ဩဂုတ် ၄ ရက်နေ့ အတွက် ရရှိထားသမျှ စိတ်ဝင်စားစရာ ပရီးမီးယားလိဂ် ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ဖီနာဘာချီ ကတော့ ပရီးမီးယားလိဂ် ကလပ် မန်ချက်စတာယူနိုက်တက် တောင်ပံ ကစားသမား အလက်ဟန်ဒရို ဂါနာချိုကို ခေါ်ယူဖို့ စိတ်ဝင်စားနေကြောင်း သတင်းတွေက ဖော်ပြပါတယ်။ မန်ချက်စတာယူနိုက်တက် မန်နေဂျာဟောင်း ဟိုဆေး မော်ရင်ညိုရဲ့ တူရကီ ကလပ်ဟာ ဂါနာချိုကို ယူရို ၄၅ သန်း (ပေါင် ၃၉.၁ သန်း) နဲ့ ကမ်းလှမ်းဖို့ စီစဉ်ထားကြောင်း သိရပါတယ်။
Football Insider ရဲ့ ဖော်ပြချက်အရ အက်စတွန်ဗီလာ ကွင်းလယ် ကစားသမား မော်ဂန် ရော်ဂျာစ်ကို ဒီနွေရာသီ အပြောင်းအရွှေ့မှာ ခေါ်ယူရေးက ချဲလ်ဆီးရဲ့ အိပ်မက် ဖြစ်ကြောင်း သိရပါတယ်။ ဒါပေမယ့်လည်း အင်္ဂလန် လက်ရွေးစင်ကို ခေါ်ယူဖို့ အတွက် ချဲလ်ဆီး အနေနဲ့ ပေါင် သန်း ၈၀ သုံးစွဲရဖို့ ရှိနေပါတယ်။
ချဲလ်ဆီး နောက်ခံလူ ရီနာတို ဗိုင်ဂါ ကတော့ အက်တလက်တီကိုမက်ဒရစ်ကို ပြောင်းရွှေ့ဖို့ ညှိနှိုင်းရာမှာ အဆင်မပြေ ဖြစ်ခဲ့ပြီးနောက် ဆော်ဒီပရိုလိဂ် ကလပ်တွေက ကမ်းလှမ်းဖို့ စိတ်ဝင်စားနေကြကြောင်း ဘန် ဂျက်ကော့ဘ်က ဖော်ပြခဲ့ပါတယ်။
TBR Football ရဲ့ ဖော်ပြချက်အရ လစ်ဗာပူးလ် တိုက်စစ်မှူး ဒါဝင် နူညက်ဇ် ကတော့ ဒီနွေရာသီမှာ အမည်မဖော်လိုတဲ့ ဆော်ဒီပရိုလိဂ် ကလပ် တစ်ခုဆီ အမြတ်အစွန်း များစွာနဲ့ ပြောင်းရွှေ့ဖို့ သဘောတူညီထားပြီး ဖြစ်ကြောင်း သိရပါတယ်။ နူညက်ဇ် ကိုတော့ စီးရီးအေ ထိပ်သီး ကလပ် ၃ သင်း ဖြစ်တဲ့ ဂျူဗင်တပ်စ်၊ အေစီမီလန်နဲ့ နာပိုလီ တို့က စိတ်ဝင်စားနေခဲ့ကြပါတယ်။
အာရှရာသီကြို ခြေစမ်းခရီးစဉ်မှာ ဂျိမ်းစ် မက်ဒီဆင် ဒဏ်ရာ အပြင်းအထန် ရရှိခဲ့ပြီးနောက် တော့တင်ဟမ်ဟော့စပါး ကတော့ ဒီနွေရာသီမှာ မန်စီးတီးက ဂျက် ဂရီးလစ်ရှ်ကို ခေါ်ယူဖို့ ဆုံးဖြတ်ခဲ့ကြောင်း Sports Mole က ဖော်ပြခဲ့ပါတယ်။ ဂရီးလစ်ရှ် ကလည်း ပရီးမီးယားလိဂ်မှာ ဆက်လက် ကစားချင်နေပြီး အဲဗာတန်နဲ့လည်း သတင်းတွေ ထွက်နေသူ ဖြစ်ပါတယ်။
ဂိုးသမားသစ် တစ်ဦးကို အရှိန်မြှင့် ရှာဖွေနေတဲ့ မန်ချက်စတာယူနိုက်တက် ကတော့ ဂျွန် ဗစ်တာ အတွက် သဘောတူညီမှု ရရှိဖို့ ပြင်ဆင်နေကြောင်း CaughtOffside က ဖော်ပြခဲ့ပါတယ်။ ယူနိုက်တက်ဟာ အသက် ၂၉ နှစ် အရွယ် ဘိုတာဖိုဂိုရဲ့ ဘရာဇီးလ် ဂိုးသမားကို ဝက်စ်ဟမ်း၊ အဲဗာတန် တို့နဲ့ အပြိုင် ကြိုးပမ်းရဖို့လည်း ရှိနေပါတယ်။
အာဆင်နယ် ကတော့ အီဘာရီချီ အီးဇီးကို မခေါ်ယူနိုင်ခဲ့ရင် အတ္တလန္တာမှာ မပျော်မရွှင် ဖြစ်နေတဲ့ အဒမ်မိုလာ လွတ်ခ်မန်းကို အရန် ပစ်မှတ် အဖြစ် သတ်မှတ်ထားကြောင်း football.london က ဖော်ပြပါတယ်။ လွတ်ခ်မန်းဟာ စီးရီးအေ ထိပ်သီး အင်တာမီလန်ကို ပြောင်းရွှေ့ချင်နေကြောင်း ပွင့်ပွင့်လင်းလင်း ထုတ်ဖော် ပြောကြားထားပြီး အတ္တလန္တာ ကိုလည်း ပြင်းပြင်းထန်ထန် ဝေဖန်ထားပါတယ်။
ဘန် ဂျက်ကော့ဘ်ရဲ့ ဖော်ပြချက်အရ ဘရန့်ဖို့ဒ်ဟာ ယိုအာနေး ဝစ်ဆာကို မှန်ကန်တဲ့ အခကြေးငွေနဲ့ ထွက်ခွာခွင့်ပြုဖို့ ဆန္ဒရှိနေကြောင်း သိရပါတယ်။ ဝစ်ဆာ ကိုတော့ နယူးကာဆယ်ယူနိုက်တက်နဲ့ တော့တင်ဟမ်ဟော့စပါး တို့က ထိပ်ဆုံးက စိတ်ဝင်စားနေခဲ့ပါတယ်။
ချဲလ်ဆီးနဲ့ အာဆင်နယ် တို့ရဲ့ ကစားသမားဟောင်း ဖြစ်တဲ့ ဘရာဇီးလ် နောက်ခံလူ ဒေးဗစ် လူးဝစ် ကတော့ ဆိုက်ပရပ်စ် ကလပ် ပါဖော့စ်နဲ့ စာချုပ်ချုပ်ဆိုပြီး ဥရောပဘောလုံးလောကကို ပြန်လည် ရောက်ရှိလာကြောင်း သိရပါတယ်။ တော့တင်ဟမ်ဟော့စပါး ကတော့ ဘေယန်မြူးနစ်ရဲ့ ပေါ်တူဂီ ကွင်းလယ်ခံစစ် ကစားသမား ယာအို ပါလ်ဟင်ဟာကို တစ်ရာသီ အငှားစာချုပ်နဲ့ ခေါ်ယူလိုက်ကြောင်း သိရပါတယ်။ ဒါ့အပြင် အငှားစာချုပ် သက်တမ်း ကုန်ဆုံးရင်လည်း ယူရို သန်း ၃၀ နဲ့ အပြီးသတ် ခေါ်ယူနိုင်မယ့် သဘောတူညီချက်လည်း ပါဝင်နေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
