ဆန်းဒါးလန်း နည်းပြ ရစ်ဂျစ် လီဘရစ် ကတော့ ဂရန်းနစ် ချာကာရဲ့ အသင်း အပေါ် သြဇာလွှမ်းမိုးမှုကို ချီးကျူးဂုဏ်ပြုခဲ့ပါတယ်။ လီဘရစ်ဟာ တနင်္လာနေ့မှာ အဲဗာတန်နဲ့ ကစားမယ့် ပွဲစဉ် မတိုင်ခင် အခုလို ချီးကျူးခဲ့တာ ဖြစ်ပြီး ဆန်းဒါးလန်းရဲ့ ပရီးမီးယားလိဂ်မှာ ကောင်းမွန်တဲ့ စတင်မှုမှာ ချာကာက အဓိက ကျတယ်လို့ ယုံကြည်နေတာ ဖြစ်ပါတယ်။
ဆန်းဒါးလန်း ကတော့ ပရီးမီးယားလိဂ်ဆီ တန်းတက်လာပြီး ကတည်းက ၂ ပွဲသာ ရှုံးနိမ့်ထားပြီး ၁၉၉၉-၂၀၀၀ ရာသီနောက်ပိုင်း အကောင်းဆုံး စတင်မှု အဖြစ် ရမှတ် ၁၇ မှတ် ရရှိထားပါတယ်။ နောက်ဆုံး ၂ ပွဲမှာ ဝုဗ်နဲ့ ချဲလ်ဆီး တို့ကို အနိုင်ယူခဲ့တဲ့ ကြောင်နက်တွေဟာ ၂၀၁၄ ခုနှစ် မေလ နောက်ပိုင်း ပထမဆုံး အကြိမ် အဖြစ် ပရီးမီးယားလိဂ် ၃ ပွဲဆက်တိုက် အနိုင်ရရှိဖို့ မျှော်လင့်နေတာ ဖြစ်ပါတယ်။
ဂရန်းနစ် ချာကာ ကတော့ လက်ရှိအချိန်ထိ ဆန်းဒါးလန်း အတွက် မိနစ်တိုင်း ပါဝင်ကစားထားကာ ဂိုးဖန်တီးမှု ၃ ကြိမ် ပြုလုပ်ထားပါတယ်။ ချာကာဟာ လေဗာကူဆင် ကနေ ပြောင်းရွှေ့လာပြီးနောက် ဆန်းဒါးလန်းမှာ တော်တော်လေး သြဇာညောင်းတဲ့ ကစားသမားတစ်ဦး ဖြစ်ပြီး သူ့ရဲ့ သက်ရောက်မှုကို လီဘရစ်က အခုလို ပြောကြားခဲ့ပါတယ်။
“အဲဒီအဆင့်မှာ ယှဉ်ပြိုင်နိုင်စွမ်း ရှိဖို့ ကွင်းထဲမှာ စွမ်းဆောင်ရည်ကို ပိုင်ဆိုင်ထားဖို့ လိုပါတယ်။ အဲဒီ အတွက် ဂရန်းနစ်က ကွင်းထဲက အရာအားလုံးကို စီမံခန့်ခွဲနိုင်လို့ အများကြီး အထောက်အကူပြုပါတယ်။ သူတစ်ယောက်တည်းတော့ မဟုတ်ပါဘူး။ ဒါပေမယ့် သူက စံပြပုဂ္ဂိုလ် တစ်ယောက် အနေနဲ့ အသင်းကို ဦးဆောင်နေပါတယ်။”
“ သူက ဒီယုံကြည်ချက်ကို ပေးပါတယ်။ ချဲလ်ဆီးနဲ့ ကစားတုန်း ကလည်း အနိုင်ရနိုင်တယ်လို့ ယုံကြည်ပါတယ်။ သူက အဲဒါကို ပြသနိုင်ခဲ့တယ်။ အဝတ်လဲခန်းထဲမှာရော တခြားနေရာတွေ မှာပါ ပြောပြတယ်။ ဖြစ်နိုင်တယ် ဆိုတာ ယုံကြည်ချင်တယ်။ သူ့နောက်ကို လိုက်ချင်တယ်။ အဲဒါအတွက်လည်း သူက အရေးကြီးပါတယ်။” လို့ လီဘရစ်က ပြောကြားသွားခဲ့ပါတယ်။
တစ်ဖက်မှာလည်း အဲဗာတန်က နောက်ဆုံး ၂ ပွဲဆက် ရှုံးနိမ့်ထားပြီးနောက် ပရီးမီးယားလိဂ် အဆင့် ၁၅ နေရာမှာ ရှိနေပါတယ်။ အဲဗာတန်ဟာ နောက်ဆုံး ၂ ပွဲမှာ အသင်းကြီး ၂ သင်း ဖြစ်တဲ့ မန်စီးတီးနဲ့ တော့တင်ဟမ်ဟော့စပါး တို့ကို ရှုံးနိမ့်ထားခဲ့တာ ဖြစ်ပါတယ်။ ဒီရာသီမှာ အဲဗာတန် အတွက် အဓိက စိုးရိမ်ပူပန်စရာ ကတော့ တိုက်စစ်ပိုင်း ဖြစ်ပါတယ်။ အီလီမန် အန်ဒီယာယီ တစ်ဦးတည်းသာ တစ်ကြိမ်ထက် ပိုပြီး ဂိုးသွင်းထားနိုင်သလို ဘီတို ကလည်း ၁ ဂိုးသာာ သွင်းထားပြီး သီယာနို ဘယ်ရီ ကတော့ သူ့ရဲ့ ပထမဦးဆုံး သွင်းဂိုးကို စောင့်ဆိုင်းနေဆဲ ဖြစ်ပါတယ်။ဒါပေမယ့်လည်း ဒေးဗစ် မွိုက်စ် ကတော့ ကွင်းထိပ်မှာ ပြောင်းလဲမှုတွေ ရှိလာလိမ့်မယ်လို့ လက်ခံထားပြီး အဲဗာတန်ကို ဂိုးသွင်းနိုင်အောင် သူ့ရဲ့ စနစ်ကို ပြောင်းလဲနိုင်တယ်လို့ အရိပ်အမြွက် ပြောကြားထားပါတယ်။ မွိုက်စ်က “တခြား ရွေးချယ်စရာတွေ ရှိမရှိ ကျွန်တော် စောင့်ကြည့်ပါမယ်၊ ကျွန်တော် လိုချင်တာ မရဘူးလို့ ထင်ရင် ဘာတွေ ရှိသေးလဲ ဆိုတာ ကျွန်တော် စောင့်ကြည့်ပါမယ်။ “အီလီ (အန်ဒီယာရီ) က သင့်ကို အဓိက အချက်အချာကျတဲ့ အခန်းကဏ္ဍ ကနေ ပါဝင်မှု နည်းပါးစေပြီး အဲဒီလိုလုပ်ရင် မတူညီတဲ့အချိန်တွေမှာ ဘယ်လိုကစားရမလဲ၊ ဘယ်လို တည်ဆောက်ရမလဲ ဆိုတာကို ပြောင်းလဲပေးပါတယ်။ အဲဒီ ပြိုင်ဆိုင်မှုမှာ ပါဝင်လာနိုင်တဲ့ တခြားလူတစ်ယောက် ဒါမှမဟုတ် နှစ်ယောက်လောက်လည်း ရှိပါတယ်။ ဒါပေမယ့် ကျွန်တော်တို့ ခေါင်းထဲမှာပဲ စဉ်းစားနေမှာ မဟုတ်ပါဘူး။ ကျွန်တော်တို့ အကောင်းဆုံး အသုံးချသွားပါမယ်။” လို့ ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
