ဇန်နဝါရီ ၂၉ ရက်နေ့ ညနေပိုင်းအထိ ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ နောက်ဆုံးရ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက်ဟာ လာမယ့်နွေရာသီမှာ အဲဗာတန် တိုက်စစ်မှူး အီလီမန် အန်ဒီယေးကို ခေါ်ယူဖို့ စဉ်းစားနေပါတယ်။ အဲဗာတန် ဘက်ကတော့ သူတို့ အသင်းရဲ့ သမိုင်းတလျှောက် ဈေးအကြီးဆုံး ရောင်းချမှု ဖြစ်စေဖို့ ပေါင် ၇၅ သန်း (ဒေါ်လာ ၁၀၃.၃ သန်း) အထိ အနည်းဆုံး အလိုရှိနေပါတယ်။
အာဆင်နယ် အသင်းခေါင်းဆောင် မာတင် အိုဒီဂတ်ကို ဘေယန်မြူးနစ်နဲ့ အင်တာမီလန် တို့က စိတ်ဝင်စားနေကြပါတယ်။ အာဆင်နယ် အနေနဲ့ ပရီးမီးယားလိဂ်ရဲ့ ဘဏ္ဍာရေး စည်းမျဉ်း (PSR) တွေနဲ့ ကိုက်ညီစေဖို့ အတွက် သူတို့ရဲ့ အသင်းခေါင်းဆောင်ကို ရောင်းထုတ်ဖို့ စဉ်းစားလာနိုင်ပါတယ်။
အန်ဒီ ရော်ဘတ်ဆန် အနေနဲ့ တော့တင်ဟမ်ဟော့စပါးကို ပြောင်းရွှေ့ဖို့ ကြိုးပမ်းမှု ပျက်ပြယ်သွားခဲ့ပေမယ့် လစ်ဗာပူးလ် ကနေ ထွက်ခွာလိုတဲ့ ဆန္ဒရှိနေဆဲ ဖြစ်ကြောင်း သိရပါတယ်။
မန်စီးတီးဟာ အော်စကာ ဘော့ဘ်ရဲ့ အပြောင်းအရွှေ့ အတွက် ဖူလ်ဟမ် အသင်းနဲ့ ပေါင် ၂၇ သန်းတန် အံ့အားသင့်ဖွယ် သဘောတူညီမှု တစ်ခု ရရှိခဲ့ပါတယ်။ အသက် ၂၂ နှစ် အရွယ် အော်စကာ ဘော့ဘ် ဟာ လက်ရှိမှာ ဒဏ်ရာရနေပြီး ပရီးမီးယာလိဂ် ပွဲထွက် ကစားသမား အဖြစ် ၇ ပွဲသာ ပါဝင်ဖူးသူ ဖြစ်ပါတယ်။
ချဲလ်ဆီးဟာ လစ်ဗာပူးလ်နဲ့ ဘေယန်မြူးနစ် တို့ကို ကျော်ဖြတ်ပြီး ရန်းစ် အသင်း နောက်ခံလူ ဂျယ်ရမီ ဂျက်ကတ်ကို ယူရို ၇၅ သန်းနဲ့ ကမ်းလှမ်းပြီး အရ ခေါ်ယူဖို့ ပြင်ဆင်နေပါတယ်။
ချဲလ်ဆီးနဲ့ လမ်းခွဲခဲ့တဲ့ ရာဟင်းမ် စတာလင်ကို နာပိုလီ အပါအဝင် အသင်း တော်တော်များများက ကမ်းလှမ်းမှုတွေ ပြုလုပ်နေကြပါတယ်။
အက်တလက်တီကိုမက်ဒရစ်ဟာ မန်ချက်စတာစီးတီး တိုက်စစ်မှူး အိုမာ မာမွတ်ရှ်ကို ကမ်းလှမ်းထားပါတယ်။ အဆိုပါ သဘောတူညီချက်မှာ ယူရို ၅၅ သန်းနဲ့ အပြီးသတ် ဝယ်ယူခွင့် အပြင် ထပ်ဆောင်း ဆုကြေး ယူရို ၁၅ သန်း ပါဝင်မှာ ဖြစ်ပါတယ်။ ဒါ့အပြင် ကော်နာ ဂလက်ဂါရဲ့ နေရာမှာ အစားထိုးဖို့ ဘေယန် ကွင်းလယ်လူ လီယွန် ဂိုရက်ဇ်ကာ ကိုလည်း အဓိကပစ်မှတ်ထားနေပါတယ်။
ပရီးမီးယားလိဂ် ကလပ် တချို့က ဂျူ့ဒ် ဘယ်လင်ဂမ် အတွက် ယူရို သန်း ၁၀၀ ကျော်နဲ့ ကမ်းလှမ်းမှုတွေ ရှိနေပါတယ်။ အကယ်၍ ဘယ်လင်ဂမ်ရဲ့ ခြေစွမ်းဟာ လက်ရှိ အတိုင်း ပုံမှန်အောက်သာ ဆက်ရှိနေမယ် ဆိုရင် ရီးရဲလ်မက်ဒရစ် ဘက်က ရောင်းထုတ်ဖို့ စဉ်းစားလာနိုင်ပါတယ်။
ပရီးမီးယားလိဂ် ကလပ်တွေဆီက ရောက်လာတဲ့ ဖာရန်း တောရက်စ် အတွက် ယူရို ၄၅ သန်းတန် ကမ်းလှမ်းမှုကို ဘာစီလိုနာက ပယ်ချခဲ့ပါတယ်။ ဒါပေမယ့် နွေရာသီ မှာတော့ အပြောင်းအလဲ ရှိနိုင်ပါတယ်။
ယာဂန် ကလော့ပ် ဟာ ၂၀၂၆-၂၀၂၇ ဘောလုံးရာသီမှာ ရီးရဲလ်မက်ဒရစ် နည်းပြ ဖြစ်လာဖို့ ရှိနေပြီး၊ အဲဒီမတိုင်ခင်မှာ အာလင်း ဟာလန်းကို ဖုန်းဆက် စကားပြောခဲ့တယ်လို့ သတင်းတွေ ထွက်ပေါ်နေပါတယ်။
ဖူလ်ဟမ်ရဲ့ ခြေစွမ်းပြ ကစားသမား ဟယ်ရီ ဝီလ်ဆင်ကို အက်စတွန်ဗီလာနဲ့ လိဒ်စ်ယူနိုက်တက် တို့က အပြိုင်အဆိုင် ကြိုးပမ်းနေကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
