တဲ့ ပြီးခဲ့တဲ့ ရာသီက လိဂ်အဆင့် မှာရော၊ ရှုံးထွက်အဆင့် မှာပါ ရုန်းကန်ခဲ့ရတဲ့ မန်စီးတီးတို့ ဒီရာသီမှာ ပုံစံကောင်း တစ်ခုနဲ့ ပြန်လာနိုင်မလား ဆိုတာ စောင့်ကြည့်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
