၂၀၂၅-၂၀၂၆ ဘောလုံးရာသီ ချန်ပီယံလိဂ်ရဲ့ လိဂ်အဆင့် မဲခွဲရေးဆွဲပွဲ ကတော့ မနေ့ကပဲ ကျင်းပ ပြီးစီးခဲ့ပြီး အသင်းကြီး အချင်းချင်း ထိပ်တိုက် တွေ့ဆုံမှုတွေနဲ့ အတူ စိတ်ဝင်စားစရာတွေ ပြည့်နှက်နေဖို့တော့ ရှိနေပါတယ်။ ဒီအချိန်မှာ Opta ရဲ့ စူပါကွန်ပျူတာ တွက်ချက်မှု အရ ဒီရာသီ ချန်ပီယံလိဂ် ပြိုင်ပွဲမှာ ဘေယန်မြူးနစ်ဟာ ပွဲအကြပ်ဆုံး အသင်း အဖြစ် သတ်မှတ်ခံခဲ့ရပါတယ်။
Opta က ရင်ဆိုင်ရမယ့် ပြိုင်ဘက်တွေရဲ့ စံနှုန်း အပေါ် အခြေခံကာ တွက်ချက်ခဲ့တာ ဖြစ်ပါတယ်။ ဒါကြောင့် ဘေယန်မြူးနစ် ရင်ဆိုင်ရမယ့် ပြိုင်ဘက် ၈ သင်းရဲ့ ပျမ်းမျှ စံနှုန်းက ၉၂.၉ နဲ့ အမြင့်ဆုံး ဖြစ်နေတာကြောင့် ပွဲအကြပ်ဆုံး အဖြစ် သတ်မှတ်ခံတာ ဖြစ်ပါတယ်။ ဘေယန်မြူးနစ်ဟာ ချန်ပီယံလိဂ် လိဂ်အဆင့်မှာ ချဲလ်ဆီး၊ ပီအက်စ်ဂျီ၊ ကလပ် ဘရုဂေး၊ အာဆင်နယ်၊ စပိုတင်းလစ္စဘွန်း၊ ပီအက်စ်ဗွီ၊ ယူနီယံ စိန့်ဂီလွိုင်စ်၊ ပါဖိုးစ် တို့နဲ့ တွေ့ဆုံရမှာ ဖြစ်ပါတယ်။ သေချာတာ ကတော့ ချဲလ်ဆီး၊ ပီအက်စ်ဂျီ၊ အာဆင်နယ် တို့နဲ့ ပွဲစဉ်တွေက ဘေယန်မြူးနစ် အတွက် အခက်ခဲဆုံး ဖြစ်လာမှာပါ။
ဒုတိယပွဲ အကြပ်ဆုံး အဖြစ် သတ်မှတ်ခံရတဲ့ အသင်း ကတော့ လက်ရှိ ချန်ပီယံ ပီအက်စ်ဂျီ ဖြစ်ပြီး ဆုံတွေ့ရမယ့် အသင်းတွေ ကတော့ ဘေယန်မြူးနစ်၊ ဘာစီလိုနာ၊ အတ္တလန္တာ၊ လေဗာကူဆင်၊ တော့တင်ဟမ်ဟော့စပါး၊ စပိုတင်းလစ္စဘွန်း၊ နယူးကာဆယ်နဲ့ ဘီလ်ဘာအိုတို့ ဖြစ်ပါတယ်။ တကယ်ဆိုရင် ပီအက်စ်ဂျီ ကတောင် ဘေယန်မြူးနစ်ထက် ပွဲကြပ်နေတယ်လို့တောင် သတ်မှတ်နိုင်ပါတယ်။ ဘောလုံးသုံးသပ်သူတွေနဲ့ ပရိသတ် အများစု ကလည်း ပီအက်စ်ဂျီကို ပွဲအကြပ်ဆုံးလို့တောင် သတ်မှတ်ထားကြပါတယ်။
ချန်ပီယံလိဂ် လိဂ်အဆင့် ပွဲစဉ်တွေ ကတော့ လာမယ့် စက်တင်ဘာ ၁၆ မှာ စတင် ယှဉ်ပြိုင်ရမှာ ဖြစ်ပါတယ်။ ဒါကြောင့် ချန်ပီယံလိဂ် ပြိုင်ပွဲဝင် ထိပ်သီး အသင်းကြီးတွေ အနေနဲ့ သူတို့ရဲ့ လိဂ်အဆင့်မှာ ထိပ်တိုက် ရင်ဆိုင်သွားရမယ့် ပွဲစဉ်တွေကို အခုလိုပဲ စုစည်း ဖော်ပြပေးလိုက်ပါတယ်။
ပီအက်စ်ဂျီ – ဘေယန်မြူးနစ် (အိမ်)၊ ဘာစီလိုနာ (အဝေး)၊ အတ္တလန္တာ (အိမ်)၊ လေဗာကူဆင် (အဝေး)၊ တော့တင်ဟမ်ဟော့စပါး (အိမ်)၊ စပို့တင်းလစ္စဘွန်း (အဝေး)၊ နယူးကာဆယ် (အိမ်)၊ ဘီလ်ဘာအို (အဝေး)။
မန်ချက်စတာစီးတီး – ဒေါ့မန် (အိမ်)၊ ရီးရဲလ်မက်ဒရစ် (အဝေး)၊ လေဗာကူဆင် (အိမ်)၊ ဗီလာရီးရဲလ် (အဝေး)၊ နာပိုလီ (အိမ်)၊ ဘိုဒို/ဂလင့်မ် (အဝေး)၊ ဂါလာတာဆာရေး (အိမ်)၊ မိုနာကို (အဝေး)။
လစ်ဗာပူးလ် – ရီးရဲလ်မက်ဒရစ် (အိမ်)၊ အင်တာမီလန် (အဝေး)၊ အက်တလက်တီကိုမက်ဒရစ် (အိမ်)၊ ဖရန့်ဖတ် (အဝေး)၊ ပီအက်စ်ဗွီ (အိမ်)၊ မာဆေးလ် (အဝေး)၊ ကွာရာဘက်ဂျ် (အိမ်)၊ ဂါလာတာဆာရေး (အဝေး)။
အာဆင်နယ် – ဘေယန်မြူးနစ် (အိမ်)၊ အင်တာမီလန် (အဝေး)၊ အက်တလက်တီကိုမက်ဒရစ် (အိမ်)၊ ကလပ် ဘရုဂေး (အဝေး)၊ အိုလံပီယာကော့စ် (အိမ်)၊ ဆလားဗီးယား ပရာဟာ (အဝေး)၊ ကိုင်ရတ် အဲလ်မာတီ (အိမ်)၊ ဘီလ်ဘာအို (အဝေး)။
ရီးရဲလ်မက်ဒရစ် – မန်စီးတီး (အိမ်)၊ လစ်ဗာပူးလ် (အဝေး)၊ ဂျူဗင်တပ်စ် (အိမ်)၊ ဘင်ဖီကာ (အဝေး)၊ မာဆေးလ် (အိမ်)၊ အိုလံပီယာကော့စ် (အဝေး)၊ မိုနာကို (အိမ်)၊ ကိုင်ရတ် အဲလ်မာတီ (အဝေး)။
ဘာစီလိုနာ – ပီအက်စ်ဂျီ (အိမ်)၊ ချဲလ်ဆီး (အဝေး)၊ ဖရန့်ဖတ် (အိမ်)၊ ကလပ် ဘရုဂေး (အဝေး)၊ အိုလံပီယာကော့စ် (အိမ်)၊ ဆလားဗီးယား ပရာဟာ (အဝေး)၊ ကိုပေဟေဂင် (အိမ်)၊ နယူးကာဆယ် (အဝေး)။
ချဲလ်ဆီး – ဘာစီလိုနာ (အိမ်)၊ ဘေယန်မြူးနစ် (အဝေး)၊ ဘင်ဖီကာ (အိမ်)၊ အတ္တလန္တာ (အဝေး)၊ အေဂျက်စ် (အိမ်)၊ နာပိုလီ (အဝေး)၊ ပါ့ဖို့စ် (အိမ်)၊ ကွာရာဘက်ဂျ် (အဝေး)။
ဘေယန်မြူးနစ် – ချဲလ်ဆီး (အိမ်)၊ ပီအက်စ်ဂျီ (အဝေး)၊ ကလပ် ဘရုဂေး (အိမ်)၊ အာဆင်နယ် (အဝေး)၊ စပို့တင်းလစ္စဘွန်း (အိမ်)၊ ပီအက်စ်ဗွီ (အဝေး)၊ ယူနီယံစိန့်ဂလွိုက်စ် (အိမ်)၊ ပါဖို့စ် (အဝေး)။
အင်တာမီလန် – လစ်ဗာပူးလ် (အိမ်)၊ ဒေါ့မန် (အဝေး)၊ အာဆင်နယ် (အိမ်)၊ အက်တလက်တီကိုမက်ဒရစ် (အဝေး)၊ ဆလားဗီးယား ပရာဟာ (အိမ်)၊ အေဂျက်စ် (အဝေး)၊ ကိုင်ရတ် အဲလ်မာတီ (အိမ်)၊ ယူနီယံစိန့်ဂလွိုက်စ် (အဝေး)။
ဒေါ့မန် – အင်တာမီလန် (အိမ်)၊ မန်စီးတီး (အဝေး)၊ ဗီလာရီးရဲလ် (အိမ်)၊ ဂျူဗင်တပ်စ် (အဝေး)၊ ဘိုဒို/ဂလင့်မ် (အိမ်)၊ တော့တင်ဟမ်ဟော့စပါး (အဝေး)၊ ဘီလ်ဘာအို (အိမ်)၊ ကိုပေဟေဂင် (အဝေး)။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
