အခုတစ်ခါမှာတော့ စက်တင်ဘာ ၂၁ ရက်နေ့ အတွက် နောက်ထပ် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီး ကတော့ ခရစ္စတယ်ပဲလေ့စ် ဗဟို ခံစစ်မှူး မာ့ခ်ဂူဟီကို ခေါ်ယူဖို့ မျှော်လင့်ချက်ကို စွန့်လွှတ်လိုက်ပြီ ဖြစ်ပါတယ်။ ဒါကြောင့် မာ့ခ် ဂူဟီ အနေနဲ့ လာမယ့် နွေရာသီမှာ ပရီးမီးယားလိဂ် ထိပ်သီး လစ်ဗာပူးလ် ကိုပဲ ပြောင်းရွှေ့ဖို့ ဆန္ဒရှိနေတယ်လို့ သိရပါတယ်။
မန်ချက်စတာယူနိုက်တက် ကတော့ ရီးရဲလ်မက်ဒရစ် ကွင်းလယ်လူ ဖက်ဒရစ်ကို ဗယ်လ်ဗာဒီကို ယူရို သန်း ၅၀ (ပေါင် ၄၃.၆ သန်း၊ ဒေါ်လာ ၅၈.၈ သန်း) နဲ့ ကမ်းလှမ်းခဲ့ပါတယ်။ တစ်ဖက်မှာလည်း ရီးရဲလ်က ကိုဘီ မိန်းနူးကို ဆန်တီယာဂို ဘာနေဗျူးကို ပြောင်းရွှေ့ဖို့ ကမ်းလှမ်းခဲ့ကြောင်း သိရပါတယ်။
ပရီးမီးယားလိဂ် ကလပ် ချဲလ်ဆီးနဲ့ စပါး တို့ကတော့ မိန်းနူး အတွက် ပိုမို လက်တွေ့ကျတဲ့ အနာဂတ် ကလပ်တွေ အဖြစ် ရှုမြင်ခံထားရပါတယ်။ ဒါပေမယ့် ကစားသမားရဲ့ ဦးစားပေး ကတော့ ယူနိုက်တက်မှာ ၎င်းရဲ့ အနာဂတ် အတွက် ဆက်လက် တိုက်ပွဲဝင်ဖို့ ဖြစ်ကြောင်း သိရပါတယ်။
ဂျူဗင်တပ်စ်နဲ့ ရိုးမား နှစ်သင်းစလုံး ကလည်း ဇန်နဝါရီ အပြောင်းအရွှေ့ မတိုင်ခင် မိန်းနူးကို ကြိုတင် ကြိုးပမ်းသွားဖွယ် ရှိနေပါတယ်။ အကယ်၍ အင်္ဂလန်သားက ယူနိုက်တက်မှာ နေရာမရရင်တော့ အသင်း ဘက်က အငှားနဲ့ လက်လွှတ်သွားဖို့ ရှိနေပါတယ်။
ယူကရိန်း တောင်ပံ ကြယ်ပွင့် မီခိုင်လို မူဒရစ်ခ် ကတော့ ဆေးကျခဲ့ပြီးနောက် ဘောလုံးလောက ကနေ ထွက်ခွာဖို့ အဆင်သင့် ဖြစ်နေပြီလို့ သိရပါတယ်။ အဲဒီနောက် လာမယ့် ၂၀၂၈ အိုလံပစ် အားကစားပြိုင်ပွဲမှာ ပြေးခုန်ပစ် အားကစားနည်းနဲ့ ဝင်ရောက် ယှဉ်ပြိုင်ဖို့ စီစဉ်နေတယ်လို့ သိရပါတယ်။
မန်ချက်စတာစီးတီး ကတော့ တိုက်စစ်မှူး အာလင်း ဟာလန်းကို လာမယ့် နွေရာသီမှာ ရောင်းချရမယ် ဆိုရင် ပေါင် သန်း ၁၅၀ (ဒေါ်လာ ၂၀၂.၃ သန်း) တောင်းဆိုသွားမယ်လို့ သိရပါတယ်။ ဟာလန်း ကိုတော့ လာလီဂါ ထိပ်သီး ဘာစီလိုနာက အသည်းအသန် ခေါ်ယူချင်နေတာ ဖြစ်ပါတယ်။
နယူးကာဆယ် ကတော့ လာမယ့် ဇန်နဝါရီ အပြောင်းအရွှေ့ ဈေးကွက်မှာ ရီးရဲလ်မက်ဒရစ် တိုက်စစ်မှူး အန်းဒရစ်ခ်ကို အငှားနဲ့ ခေါ်ယူဖို့ မေးမြန်းခဲ့ကြောင်း သိရပါတယ်။ အန်းဒရစ်ခ် ကတော့ ရီးရဲလ်မက်ဒရစ်မှာ ပုံမှန် ပွဲထွက်ခွင့် မရတာကြောင့် စိတ်ပျက်နေသူ ဖြစ်ပါတယ်။
အက်စတွန်ဗီလာ ကတော့ ဒီနွေရာသီမှာ အေစီမီလန် တောင်ပံ ကစားသမား အလက်ဆစ် ဆယ်လီမေကာစ်ကို ခေါ်ယူဖို့ တခြားသော ကလပ်တွေ ပိုမို ကြိုးစားခဲ့တယ်လို့ သိရပါတယ်။ ဒါပေမယ့်လည်း ဘယ်လ်ဂျီယံသားက အေစီမီလန်နဲ့ စာချုပ်သစ် ချုပ်ဆိုဖို့သာ မျှော်လင့်နေကြောင်း သိရပါတယ်။
ဝက်စ်ဟမ်း ကတော့ ဂရေဟမ် ပေါ်တာနဲ့ လမ်းခွဲဖို့ များနေပြီး သူ့နေရာ မှာတော့ နော့တင်ဟမ်ဖောရက်စ် နည်းပြဟောင်း နူနို အက်စ်ပီရီတို ဆန်တိုနဲ့ အစားထိုးဖို့ ဆွေးနွေးထားကြောင်း သိရပါတယ်။ နူနို ဆန်တို ကတော့ နော့တင်ဟမ်ဖောရက်စ်ကို ထိပ်တန်း အဆင့် အသင်း တစ်သင်း ဖြစ်လာဖို့ ဦးဆောင်ခဲ့သူ ဖြစ်ပါတယ်။ တစ်ဖက်မှာလည်း ဝက်စ်ဟမ်းက နည်းပြဟောင်း ဆလေဗန် ဘီလစ်နဲ့ တွေ့ဆုံမှုတွေ ပြုလုပ်ထားပါတယ်။ အာဆင်နယ် နောက်ခံလူ ဝီလီယမ် ဆလီဘာရဲ့ အေးဂျင့် ကတော့ အာဆင်နယ် တာဝန်ရှိသူတွေနဲ့ အရေးပေါ် တွေ့ဆုံဖို့ တောင်းဆိုထားတယ်လို့ သိရပါတယ်။ ဆလီဘာဟာ အာဆင်နယ်မှာ ဆက်နေလိုကြောင်း ရှင်းလင်းနေပေမယ့် အကယ်၍ ဂန်းနားတွေနဲ့ စာချုပ်သစ် ချုပ်ဆိုဖို့ အဆင်မပြေရင်တော့ ရီးရဲလ်မက်ဒရစ်နဲ့ ဆွေးနွေးသွားဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
