ပရီးမီးယားလိဂ် ကလပ် လစ်ဗာပူးလ် ကတော့ အသင်းရဲ့ ဝါရင့် တောင်ပံ တိုက်စစ် ကစားသမား မိုဟာမက် ဆာလာရဲ့ နေရာမှာ ရေရှည် အစားထိုးဖို့ အတွက် ကစားသမား တချို့ကို ချိန်ရွယ်နေပြီလည်း ဖြစ်ပါတယ်။ အစောပိုင်း သတင်းတွေမှာ ရီးရဲလ်မက်ဒရစ်ရဲ့ ဘရာဇီးလ် ကြယ်ပွင့် ရိုဒရီဂိုကို ပေါင်သန်း ၁၀၀ လောက် အထိ သုံးစွဲကာ ခေါ်ယူဖို့ ရည်ရွယ်ထားကြောင်း သတင်းတွေ ထွက်ခဲ့သလို လက်ရှိမှာလည်း အေစီမီလန် တောင်ပံ ကစားသမား ခရစ္စတီယန် ပူလီဆစ်ခ် ကိုပါ ပစ်မှတ် စာရင်းထဲ ထည့်သွင်းထားတယ်လို့ သတင်းတွေ ထွက်ပေါ်နေခဲ့ပါတယ်။
လက်ရှိမှာ အသက် ၃၂ နှစ် အရွယ် ရှိနေပြီ ဖြစ်တဲ့ အီဂျစ် လက်ရွေးစင် အသင်းခေါင်းဆောင်က အခုနှစ်နှစ် ဘောလုံးရာသီ အကုန်မှာ လစ်ဗာပူးလ်နဲ့ စာချုပ်သက်တမ်း ကုန်ဆုံးမှာ ဖြစ်ပါတယ်။ ဒါ့အပြင် ဆာလာ ကိုယ်တိုင် ကလည်း ယူနိုက်တက်နဲ့ ပရီးမီးယားလိဂ် ပွဲစဉ် အပြီးမှာ ဒီရာသီက သူ့ အတွက် အန်ဖီးလ်မှာ နောက်ဆုံးရာသီ ဖြစ်နိုင်တဲ့ စကားမျိုးပါ ပြောဆိုထားခဲ့တာ ဖြစ်ပါတယ်။ လက်ရှိ မှာတော့ လစ်ဗာပူးလ်မှာ တောင်ပံ တိုက်စစ် ကစားသမားတွေ အဖြစ် လူးဝစ္စ ဒီးယက်ဇ်၊ ကိုဒီ ဂက်ခ်ပို၊ မိုဟာမက် ဆာလာ အပြင် ပြီးခဲ့တဲ့ နွေရာသီကမှ ခေါ်ယူထားတဲ့ ဖက်ဒရစ်ကို ခီယေဇာ လည်း ရှိနေပါတယ်။ ဒါပေမယ့်လည်း ပရီးမီးယားလိဂ် ကလပ်က ဆာလာ လိုမျိုး အသင်း အတွက် မရှိမဖြစ် အားထားရတဲ့ ကစားသမား တစ်ဦးကို လက်မလွှတ်လိုသလို အကယ်၍ မတတ်သာလို့ ခွင့်ပြုခဲ့ရမယ် ဆိုရင်လည်း ထိပ်တန်း အဆင့် တောင်ပံ ကစားသမား တစ်ဦး ခေါ်ယူ အားဖြည့်ချင်နေတာ ဖြစ်ပါတယ်။
ဒါကြောင့် လစ်ဗာပူးလ်က တောင်ပံ ကစားသမား အများအပြားကို ချိန်ရွယ်နေခဲ့ပြီး အခု နောက်ဆုံး ရရှိတဲ့ သတင်းတွေအရ ဆိုရင်တော့ အမေရိကန် လက်ရွေးစင် တောင်ပံ ကစားသမား ပူလီဆစ် ကိုပါ ပစ်မှတ်ထားနေတယ်လို့ သိရပါတယ်။ ပူလီဆစ်ခ်ဟာ ဒေါ့မန်နဲ့ ချဲလ်ဆီးလို အသင်းတွေမှာ ကစားခဲ့သလို လက်ရှိမှာ အေစီမီလန်ရဲ့ အဓိက ကစားသမား ဖြစ်နေသူပါ။ ချဲလ်ဆီးတို့ ပူလီဆစ်ခ်ကို ပစ်မှတ်ထားနေခြင်း အဓိက အကြောင်းရင်း တစ်ခုက ပရီးမီးယားလိဂ် အတွေ့အကြုံ ရှိလို့လည်း ဖြစ်ပါတယ်။
အသက် ၂၆ နှစ် အရွယ် အမေရိကန် ညာတောင်ပံ ကစားသမား ပူလီဆစ်ဟာ လက်ရှိ ဘောလုံးရာသီမှာ အေစီမီလန် အတွက် ၆ ပွဲ ကစားထားရာမှာ ၄ ဂိုး သွင်းကာ ၂ ဂိုး ဖန်တီးထားနိုင်ပါတယ်။ ဒါ့အပြင် ပူလီဆစ်က လစ်ဗာပူးလ်နဲ့ ကစားခဲ့တဲ့ ချန်ပီယံလိဂ် လိဂ် အဆင့် အဖွင့် ပွဲစဉ်မှာလည်း အဖွင့် ဂိုး ကိုပါ သွင်းယူထားနိုင်ခဲ့ပါတယ်။
ပူလီဆစ်ခ်ဟာ ညာတောင်ပံနဲ့ ဘယ်တောင်ပံ အပြင် ကွင်းလယ် တိုက်စစ် နေရာစုံမှာ ကစားနိုင်သူ ဖြစ်ပြီး ချဲလ်ဆီးနဲ့လည်း ပရီးမီးယားလိဂ်မှာ ပွဲပေါင်း ၉၈ ပွဲ ကစားထားပြီး ဂိုး ၂၀ သွင်းယူထားပါတယ်။ လက်ရှိမှာ အမေရိကန်သားရဲ့ တန်ကြေးက ယူရို သန်း ၄ဝ ဝန်းကျင် ရှိနေပေမယ့်လည်း ဒါက လစ်ဗာပူးလ်ရဲ့ ပစ်မှတ်တွေထဲမှာ ဆိုရင်တော့ ဈေးအသက်သာဆုံးလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
