အိုဆင်ဟန်ထက် ဟယ်ရီကိန်း ကိုသာ ခေါ်ဖို့ ယူနိုက်တက်ကို တိုက်တွန်းလိုက်တဲ့ အွန်နရီ၊ ကစားသမားဘဝ ကန အနားယူရဖို့ များလာတဲ့ တစ်ချိန်က ပရီးမီးယားလိဂ် ကြယ်ပွင့် (ပရီးမီးယားလိဂ် နောက်ဆုံးရ သတင်းများ)

အိုဆင်ဟန်ထက် ဟယ်ရီကိန်း ကိုသာ ခေါ်ဖို့ ယူနိုက်တက်ကို တိုက်တွန်းလိုက်တဲ့ အွန်နရီ၊ ကစားသမားဘဝက အနားယူရဖို့ များလာတဲ့ တစ်ချိန်က ပရီးမီးယားလိဂ် ကြယ်ပွင့် စတဲ့ သတင်းတွေ အပါအဝင် မတ် ၁၇ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။

 

အိုဆင်ဟန်ထက် ဟယ်ရီကိန်း ကိုသာ ခေါ်ဖို့ ယူနိုက်တက်ကို တိုက်တွန်းလိုက်တဲ့ အွန်နရီ

မန်ချက်စတာယူနိုက်တက် အနေနဲ့ တော့တင်ဟမ်ဟော့စပါး တိုက်စစ်မှူး ဟယ်ရီ ကိန်းကို နာပိုလီ တိုက်စစ်မှူး ဗစ်တာ အိုဆင်ဟန်ထက် ဦးစားပေး ခေါ်ယူသင့်တယ်လို့ အာဆင်နယ် တိုက်စစ်မှူးဟောင်း သီယာရီ အွန်နရီက ပြောဆိုလိုက်ပါတယ်။ ဟယ်ရီ ကိန်းက ပရီးမီးယားလိဂ်မှာ အထိုင်ကျပြီးသား ဖြစ်တာကြောင့် လို့လည်း သူက ဆိုပါတယ်။ 

ယူနိုက်တက် ကတော့ လာမယ့်နွေ ရာသီမှာ အထောင် တိုက်စစ်မှူး တစ်ဦးကို ခေါ်ယူဖို့ ရှိနေပြီး ဟယ်ရီကိန်းနဲ့ အိုဆင်ဟန်ကို ပစ်မှတ်ထားနေတာပါ။ နှစ်ဦးစလုံးက သက်ဆိုင်ရာ အသင်းတွေမှာ ခြေစွမ်းပြနေသူတွေ ဖြစ်ပြီး ယူနိုက်တက်က တစ်ဦး မရရင် တဦးကို ခေါ်ယူမယ့် အနေအထားမှာ ရှိနေတာလည်း ဖြစ်ပါတယ်။ 

အွန်နရီက “ ကိန်းက ပရီးမီးယားလိဂ် အကြောင်း ကောင်းကောင်း သိနေပါတယ်၊ ဒါက အိုဆင်ဟန်ကို ကစားသမားကောင်း မဟုတ်ဘူးလို့ ဆိုလိုတာ မဟုတ်ပါဘူး။ သူကလည်း ဘယ်လိဂ်မှာ မဆို အထိုင်ကျနိုင်တဲ့ သူပါ၊ ဒါပေမယ့် ကျနော်သာ ယူနိုက်တက်က ဆိုရင်တော့ ကိန်းကို ခေါ်မှာပါ၊ သူက အထိုင်ကျဖို့ မလိုပါဘူး၊ ဘယ်လိုမျိုး ဖြစ်ဖြစ် ကိန်းက ကစားနိုင်ပါတယ်” လို့ ပြောဆိုခဲ့ပါတယ်။ 

 

ကစားသမားဘဝ ကနေ အနားယူရဖို့ များလာတဲ့ တစ်ချိန်က ပရီးမီးယားလိဂ် ကြယ်ပွင့်

တူရကီ ကလပ် ဘက်ဆီးတပ်စ်မှာ ကစားနေတဲ့ အင်္ဂလန် ကွင်းလယ်လူ ဒယ်လီ အယ်လီဟာ သူ့ရဲ့ ခြေစွမ်းပိုင်း ကျဆင်းမှုတွေကြောင့် ရာသီကုန် အထိ အသင်း အတွက် ကစားခွင့်ရမှာ မဟုတ်တော့သလို လက်ကျန်ပွဲတွေ ကိုလည်း ပွဲကြည့်စင်ပေါ် ကနေ ကြည့်ရှုရမယ်လို့ နည်းပြ ဖြစ်သူ ဆီနဲလ် ဂူနက်စ်က ပြောဆိုသွားခဲ့ပါတယ်။ 

အယ်လီဟာ အဲဗာတန် ကနေ အငှားနဲ့ ပြောင်းရွှေ့လာခဲ့ပြီး ဘက်ဆီးတပ်စ် အတွက် ဒီရာသီမှာ ၁၅ ပွဲသာ ကစားထားရသေးသူ ဖြစ်ပါတယ်။ တော့တင်ဟမ်ဟော့စပါး ကွင်းလယ်လူဟောင်းဟာ ဒီလ အတွင်း ကစားခဲ့တဲ့ အန်ကာရာဂူကူနဲ့ အစ္စတန်ဘူ ဘဆက်ရှီးယားနဲ့ ပွဲတွေ မှာလည်း အသင်း လူစာရင်းမှာ ပါဝင်ခဲ့ခြင်း မရှိပါဘူး။ 

အယ်လီ အနေနဲ့ ရာသီကုန်ချိန်မှာ ပရီးမီးယားလိဂ် ကလပ် အဲဗာတန်ကို ပြန်လာရဖို့ သေချာသွားပြီ ဖြစ်ကာ သူ့ရဲ့ ကစားသမား ဘ၀ ကတော့ စိတ်ပျက်စရာ ကောင်းသထက် ကောင်းနေပြီ ဖြစ်ပါတယ်။ တစ်ချိန်က အင်္ဂလန်ရဲ့ အတောက်ပဆုံး ကြယ်တစ်ပွင့်လို့ တင်စားခံခဲ့ရပေမယ့် ကြိုးစား အားထုတ်မှု နည်းပါးတာကြောင့် အယ်လီဟာ ကစားသမား ဘ၀ကို စောစောစီးစီးပဲ နှုတ်ဆက်ရဖွယ်လည်း ရှိနေပါတယ်။ 

အားလုံးရဲ့ ဝိုင်းဝန်း အပြစ်တင်တာ ခံနေရတဲ့ အာနိုးလ်

လစ်ဗာပူးလ် နောက်ခံလူ အလက်ဇန္တား အာနိုးလ် ကတော့ ဗင်နီးစီးယပ်စ်ရဲ့ မိုဒရစ် တို့ရဲ့ နှိပ်စက်မှုကို အကြီးအကျယ် ခံစားခဲ့ရတယ်လို့ ပရိသတ်တွေက ဆိုနေပါပြီ။ တကယ်လည်းပဲ အာနိုးလ်က အဲဒီကစားသမား နှစ်ဦး သူတာဝန်ယူထားတဲ့ ညာခြမ်း ခံစစ်က ထိုးဖောက်လာတိုင်းမှာ မထိန်းနိုင်ခဲ့ပါဘူး။ အထူးသဖြင့် ဗင်နီးစီးယပ်စ်နဲ့ တစ်ဦးချင်း တွေ့တိုင်းမှာ နောက်ကောက်ချခံခဲ့ရပြီး အမြဲတမ်းလိုလို ဘရာဇီးလ်သားရဲ့ နောက်မှာပဲ ရှိနေခဲ့ရပါတယ်။ 

မိုဒရစ် ကလည်း ဘောလုံးကို အာနိုးလ် ခေါင်းပေါ် ကနေ ကျော်ချသွားပြီးတော့ တစ်ကွက် ပြသွားခဲ့ပါသေးတယ်။ အဆိုပါ အခိုက်အတန့်မှာ အာနိုးလ် တယောက် မတ်တပ်ကြီး ကျန်နေရစ်ခဲ့ရပြီး အဲဒီ အခိုက်အတန့် ကနေ ဗယ်လ်ဗာဒီရဲ့ ခေါင်းတိုက် ဂိုးသွင်းယူမှု မဝင်ခဲ့လို့သာ ဂိုးမပေးခဲ့ရတာပါ။ 

ဒါပေမယ့် လစ်ဗာပူးလ်တို့ အနိုင်ဂိုး ပေးလိုက်ရချိန် မှာတော့ အာနိုးလ် အပြစ်မကင်းခဲ့ပါဘူး။ ဗင်နီးစီးယပ်စ်ကို လူကပ်ကစားဖို့ ပျက်ကွက်ခဲ့ပြီး ၅ ကိုက်လောက် အကွာမှာ ကျန်နေခဲ့တယ်လို့ ရီယို ဖာဒီနန်က ထောက်ပြခဲ့ကာ အပြစ်တင်ခဲ့ပါတယ်။ ဒီလို ကစားသမားမျိုးကို ဒါမျိုး သွားလုပ်လို့ ကတော့ ခံသွားရလိမ့်မယ်လို့ ဆိုခဲ့ပြီး ဗန်ဒိုက်ခ်နဲ့ ကိုနာတေး တို့ရဲ့ အမှားတွေလည်း ပါဝင်ခဲ့တယ်လို့ သူက ပြောဆိုခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.