အခုတစ်ခါမှာတော့ ဇန်နဝါရီ ၅ ရက်နေ့၊ ပရီးမီးယားလိဂ်ရဲ့ နောက်ဆုံးရ စိတ်ဝင်စားဖွယ်ရာ သတင်းထူးတွေကို SBOTOP ပရိသတ်တွေ အတွက် ပြည့်ပြည့်စုံစုံ စုစည်း ဖော်ပြပေးလိုက်ပါတယ်။
ပရီးမီးယားလိဂ် ကလပ် မန်ချက်စတာယူနိုက်တက် အသင်းဟာ ဂန္ထဝင် ကစားသမားဟောင်း ခရစ္စတီယာနို ရော်နယ်ဒိုကို အသင်းထံ ပြန်လည် ခေါ်ယူဖို့ ဆွေးနွေးမှုတွေ ပြုလုပ်နေပါတယ်။ ရော်နယ်ဒိုဟာ လက်ရှိ အဲလ်နာဆာ အသင်းနဲ့ အဆင်မပြေဖြစ်နေပြီး သူ့ရဲ့ ကစားသမားဘဝကို အိုးထရက်ဖို့ဒ်မှာ အဆုံးသတ်လိုနေတယ်လို့ သိရပါတယ်။ အကယ်၍ ယူနိုက်တက် ကသာ သူ့ရဲ့ စာချုပ်ပါ လျော်ကြေး ယူရို သန်း ၅၀ (ပေါင် ၄၃.၂ သန်း) ကို ပေးချေပြီး ခေါ်ယူခဲ့ရင် ရော်နယ်ဒိုဟာ ဘောလုံးသမိုင်းမှာ အသက် ၃၅ နှစ်ကျော် ကစားသမားတွေထဲက စျေးအကြီးဆုံး ကစားသမား အဖြစ် စံချိန်သစ်တင်နိုင်မှာ ဖြစ်ပါတယ်။
အာဆင်နယ် အသင်းဟာ နယူးကာဆယ် ကွင်းလယ်လူ ဆန်ဒရို တိုနယ်လီကို လာမယ့် နွေရာသီမှာ ခေါ်ယူဖို့ ကြိုးပမ်းနေပေမယ့် မန်စီးတီးနဲ့ ချဲလ်ဆီးတို့ ကလည်း စိတ်ဝင်စားနေတာကြောင့် အခြေအနေက ခက်ခဲနိုင်ပါတယ်။ နယူးကာဆယ် ဘက်ကတော့ အီတလီသား အတွက် ပေါင် သန်း ၁၀၀ အထိ အလိုရှိနေပါတယ်။
မန်ချက်စတာယူနိုက်တက် နည်းပြသစ် မိုက်ကယ် ကာရစ်ခ်က သူ့ကို ဆက်ထိန်းထားချင်နေပေမယ့် မာကပ်စ် ရက်ရှ်ဖို့ဒ် ကတော့ ဘာစီလိုနာကို အပြီးသတ် ပြောင်းရွှေ့ဖို့ပဲ ဆုံးဖြတ်ထားပါတယ်။ သူဟာ စပိန်မှာ ဆက်နေနိုင်ဖို့ အတွက် လစာလျှော့ယူဖို့တောင် အသင့် ရှိနေတယ်လို့ သိရပါတယ်။
ရိုဒရီကို ရီးရဲလ်မက်ဒရစ်ဆီ လက်လွှတ်ရမယ့် အခြေအနေကို ပပ် ဂွါဒီယိုလာက လက်ခံနိုင်ပေမယ့် အလဲအထပ် အဖြစ် ဖက်ဒရစ်ကို ဗယ်လ်ဗာဒီနဲ့ ရိုဒရီဂိုတို့ နှစ်ယောက်စလုံးကို ပြန်လည် ရရှိမှသာ သဘောတူမှာ ဖြစ်တယ်လို့ သိရပါတယ်။
ရီကာဒို ပက်ပီကို ခေါ်ယူဖို့ ကြိုးစားမှု မအောင်မြင်ခဲ့ပြီးနောက် ပရီးမီးယားလိဂ် ကလပ် ဖူလ်ဟမ် အသင်းဟာ လက်ရှိမှာ အသင်း လက်မဲ့ ဖြစ်နေတဲ့ ရာဟင်းမ် စတာလင်ကို ခေါ်ယူဖို့ စိတ်ဝင်စားနေပါတယ်။
အာဆင်နယ်ဟာ ဘေယန်မြူးနစ် ကွင်းလယ်လူ လီယွန် ဂိုရက်ဇ်ကာကို ဇန်နဝါရီ အပြောင်းအရွှေ့ ပိတ်ခါနီးမှာ ခေါ်ယူဖို့ အလေးအနက် စဉ်းစားခဲ့ဖူးပြီး လာမယ့် ဇွန်လမှာ သူ့ရဲ့ စာချုပ်သက်တမ်း ကုန်ဆုံးချိန်မှာ အလွတ်နဲ့ ခေါ်ယူဖို့ ထပ်မံကြိုးပမ်းဦးမှာပါ။ ဒါပေမယ့် စပါး အသင်းနဲ့ အပြိုင်လုရမှာ ဖြစ်ပါတယ်။
လစ်ဗာပူးလ် နောက်ခံလူ အန်ဒီ ရော်ဘတ်ဆန်ဟာ လာမယ့် နွေရာသီမှာ စာချုပ် သက်တမ်း ကုန်ဆုံးတော့မှာ ဖြစ်ပေမယ့် စပါးကို ချက်ချင်း ပြောင်းရွှေ့ဖို့ မသေချာသေးပါဘူး။ သူဟာ ဥရောပကလပ်တွေဆီ ပြောင်းမလား ဒါမှမဟုတ် သူ့ရဲ့ အသင်းဟောင်း ဆဲလ်တစ် ဆီကိုပဲ ပြန်သွားမလား ဆိုတဲ့ ရွေးချယ်စရာတွေ ကိုပါ ထည့်သွင်း စဉ်းစားနေပါတယ်။
အက်တလက်တီကိုမက်ဒရစ်ရဲ့ လူငယ် နောက်ခံလူ မာ့ခ် ပူဘေးလ်ကို ခေါ်ယူဖို့ ချဲလ်ဆီးက ထိပ်ဆုံးက ဦးဆောင်နေပါတယ်။ ဒါပေမယ့် အသက် ၂၂ နှစ် အရွယ် ဒီကစားသမား အတွက် အက်တလက်တီကိုမက်ဒရစ် ဘက်က ယူရို သန်း ၈၀ (ပေါင် ၆၉.၁ သန်း) အထိ တောင်းဆိုထားပါတယ်။
မန်စီးတီး အသင်းဟာ သူတို့ရဲ့ နာမည်ကျော် နည်းပြကြီး ပပ် ဂွါဒီယိုလာ နေရာမှာ အစားထိုးဖို့ အတွက် နည်းပြ ၃ ဦးကို ပစ်မှတ်ထားနေတယ်လို့ သတင်းထွက်လာပါတယ်။ အသက် ၅၅ နှစ် အရွယ် ရှိပြီ ဖြစ်တဲ့ ဂွါဒီယိုလာဟာ မန်စီးတီး အသင်းနဲ့ စာချုပ်သက်တမ်း ၁၈ လ ကျန်ရှိသေးပေမဲ့ ဒီရာသီ အကုန်မှာ အသင်းနဲ့လမ်းခွဲဖို့ရှိတယ်ဆိုတဲ့ စိုးရိမ်စရာ ခန့်မှန်းချက်တွေထွက်ပေါ်နေပါတယ်။
မန်စီးတီး အသင်း ပစ်မှတ်ထားနေတဲ့ နည်းပြ ၃ ဦးထဲမှာ ချဲလ်ဆီး နည်းပြဟောင်း အန်ဇို မာရက်စ်ကာလည်း ပါဝင်ဖို့ ရာနှုန်းများတယ်လို့ The Telegraph က ခန့်မှန်းခဲ့ပါတယ်။ အသက် ၄၅ နှစ် အရွယ် ရှိပြီ ဖြစ်တဲ့ မာရက်စ်ကာဟာ ဒီရာသီ အစောပိုင်းတုန်းက မန်စီးတီး၊ ဂျူဗင်တပ်စ် တို့နဲ့ တွေ့ဆုံပြီး နည်းပြ ရာထူး အတွက် စကားပြောဆိုခဲ့တယ်လို့ အသင်း တာဝန်ရှိသူတွေကို အသိပေးခဲ့သလို ၂၀၂၆ နှစ်သစ်မှာပဲ ရာထူးကနေ ထုတ်ပယ်ခံခဲ့ရတာ ဖြစ်ပါတယ်။
မာရက်စ်ကာဟာ နည်းပြဘဝ အစောပိုင်းတုန်းက မန်စီးတီး အကယ်ဒမီ နည်းပြ အဖြစ် တာဝန်ယူခဲ့ဖူးပြီး အဲဒီနောက် ဂွါဒီယိုလာရဲ့ လက်ထောက် အဖြစ် ဆောင်ရွက်ခဲ့ပါတယ်။ မန်စီးတီး ပစ်မှတ်ထဲမှာ လေဗာကူဆင်နဲ့ ရီးရဲလ်မက်ဒရစ် နည်းပြဟောင်း အလွန်ဆိုလည်း ပါဝင်နိုင်ပြီး အသက် ၄၄ နှစ် အရွယ် စပိန်သားဟာ ရီးရဲလ်မက်ဒရစ်ကို ၃၄ ပွဲသာ ကိုင်တွယ်ခဲ့ရပြီး ,ပြီးခဲ့တဲ့ လက ရာထူးကနေ အထုတ်ခံခဲ့ရသူပါ။
မန်စီးတီးက ပစ်မှတ်ထားနေတဲ့ နည်းပြတွေထဲမှာ ကိုမို အသင်းနဲ့ အတူ ရလဒ်ကောင်းတွေ ရရှိနေတဲ့ အာဆင်နယ်၊ ချဲလ်ဆီး တို့ရဲ့ နာမည်ကျော်ကွ င်းလယ်လူဟောင်း ဆက်စ် ဖာဘရီဂတ်စ်လည်း ပါဝင်နေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
