ဖေဖော်ဝါရီ ၄ ရက်နေ့ ညနေခင်းအချိန်ထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
ရီးရဲလ်မက်ဒရစ် ကွင်းလယ်လူ ဖက်ဒရစ်ကို ဗယ်လ်ဗာဒီဟာ လာလီဂါ ကလပ်မှာ မပျော်ရွှင်တော့ကြောင်း သိရပါတယ်။ လက်ရှိမှာ သူ့ကို ချဲလ်ဆီးနဲ့ ယူနိုက်တက်တို့ ဆီက ကမ်းလှမ်းမှုတွေ ရရှိထားကြောင်း ကလပ်ကို အသိပေးထားပါတယ်။
ရီးရဲလ်မက်ဒရစ် အသင်းဟာ သူတို့ရဲ့ ကြယ်ပွင့် ကစားသမား ဂျူ့ဒ် ဘယ်လင်ဟမ်ကို လက်လွှတ်ဖို့ အတွက် ချဲလ်ဆီး ဆီက အန်ဇို ဖာနန်ဒက်စ် နဲ့ အလဲအထပ်လုပ်ဖို့ ကမ်းလှမ်းလာမှသာ စဉ်းစားမှာ ဖြစ်ပါတယ်။ ဒါ့အပြင် အင်္ဂလန် လက်ရွေးစင် ကစားသမားကို လက်လွှတ်ရမယ် ဆိုရင် ပြောင်းရွှေ့ကြေး ပေါင် ၁၂၀ သန်းထက် မနည်း လိုချင်နေပါတယ်။
မားကပ်စ် ရက်ရှ်ဖို့ဒ်ဟာ ဒီနွေရာသီမှာ ယူနိုက်တက် ကနေ အပြီးအပိုင် ထွက်ခွာပြီး ဘာစီလိုနာမှာပဲ ဆက်ရှိချင်နေပါတယ်။ ဘာစီလိုနာ ဘက်ကလည်း သူ့ကို ယူရို သန်း ၃၀ နဲ့ အပြီးသတ် ခေါ်ယူနိုင်မယ့် အခွင့်အရေးကို အသုံးချဖို့ ပြင်ဆင်နေပြီ ဖြစ်ပါတယ်။
ဆော်ဒီပရိုလိဂ် ကလပ် အဲလ်အစ်တီဟတ် ကတော့ လာမင်း ယာမယ်ကို ယူရို သန်း ၃၀၀ နဲ့ ကမ်းလှမ်းဖို့ ပြင်ဆင်နေပေမယ့် ဘာစီလိုနာ ကတော့ သူ့ရဲ့ စာချုပ်ဖျက်သိမ်းကြေး ဖြစ်တဲ့ ယူရို ၁ ဘီလီယံ ရမှသာ ဆွေးနွေးမယ်လို့ တုံ့ပြန်ထားပါတယ်။
နည်းပြ ဟန်ဆီ ဖလစ်ခ်က ယာအို ကန်ဆယ်လိုရဲ့ ကစားဟန်ဟာ သူရဲ့ နည်းစနစ်နဲ့ အံဝင်မှု မရှိဘူးလို့ ဆုံးဖြတ်လိုက်တဲ့ အတွက် ရာသီကုန်အထိ သူ့ကို အရန်ခုံမှာပဲ ထားရှိသွားဖို့ ပြင်ဆင်နေပါတယ်။
တော့တင်ဟမ်ဟော့စပါးက ရော်နယ် အာရူဟိုကို ယူရို ၃၅ သန်းနဲ့ ခေါ်ယူဖို့ လာလီဂါ ကလပ် ဘာစီလိုနာကို ကမ်းလှမ်းခဲ့ပါတယ်။
လီယွန်နယ် မက်ဆီဟာ ၂၀၂၆ မေဂျာလိဂ် ရာသီအပြီးမှာ သူ့ရဲ့ ကလပ်ဟောင်း ဖြစ်တဲ့ အာဂျင်တီးနားက နယူးဝဲလ် အိုးလ်ဘွိုင်းစ် အသင်းထံ ၆ လကြာ အငှားနဲ့ သွားရောက် ကစားဖို့ သဘောတူညီမှု ရရှိသွားပြီ ဖြစ်ပါတယ်။ မက်ဆီဟာ ၂၀၂၇-၂၀၂၈ ဘောလုံး ရာသီသစ် မှာတော့ အင်တာမိုင်ယာမီကို ပြန်လာမယ်လို့ သိရပါတယ်။
အဲလ်နာဆာ အသင်း အပေါ် ဆော်ဒီ ရင်းနှီးမြှုပ်နှံမှု ရန်ပုံငွေအဖွဲ့ (PIF) ရဲ့ ရင်းနှီးမြှုပ်နှံမှု အားနည်းချက်တွေကြောင့် ရော်နယ်ဒိုဟာ အလွန်အမင်း ဒေါသထွက်နေပြီး ဆော်ဒီ ကနေ ထွက်ခွာဖို့ စဉ်းစားနေပါတယ်။ လက်ရှိမှာ ဥရောပ ကလပ်တွေ ကလည်း သူ့ကို ခေါ်ယူဖို့ အသင့်ရှိနေကြပါတယ်။
ထရန့် အလက်ဇန္တား-အာနိုးလ် ကတော့ ရီးရဲလ်မက်ဒရစ် ကနေ ထွက်ခွာဖို့ ဒါမှမဟုတ် ပရီးမီးယားလိဂ်ကို ပြန်လာဖို့ စိတ်ဝင်စားခြင်း မရှိဘူးလို့ သိရပါတယ်။
ဒန်နီ ကာဗာဟယ်ရဲ့ ဒဏ်ရာပြဿနာတွေကြောင့် ရီးရဲလ်မက်ဒရစ် တာဝန်ရှိသူတွေက စိတ်ပျက်နေပြီး ဒီနွေရာသီမှာ အသင်း ကနေ ပထမဆုံး ထွက်ခွာရမယ့်သူ ဖြစ်လာနိုင်ပါတယ်။
ရီးရဲလ်မက်ဒရစ် ကွင်းလယ်လူ ဘရာဟင်မ် ဒီးယက်ဇ်ကို အက်စတွန်ဗီလာ၊ နယူးကာဆယ်နဲ့ တော့တင်ဟမ်ဟော့စပါး တို့က အပြိုင်အဆိုင် စိတ်ဝင်စားနေကြပါတယ်။ ဒါပေမယ့် ရီးရဲလ်မက်ဒရစ် ဘက်ကတော့ ပြောင်းရွှေ့ကြေး အဖြစ် ယူရို သန်း ၆၀ (ပေါင် ၅၂ သန်းခန့်) သတ်မှတ်ထားပြီး အဲဒီပမာဏကို ပေးချေနိုင်မှသာ အပြောင်းအရွှေ့ ဖြစ်မြောက်မှာ ဖြစ်ပါတယ်။
အဲလ်ဟီလာ တိုက်စစ်မှူး ဂျွန် ဒူးရန် ကို ခေါ်ယူဖို့ လိဒ်စ်ယူနိုက်တက်နဲ့ တော့တင်ဟမ်ဟော့စပါး တို့ဆီ ကမ်းလှမ်းမှုတွေ ရောက်ရှိနေပါတယ်။ ဒူရန်ဟာ လက်ရှိ ဖီနာဘာချီ အသင်းမှာ တစ်ရာသီ အငှားနဲ့ သွားရောက် ကစားနေတာ ဖြစ်ပေမယ့် အဲဒီအငှားစာချုပ်ကို ဖျက်သိမ်းပြီး အသင်းပြောင်းဖို့ လမ်းဖွင့်ထားပါတယ်။
လစ်ဗာပူးလ် နည်းပြ အာနေး ဆလော့တ်ဟာ အပြောင်းအရွှေ့ ပိတ်သိမ်းဖို့ နာရီပိုင်း အလိုမှာ ကစားသမားသစ် အနည်းဆုံး ၂ ဦး ခေါ်ယူပေးဖို့ အသင်းကို တောင်းဆိုထားပါတယ်။ လက်ရှိ သူ့ရဲ့ လူစာရင်းဟာ အင်အား အလွန်နည်းနေတယ် လို့ သူက ယူဆနေတာကြောင့် ဖြစ်ပါတယ်။
တော့တင်ဟမ်ဟော့စပါး အသင်းရဲ့ အမာခံ ဗဟိုနောက်ခံလူ ရိုမီယိုကို ရီးရဲလ်မက်ဒရစ်က ခေါ်ယူဖို့ အလေးအနက် စိတ်ဝင်စားလာတဲ့ အတွက် စပါးက သူ့ရဲ့ ပြောင်းရွှေ့ကြေးကို ယူရို သန်း ၇၀ (ပေါင် ၆၀ ဒသမ ၇ သန်း) လို့ ဈေးနှုန်း သတ်မှတ်လိုက်ပါတယ်။
အာဆင်နယ် အသင်းဟာ ဘလက်ဘန်း အသင်းရဲ့ အသက် ၁၇ နှစ် အရွယ် တိုက်စစ်မှူး အီဂေါ တိုင်ဂျွန် အတွက် ပေါင် ၁ သန်းနဲ့ ကမ်းလှမ်းခဲ့ပေမယ့် ပယ်ချခံလိုက်ရပါတယ်။ ဘလက်ဘန်း ဘက်ကတော့ သူ့ရဲ့တန်ဖိုးကို အနည်းဆုံး ပေါင် ၂ သန်းလောက် အထိ လိုချင်နေတာပါ။ တိုင်ဂျွန်ရဲ့ စာချုပ် ဟာလည်း လာမယ့် နွေရာသီမှာ ကုန်ဆုံးတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
