အခုတစ်ခါမှာတော့ အောက်တိုဘာလ ၂၈ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
တူရကီ ထိပ်သီး ဂါလာတာဆာရေး ကတော့ လာမယ့် ဇန်နဝါရီလ အပြောင်းအရွှေ့ကာလမှာ မန်ချက်စတာယူနိုက်တက် ကွင်းလယ်ကစားသမား မန်ဝဲလ် အူဂါတေးကို ခေါ်ယူဖို့ စိတ်ဝင်စားနေကြောင်း ဖော်ပြခဲ့ပါတယ်။ အူဂါတေး ကတော့ ပရီးမီးယားလိဂ် ကလပ် ယူနိုက်တက်မှာ အရန်ခုံထိုင်နေရချိန် များနေသူလည်း ဖြစ်ပါတယ်။
ရက်စ်မက်စ် ဟွိုက်ဂျ်လန်း ကတော့ ဒီဆောင်းရာသီမှာ မန်ချက်စတာယူနိုက်တက် ကနေ အပြီးသတ် ထွက်ခွာနိုင်ပါတယ်။ နာပိုလီ ကတော့ ဒီရာသီအကုန်မှာ ဒိန်းမတ် တိုက်စစ်မှူးကို ခေါ်ယူဖို့ ရွေးချယ်ခွင့်ကို စတင်ဖို့ အသင့် ဖြစ်နေကြောင်း ဖာဘရီဇီယို ရိုမာနိုက ဖော်ပြပါတယ်။
ဒေါ့မန် ကွင်းလယ်လူ ဂျုပ်ဘ် ဘယ်လင်ဟမ် ကတော့ ပရီးမီးယားလိဂ် ကလပ် မန်ချက်စတာယူနိုက်တက်ကို ပြောင်းရွှေ့လိုခြင်း မရှိကြောင်း သိရပါတယ်။ ယူနိုက်တက် ကတော့ ဂျူ့ဒ် ဘယ်လင်ဟမ်ရဲ့ ညီဖြစ်သူကို အငှားနဲ့ ခေါ်ယူချင်နေပမယ့် ဒီရွေးချယ်မှုကို ကစားသမား ဘက်ကတော့ လုံးဝ စိတ်ဝင်စားခြင်း မရှိပါဘူး။
အာဆင်နယ် တာဝန်ရှိတွေက မန်နေဂျာ မီခဲလ် အာတေးတားဟာ ပေါင် ၁ ဘီလီယံကျော် (ဒေါ်လာ ၁.၃ ဘီလီယံ) အသုံးပြုထားသည့် တိုင်အောင် အောင်မြင်မှု မရသေးတဲ့ စိုးရိမ်နေကြကြောင်း သတင်းတွေ ထွက်လာပါတယ်။ အကယ်၍ စပိန် နည်းပြ အနေနဲ့ ဒီရာသီမှာ အသင်းကို ဆုဖလားတွေ မရယူပေးနိုင်ခဲ့ရင်တော့ ထုတ်ပယ်ခြင်း ခံရနိုင်ဖွယ် ရှိနေတယ်လို့ သိရပါတယ်။
ချဲလ်ဆီး၊ လစ်ဗာပူးလ်နဲ့ မန်ချက်စတာစီးတီး အသင်းတွေဟာ လာမယ့် နွေရာသီမှာ စာချုပ်သက်တမ်း ကုန်ဆုံးတော့မယ့် ဘေယန်မြူးနစ် ဗဟိုနောက်ခံလူ ဒါယော့တ် အူပါမီကာနို အပြောင်းအရွှေ့နဲ့ ပတ်သက်ပြီး ဆွေးနွေးမှုတွေ ပြုလုပ်ခဲ့ကြကြောင်း TBR Football က ဖော်ပြပါတယ်။
အာဆင်နယ် ကတော့ တောင်ပံကစားသမား ဘူကာယို ဆာကာနဲ့ စံချိန်တင် စာချုပ်သစ် ချုပ်ဆိုဖို့ နီးစပ်နေပြီလို့ သိရပါတယ်။ သတင်းတွေအရ ဆိုရင် ဆာကာက တစ်ပတ်ကို ပေါင် ၃၀၀,၀၀၀ ကျော် (ဒေါ်လာ ၃၉၉,၆၀၀) ရရှိဖို့ ရှိပြီး ကလပ်ရဲ့ လုပ်ခ လစာအများဆုံး ကစားသမား ဖြစ်လာမယ်လို့ သိရပါတယ်။
ရောဘတ် ဆန်းချက်ဇ်ရဲ့ လက်စွမ်း အပေါ် သံသယတွေ ရှိလာတဲ့ ချဲလ်ဆီးက ဘာစီလိုနာ ဂိုးသမား မာ့ခ်-အန်ဒရီ တာစတီဂျန်ကို ဇန်နဝါရီတွင် အငှားနဲ့ ခေါ်ယူဖို့ စဉ်းစားနေပါတယ်။ ဒါ့အပြင် ချဲလ်ဆီးက အေစီမီလန်က မိုက်ခ် မိုက်ဂ်နန်ကို အလွတ်ပြောင်းရွှေ့ကြေးနဲ့ ခေါ်ယူရန် စဉ်းစားနေပါတယ်။
ဆားဘီးယား လက်ရွေးစင် ကစားသမား ဒူဆန် ဗလာဟိုဗစ်ရဲ့ အပြောင်းအရွှေ့ထဲ ကနေ ဘေယန်မြူးနစ် ထွက်ခွာသွားတာကြောင့် တော့တင်ဟမ်ဟော့စပါးရဲ့ မျှော်လင့်ချက်တွေ မြင့်တက်လာခဲ့ကြောင်း ခရစ္စရှန် ဖော့ခ်က ဖော်ပြပါတယ်။
လစ်ဗာပူးလ် ကွင်းလယ်လူ ဟာဗေး အဲလီယော့တ် ကတော့ ဒီနွေရာသီမှာ အက်စတွန်ဗီလာထံ အငှားစာချုပ်နဲ့ ပြောင်းရွှေ့ခဲ့ပြီးတဲ့နောက် မပျော်မရွှင် ဖြစ်နေကြောင်း သိရပါတယ်။ ဒါကြောင့် အငှားစာချုပ် မပြည့်ခင်မှာ အသင်း ကနေ ထွက်ခွာဖွယ် ရှိနေကြောင်း သတင်းတွေက ဖော်ပြပါတယ်။
လစ်ဗာပူးလ် အပါအဝင် ကလပ် အသင်း အများအပြားရဲ့ စိတ်ဝင်စားခြင်း ခံနေရတဲ့ ဗဟိုနောက်ခံလူ ဆဗန် ဘော့တ်မန်း ကတော့ နယူးကာဆယ်နဲ့ တွေ့ဆုံ ဆွေးနွေးဖို့ စီစဉ်ထားကြောင်း သိရပါတယ်။ မန်ချက်စတာယူနိုက်တက် တိုက်စစ်မှူး ဂျော်ရွှာ ဇစ်ခ်ဇီး ကိုတော့ ဝက်စ်ဟမ်းက အငှားနဲ့ ခေါ်ယူဖို့ ကြိုးပမ်းနေပေမယ့်လည်း အဆင်မပြေ ဖြစ်နေကြောင်း သိရပါတယ်။ ကစားသမား ကတော့ လာမယ့် ၂၀၂၆ ကမ္ဘာ့ဖလားမှာ နယ်သာလန် လက်ရွေးစင် အသင်းနဲ့ အတူ ပါဝင်ချင်တာကြောင့် ပုံမှန် ပွဲထွက်ခွင့်ရနိုင်မယ့် အသင်းကို ပြောင်းရွှေ့လိုနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
