ဩဂုတ်လ ၂၆ ရက်နေ့ အတွက် ရရှိထားသမျှ စိတ်ဝင်စားစရာ လာလီဂါ ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ဒန်နီ ကာဗာဟယ် ကတော့ ကြံ့ခိုင်မှု အပြည့်နဲ့ ပြန်လာပြီးနောက် ထရန့် အလက်ဇန္တား အာနိုးလ်ကို အရန်ခုံ ပို့ဖို့ မျှော်လင့်ထားကြောင်း The Athletic က ဖော်ပြခဲ့ပါတယ်။ ကာဗာဟယ် ကတော့ ပြီးခဲ့တဲ့ ရာသီက ACL ဒဏ်ရာရခဲ့ပြီးနောက် လာလီဂါ ကလပ် အတွက် ကာလအတန်ကြာ ကစားပေးနိုင်ခြင်း မရှိခဲ့ပါဘူး။
ဗင်နီးစီးယပ်စ် အနေနဲ့ ရီးရဲလ်မက်ဒရစ်နဲ့ စာချုပ်သက်တမ်းတိုးဖို့ အဆင်မပြေ ဖြစ်နေတာကြောင့် ဆော်ဒီပရိုလိဂ် ကလပ်တွေနဲ့ ဘရာဇီးလ်သားကို ခေါ်ယူဖို့ မျှော်လင့်ချက် ရှိလာခဲ့ကြောင်း သိရပါတယ်။ လက်ရှိမှာ အမည်မဖော်လိုတဲ့ ဆော်ဒီ ကလပ် တစ်ခုဟာ ရီးရဲမက်ဒရစ်ရဲ့ ဆုံးဖြတ်ချက်ကို စမ်းသပ်ဖို့ အတွက် ယူရို သန်း ၁၃၀ နဲ့ ကမ်းလှမ်းထားကြောင်း Defensa Central က အခိုင်အမာ ဖော်ပြထားပါတယ်။
ဘာစီလိုနာ ကလည်း အာဂျင်တီးနား ကလပ် ရေးဗား ပလိတ်ရဲ့ ဆယ်ကျော်သက် ကစားသမားလေး အီရန် ဆူဘီယာဘရီကို ခေါ်ယူဖို့ စောင့်ကြည့်နေပါတယ်။ ဒီကစားသမားလေး အတွက် ကိုတော့ ရေဗားပလိတ်က ပြောင်းရွှေ့ကြေး ယူရို ၂၅ သန်း သတ်မှတ်ထားကြောင်း TNT Sports Argentina က ဖော်ပြပါတယ်။
ခရစ္စတယ်ပဲလေ့စ် ကတော့ လာလီဂါ ကလပ် အက်တလက်တီကိုမက်ဒရစ် ကွင်းလယ်လူ ကော်နာ ဂယ်လာဟာကို ပြန်လည် ခေါ်ယူဖို့ မျှော်လင့်နေကြောင်း News Shopper က ဖော်ပြခဲ့ပါတယ်။
ရိုးမား ကတော့ လစ်ဗာပူးလ် ဘယ်နောက်ခံလူ ကော့စ်တက်စ် ဆီမီကတ်စ်ကို ခေါ်ယူဖို့ အစည်းအဝေး တစ်ရပ် ပြုလုပ်ခဲ့ကြောင်း Football Italia က ဖော်ပြပါတယ်။
မန်ချက်စတာယူနိုက်တက် ကတော့ အလက်ဟန်ဒရို ဂါနာချို အတွက် တိုင်ရီ ဂျော့ဂျ်နဲ့ အလိုက်ပေး ကမ်းလှမ်းခဲ့တဲ့ ချဲလ်ဆီး အသင်းရဲ့ ကမ်းလှမ်းမှုကို ပယ်ချခဲ့ကြောင်း သိရပါတယ်။ တိုင်ရီ ဂျော့ဂျ် ကတော့ အသက် ၁၉ နှစ်သာ ရှိသေးပြီး ချဲလ်ဆီးရဲ့ အကယ်ဒမီထွက် ကစားသမား ဖြစ်ပါတယ်။ ပြီးခဲ့တဲ့ရာသီက ချဲလ်ဆီး စီနီယာ အသင်းကြီး အတွက် စတင် ကစားခွင့် ရခဲ့တဲ့ အင်္ဂလန် တောင်ပံ ကစားသမားဟာ အလားအလာ ရှိတဲ့ ကစားသမား တစ်ဦး အဖြစ် သတ်မှတ်ခံထားရသူလည်း ဖြစ်ပါတယ်။ ယူနိုက်တက် ကတော့ ဂါနာချို အတွက် ပြောင်းရွှေ့ကြေးကို ငွေသားသာ ရရှိလိုတာကြောင့် ငြင်းပယ်ခဲ့ခြင်း ဖြစ်ကြောင်းလည်း သိရပါတယ်။
အာဆင်နယ် ကတော့ အိုင်ယာလန် ကလပ် ရှမ်ရော့ခ် ရိုဗာက ဆယ်ကျော်သက် ကွင်းလယ် ကစားသမား အော့ဇ်ဟီယန်ဗူနာကို အသက် ၁၈ နှစ် ပြည့်ချိန်မှာ ခေါ်ယူဖို့ သဘောတူညီမှု ရရှိခဲ့ကြောင်း သိရပါတယ်။ ရုရှားနဲ့ နိုင်ဂျီးရီးယား နွယ်ဖွား အော့ဇ်ဟီယန်ဗူနာဟာ အသက် ၁၆ နှစ်သာ ရှိသေးပေမယ့် ရှမ်ရော့ခ်ရိုဗာနဲ့ အတူ အိုင်ယာလန် ပရီးမီးယားလိဂ်မှာ ကစားခွင့်ရနေသူ ဖြစ်ပါတယ်။
အေစီမီလန် ကတော့ လေဗာကူဆင်ရဲ့ နိုင်ဂျီးရီးယား တိုက်စစ်မှူး ဗစ်တာ ဘိုနီဖေ့စ်ကို ခေါ်ယူဖို့ နီးစပ်ခဲ့ပေမယ့် ဆေးစစ်မှု မအောင်မြင်တာကြောင့် အပြောင်းအရွှေ့ ပျက်ပြယ်ခဲ့ကြောင်း သိရပါတယ်။ အေစီမီလန်ဟာ အသက် ၂၄ နှစ် အရွယ် ဘိုနီ ဖေ့စ်ကို တစ်ရာသီ အငှားနဲ့ အရင်ဆုံး ခေါ်ယူပြီး လာမယ့် နှစ်မှာ အပြီးသတ် ခေါ်ယူဖို့ သဘောတူညီမှု ရရှိခဲ့တာပါ။ အေစီမီလန်ဟာ လေဗာကူဆင်ကို အငှား ခေါ်ယူမှု အတွက် ယူရို ၅ သန်း ပေးချေရမှာ ဖြစ်ပြီး အပြီးသတ် ခေါ်ယူမှု အတွက် ယူရို ၂၄ သန်း ထပ်ပေးရမှာ ဖြစ်ပါတယ်။ ဘိုနီ ဖေ့စ်ဟာ မီလန်မြို့ကို ရောက်ရှိလာခဲ့ပြီး ဆေးစစ်မှု ပြုလုပ်ခဲ့ပေမယ့် ဆေးကျတာကြောင့် ဂျာမနီကို ပြန်သွားခဲ့ကြောင်း သိရပါတယ်။ အေစီမီလန်ဟာ ဘိုနီဖေ့စ်ကို မခေါ်နိုင်တော့တာကြောင့် လက်ရှိမှာ တခြားသော တိုက်စစ်မှူး ထပ်မံ ရှာဖွေနေကြောင်း သိရပါတယ်။
မန်စီးတီးရဲ့ ဆွစ်ဇာလန် နောက်ခံလူ မန်ဝဲလ် အာကန်ဂျီဟာ ဂါလာတာစာရေးက ကမ်းလှမ်းထားပေမယ့် မန်စီးတီးမှာသာ ဆက်ကစားဖို့ ဆန္ဒရှိနေကြောင်း သိရပါတယ်။ အသက် ၃၀ အရွယ် အကန်ဂျီ ကတော့ မန်စီးတီးက ရောင်းထုတ်လိုတဲ့ ကစားသမား စာရင်းမှာ ပါဝင်နေတာကြောင့် ဂါလာတာစာရေးက ကမ်းလှမ်းခဲ့တာ ဖြစ်ပါတယ်။ ဂါလာတာစာရေးဟာ အကန်ဂျီ တစ်ဦးတည်းတင် မဟုတ်ပဲ မန်စီးတီးရဲ့ ဂိုးသမား အီဒါဆန်နဲ့ ဂွန်ဒိုအန် တို့ကိုလည်း ခေါ်ယူဖို့ ကြိုးပမ်းနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
