ဒီကနေ့ ညနေခင်းအထိ ရရှိထားသမျှ လာလီဂါ အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
အင်တာမီလန် နောက်ခံလူ အလက်ဆန်ဒရို ဘက်စတိုနီ ကတော့ ဒီနွေရာသီမှာ လာလီဂါ ကလပ် ဘာစီလိုနာကို ပြောင်းရွှေ့ဖို့ အလွန်အမင်း စိတ်ဝင်စားနေကြောင်း သိရပါတယ်။ ဒါပေမယ့်လည်း တခြား သတင်းတွေအရ ဘက်စတိုနီရဲ့ ဦးစားပေးက အင်တာမီလန်နှင့် စာချုပ်သစ်ချုပ်ဆိုဖို့သာ ဖြစ်ပြီး၊ အင်တာမီလန် အသင်း အနေနဲ့ သူ့ကို ယူရို သန်း ၇၀ အောက် လျော့တဲ့ ဘယ်ကမ်းလှမ်းမှုကို မဆို ဆွေးနွေးမှာ မဟုတ်ကြောင်း သိရပါတယ်။
ရီးရဲလ်မက်ဒရစ် အသင်းရဲ့ တိုက်စစ်ကစားသမား ဗင်နီးစီးယပ်စ် ဂျူနီယာရဲ့ အေးဂျင့် ဖြစ်သူနဲ့ ဆော်ဒီ တာဝန်ရှိသူတွေ အကြား မကြာသေးခင်က တွေ့ဆုံခဲ့ကြတယ်လို့ သတင်းတွေ ထွက်နေပါတယ်။ ဗင်နီးစီးယပ်စ် အနေနဲ့ ၎င်းတောင်းဆိုထားတဲ့ စာချုပ်သစ်ပါ အချက်အလက်တွေကို ရီးရဲလ်မက်ဒရစ် ဘက်က လိုက်လျောခြင်း မရှိရင် ဒီနွေရာသီမှာ ဘာနေဗျူး ကနေ ထွက်ခွာဖို့ လမ်းဖွင့်ထားကြောင်း သိရပါတယ်။
ဘာစီလိုနာ ကတော့ သူတို့ရဲ့ ခံစစ်တန်းကို အပြောင်းအလဲ ပြုလုပ်ဖို့ ပြင်ဆင်နေပေမယ့်လည်း အဓိက နောက်ခံလူ ရော်နယ် အာရူဟိုကို ရောင်းချဖို့ အလျင်စလို မရှိသေးပါဘူး။ အာရူဟိုကို လစ်ဗာပူးလ်က စိတ်ဝင်စားမှုတွေ ရှိနေပေမယ့်လည်း ဘာစီလိုနာ ဘက်က ဆက်လက် ထိန်းသိမ်းထားလိုတဲ့ အခြေအနေမှာ ရှိနေပါတယ်။
နောက်ထပ် လာလီဂါ ထိပ်သီး ရီးရဲလ်မက်ဒရစ် တာဝန်ရှိသူတွေ ကတော့ တော့တင်ဟမ်ဟော့စပါးရဲ့ ဗဟိုနောက်ခံလူ ခရစ္စတီယန် ရိုမီယိုကို ခေါ်ယူဖို့ စီစဉ်နေကြပါတယ်။ တစ်ဖက်မှာလည်း အသင်းရဲ့ လူငယ် နောက်ခံလူ ရာအူးလ် အဆန်စီယိုရဲ့ အနာဂတ်က မရေမရာ ဖြစ်နေကြောင်း သိရပါတယ်။
ဆက်စ်ကိုရဲ့ အေးဂျင့် ဖြစ်သူ ဘာဆန်နိုဗစ် ကတော့ လက်ရှိ သူ့ကစားသမားရဲ့ ပွဲထွက်ခွင့် ကန့်သက်ခံထားရမှုနဲ့ ပတ်သက်ပြီး ကျေနပ်မှု မရှိကြောင်း ဖွင့်ဟလာခဲ့ပါတယ်။ ဆက်စ်ကိုဟာ မန်ချက်စတာယူနိုက်တက် အသင်းထံ ပေါင် ၇၃.၇ သန်းနဲ့ ရောက်ရှိလာခဲ့ပေမယ့် များသော အားဖြင့် လူစားဝင် ကစားသမား အဖြစ်သာ အသင်း အတွက် ပါဝင်ကစားပေးနေရပါတယ်။ အခုလို နောက်ပိုင်း ပွဲတွေမှာ အသင်းကို အကြိမ်ကြိမ် ကယ်တင်လာနိုင်ခဲ့ပြီးနောက် ကစားသမားကို ပွဲထွက်ခွင့်ပေးဖို့ အသင်း ပရိသတ်တွေ တောင်းဆိုလာခဲ့သလို အေးဂျင့် ဖြစ်သူ ကလည်း တောင်းဆိုမှုတွေ ပြုလုပ်လာခဲ့ပါတယ်။
ဘာစီလိုနာ ကတော့ ရက်ရှ်ဖို့ဒ်ကို အပြီးသတ် ခေါ်ယူဖို့ အတွက် ဖာရန်း တောရက်စ်ကို ရောင်းချဖို့ ပြင်ဆင်နေပါတယ်။ ရက်ရှ်ဖို့ဒ်ကို ပေါင် ၂၆ သန်းနဲ့ အပြီးသတ် ခေါ်ယူနိုင်ဖို့ အတွက် ဘာစီလိုနာတို့ ငွေရှာဖို့ လိုအပ်နေပြီး ယူနိုက်တက် ဘက်ကလည်း ဈေးလုံးဝ မလျှော့ပေးတာကြောင့် အနည်းငယ် အကြပ်ရိုက်နေပါတယ်။ အသက် ၂၆ နှစ် အရွယ် ရှိပြီ ဖြစ်တဲ့ ဖာရန်း တောရက်စ်ဟာ လွန်ခဲ့တဲ့ ၂၀၂၂ တုန်းက မန်စီးတီး ဆီကနေ ပြောင်းရွှေ့လာခဲ့တာ ဖြစ်ပြီး ထိုက်သင့်တဲ့ ခြေစွမ်းတွေ ပြသနေပေမယ့် ဘာစီလိုနာ ဘက်က ရက်ရှ်ဖို့ဒ်ကို ပိုမို ဦးစားပေးလိုနေတာ ဖြစ်ပါတယ်။
တဖက် မှာလည်း ဘာစီလိုနာက ရောဘတ် လီဝမ်ဒေါစကီးကို စာချုပ်သက်တမ်း ထပ်မံ တိုးမြင့်ဖို့ စီစဉ်နေတာကြောင့် လစာပိုင်း အနေအထားတွေ ကိုပါ ထည့်တွက် သုံးသပ်နေရတာပါ။ အကယ်၍ လီဝမ်ဒေါစကီးကို ဆက်ထိန်းဖို့ မဖြစ်နိုင်ရင် အက်တလက်တီကိုမက်ဒရစ်က ဟူလီယန် အဲလ်ဗာရက်ဇ်ကို ဈေးကြီးပေး ခေါ်ယူဖို့ မျက်စိကျနေပါတယ်။ ရက်ရှ်ဖို့ဒ်ဟာ လက်ရှိ ရာသီ ပြိုင်ပွဲစုံ ၃၉ ပွဲကစား သွင်းဂိုး ၁၀ ဂိုးနဲ့ ဖန်တီးမှု ၁၃ ကြိမ် ပြုလုပ်ပေးထားပြီး နည်းပြ ဟန်ဆီ ဖလစ်ခ် ကိုယ်တိုင်က ဆက်ထိန်းရမယ့် ကစားသမား စာရင်းထဲ ထည့်သွင်းပြီးသား ဖြစ်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
