အခုတစ်ခါမှာတော့ ဖေဖော်ဝါရီ ၅ ရက်နေ့ နေ့လည်ခင်းအထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
လာလီဂါ ကလပ် ဘာစီလိုနာ အသင်းဟာ သူတို့ရဲ့ နောက်ခံလူ ရော်နယ် အာရူဟို အတွက် အခု နွေရာသီမှာ ယူရို ၄၀ သန်း (ဒေါ်လာ ၄၇.၃ သန်း) ရရှိဖို့ ယုံကြည်နေပါတယ်။ ဘာစီလိုနာက ရရှိလာတဲ့ အဲဒီငွေတွေကို ဖရန့်ဖတ်က နေသန်နီယယ် ဘရောင်း ဒါမှမဟုတ် အက်စ်ပန်ညို ဘယ်နောက်ခံလူ ကာလို့စ် ရိုမီယို တို့ကို ပြန်လည် ဝယ်ယူရာမှာ ရင်းနှီးမြှုပ်နှံလိုနေပါတယ်။
နောက်ထပ် လာလီဂါ ထိပ်သီး ရီးရဲလ်မက်ဒရစ်ဟာ အာဆင်နယ် အကယ်ဒမီထွက် ကြယ်တပွင့် ဖြစ်တဲ့ မိုင်းလ်စ် လီဝစ်-စကယ်လီကို မမျှော်လင့်ဘဲ ကမ်းလှမ်းလာဖွယ် ရှိနေပါတယ်။ အာဆင်နယ် ဘက်ကတော့ ဒီလူငယ် ကစားသမား အတွက် အနည်းဆုံး ယူရို သန်း ၆၀ (ပေါင် ၅၁.၉ သန်း) အထိ တောင်းဆိုသွားဖို့ ရှိနေကြောင်း သိရပါတယ်။
ချဲလ်ဆီး အသင်းဟာ သူတို့ရဲ့ ကွင်းလယ်လူ အန်ဇို ဖာနန်ဒက်စ် အတွက် ရီးရဲလ်မက်ဒရစ်ရဲ့ ကမ်းလှမ်းမှုကို စဉ်းစားမယ် ဆိုရင် အသင်းရဲ့ စံချိန်တင် ပြောင်းရွှေ့ကြေး ဖြစ်တဲ့ ယူရို ၁၄၀ သန်း (ပေါင် ၁၂၁ သန်း) အထိ ရရှိမှသာ လက်ခံမှာ ဖြစ်ပါတယ်။ (ရင်းမြစ် – Fichajes)
ရီးရဲလ်မက်ဒရစ် အနေနဲ့ အန်ဇို ဖာနန်ဒက်ဇ်ကို ခေါ်ယူဖို့ ကြိုးပမ်းခြင်း ရှိ၊ မရှိဟာ ဂျုဒ် ဘယ်လင်ဟမ်ရဲ့ အနာဂတ် အပေါ်မှာ မူတည်နေပါတယ်။ ဘယ်လင်ဟမ် ကိုယ်တိုင် ကလည်း ပရီးမီးယားလိဂ်ကို ပြန်လာဖို့ သတင်းတွေ ထွက်ပေါ်နေပါတယ်။
ရီးရဲလ်မက်ဒရစ်ဟာ အန်ဇို ဖာနန်ဒက်ဇ်ကို စိတ်ဝင်စားရုံတင် မကဘဲ ပီအက်စ်ဂျီ ကွင်းလယ်လူ ဗစ်တင်ညာ ကိုလည်း မျက်စိကျနေပါတယ်။ ရီးရဲလ်က ပေါ်တူဂီသားကို အသင်းမှာ မရှိတော့တဲ့ ဂန္ထဝင် ကစားသမား လူကာ မိုဒရစ်ရဲ့ နေရာမှာ အစားထိုးမယ့်သူ အဖြစ် သတ်မှတ်ထားပြီး သူ့အတွက် ယူရို ၁၅၀ သန်း (ပေါင် ၁၂၉.၆ သန်း) ဆိုတဲ့ ကမ်းလှမ်းမှုမျိုး ပြုလုပ်ဖို့ စီစဉ်လျက် ရှိပါတယ်။
ဘာစီလိုနာ လူငယ် ကြယ်ပွင့် ဂါဗီ ကတော့ အကယ်၍ ပီအက်စ်ဂျီ ကသာ သူတို့ရဲ့ ကမ်းလှမ်းမှုကို ယူရို ၄၅ သန်း (ဒေါ်လာ ၅၃.၂ သန်း) အထိ တိုးမြှင့်လာခဲ့ရင် သူ့ရဲ့ ဘာစီလိုနာ ကစားသမား ဘဝကို အဆုံးသတ်ဖွယ် ရှိနေပါတယ်။
အဲလ်အစ်တီဟတ် တိုက်စစ်မှူး ကာရင်မ် ဘန်ဇီမာ ကတော့ အသင်းနဲ့ အဆင်မပြေဖြစ်ခဲ့ပြီးနောက် ရော်နယ်ဒိုရဲ့ အဓိက ပြိုင်ဘက် အဲလ်ဟီလာ အသင်းထံ ပြောင်းရွှေ့သွားခဲ့ပြီ ဖြစ်ပါတယ်။ ဘင်ဇီမာကို အသင်းထံ ခေါ်ယူပေးစေလိုနေတဲ့ ရော်နယ်ဒို တစ်ယောက် အသင်းရဲ့ အပြောင်းအရွှေ့ စီမံကိန်းတွေကို စိတ်ပျက်နေပြီး အသင်းဖော်ဟောင်း ဘန်ဇီမာကို ခေါ်ယူပေးဖို့ တိုက်တွန်းခဲ့ပေမယ့် အသင်း ဘက်က ပျက်ကွက်ခဲ့ပါတယ်။
ကစားသမားသစ် ခေါ်ယူမှုတွေမှာ သာမန်ထက် ငွေပိုသုံးနေတဲ့ အဲလ်ဟီလာဟာ ရော်နယ်ဒို အဲလ်နာဆာ အသင်းထံ စရောက်ခဲ့တဲ့ ၂၀၂၃ နောက်ပိုင်းကတည်းက ပေါင် သန်း ၁၈၀ အထိ ငွေပိုသုံးထားတဲ့ အသင်း ဖြစ်ပြီး ယခုတစ်ခေါက် မှာလည်း ဘန်ဇီမာကို စိတ်ကြိုက်လစာ ပေးချေကာ ခေါ်ယူခဲ့ပြန်ပါတယ်။
လက်ရှိ ရော်နယ်ဒိုနဲ့ အဲလ်နာဆာ အသင်း အကြား တင်းမာမှု အနည်းငယ်ရှိနေပြီး အသင်း ဘက်က အတွင်းရေး ကိစ္စတွေနဲ့ ပတ်သက်ပြီး နည်းပြ အပါအဝင် ကစားသမားတွေ ကိုပါ ပြောဆိုခွင့် ပိတ်ပင်ထားပါတယ်။ ရော်နယ်ဒိုဟာ လက်ရှိ တစ်ရက် ပေါင် ၄၈၈၀၀၀ အထိ ရရှိနေသူ ဖြစ်ပေမယ့် အသင်းရဲ့ အပြောင်းအရွှေ့ စီမံကိန်းတွေကို အကြိုက်မတွေ့ ဖြစ်နေတာကြောင့် အနာဂတ် မတည်မငြိမ်လည်း ဖြစ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
