ဖလား ၃ လုံး ဆွတ်ခူးရင် ပေါင်သန်း ၃၀၀ အထိ ဆုကြေးရမယ့် မန်စီးတီး၊ စပို့တင်း ကွင်းလယ် ခံစစ်ကစားသမား အတွက် ပေါင် ၅၂ သန်းသုံးမယ့် လစ်ဗာပူးလ် (ပရီးမီးယားလိဂ် နောက်ဆုံးရ သတင်းများ)

ဖလား ၃ လုံး ဆွတ်ခူးရင် ပေါင်သန်း ၃၀၀ အထိ ဆုကြေးရမယ့် မန်စီးတီး၊ စပို့တင်း ကွင်းလယ် ခံစစ်ကစားသမား အတွက် ပေါင် ၅၂ သန်းသုံးမယ့် လစ်ဗာပူးလ် အစ ရှိတဲ့ သတင်းတွေ အပါအဝင် မေလ ၁၂ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။

 

ဖလား ၃ လုံး ဆွတ်ခူးရင် ပေါင်သန်း ၃၀၀ အထိ ဆုကြေးရမယ့် မန်စီးတီး

မန်ချက်စတာစီးတီး အသင်းဟာ ဒီရာသီမှာ ဆုဖလား ၃ လုံး တပြိုင်နက်တည်း ဆွတ်ခူးနိုင်ခဲ့မယ် ဆိုရင် ပေါင်သန်း ၃၀၀ အထိ ဆုကြေး ရရှိမယ်လို့ သိရပါတယ်။ သမိုင်းဝင် အောင်မြင်မှုနဲ့ အတူ မန်စီးတီးက များပြားလှတဲ့ ဆုကြေးငွေကို ခံစားရမှာ ဖြစ်ပြီး ဒီအတွက်လည်း လက်တကမ်း အကွာမှာ ရှိနေပါတယ်။ 

လက်ရှိမှာ မန်စီးတီးက ပရီးမီးယားလိဂ် အမှတ်ပေးဇယားကို ဦးဆောင်နေပြီး အက်ဖ်အေဖလား ဗိုလ်လုပွဲ၊ ချန်ပီယံလိဂ် ဆီမီးဖိုင်နယ် တို့ကို ရောက်ရှိနေပါတယ်။ ချန်ပီယံလိဂ်မှာ ရီးရဲလ်ကို ကျော်ဖြတ်ရမှာကသာ သူတို့ အတွက် အဓိက အတားအဆီး ဖြစ်နေတာပါ။

မန်စီးတီးဟာ ပရီးမီးယားလိဂ် ဖလား အတွက် ဆုကြေးငွေ ပေါင် ၁၆၄ သန်း၊ အက်ဖ်အေဖလား အတွက် ပေါင် ၃.၉ သန်း၊ ချန်ပီယံလိဂ် အတွက် ပေါင် ၁၁၇ သန်း အထိ ဆုကြေး ရရှိမယ်လို့ ဆိုပါတယ်။ စုစုပေါင်း ပေါင် ၂၈၅ သန်း အထိ ရရှိမှာ ဖြစ်ကာ မက်မောလောက်စရာ အဖြစ် ရှိနေပြီး သူတို့ အသင်း အတွက် ဒါက တွန်းအား တစ်ခု အဖြစ်နဲ့လည်း ရှိနေပါတယ်။ 

တန်းမဆင်းရရင် ဆုဖလားရတာထက် ပိုအောင်မြင်မယ်ဆိုတဲ့ ဗာဒီ

လက်စတာစီးတီး တိုက်စစ်မှူး ဂျေမီ ဗာဒီက တကယ်လို့သာ သူတို့ အသင်း အနေနဲ့ တန်းမဆင်းရဘဲ ကျန်နေရစ်ခဲ့မယ် ဆိုရင် ၂၀၁၆ တုန်းက ပရီးမီးယားလိဂ် ဖလား ရရှိခဲ့တာထက် ပိုပြီး အောင်မြင်တာပဲလို့ ပြောဆိုလိုက်ပါတယ်။ လက်စတာ ကတော့ လက်ရှိမှာ အဆင့် ၁၉ နေရာကို ရောက်ရှိနေတာ ဖြစ်ပါတယ်။ 

လက်ကျန်ပွဲ အနည်းငယ်သာ လိုအပ်တော့တာကြောင့် လက်စတာဟာ တန်းဆင်းရမယ့် ဘေးနဲ့ နီးကပ်နေပါတယ်။ ပွဲတိုင်းကို ကြိုးစား ကစားနေပေမယ့် ရလဒ်တွေ ညံ့ဖျင်းနေပြီး ပရီးမီးယားလိဂ် ချန်ပီယံဟောင်းဟာ ချန်ပီယံရှစ်ကို တန်းဆင်းကစားရမယ် ဆိုရင် ဒါက အံ့အားသင့်စရာ ကောင်းနေမှာ သေချာပါတယ်။ 

ဗာဒီက “ တကယ်လို့သာ တန်းမဆင်းရဘူး ဆိုရင် ဒါက အကြီးမားဆုံး အောင်မြင်မှုပါပဲ၊ အဲဒီလောက်ထိ အရေးကြီးပါတယ်၊ ခက်ခဲတယ် ဆိုတာ သိပါတယ်၊ ဒီလိုအခြေအနေမျိုးကို ကျနော် ဘယ်တုန်းကမှ မတွေ့ချင်ခဲ့ပါဘူး၊ ဒါကို လက်ခံနိုင်ဖို့ ခက်ခဲပါတယ်၊ ရလဒ်တွေကို မပြောင်းလဲနိုင်ခဲ့ဘူး၊ ကျနော်တို့ အမှတ်တွေ လိုနေပါပြီ” လို့ ပြောဆိုသွားခဲ့ပါတယ်။

 

စပို့တင်း ကွင်းလယ် ခံစစ်ကစားသမား အတွက် ပေါင် ၅၂ သန်း သုံးမယ့် လစ်ဗာပူးလ်

ပရီးမီးယားလိဂ် ကလပ် လစ်ဗာပူးလ် အသင်းဟာ ပေါ်တူဂီ ကလပ် စပို့တင်းလစ္စဘွန်းရဲ့ ကွင်းလယ် ခံစစ်ကစားသမား မန်နူရယ် အူဂါတီကို ပေါင် ၅၂ သန်းနဲ့ ခေါ်ယူဖို့ အသင့်ဖြစ်နေပြီလို့ သိရပါတယ်။ ကစားသမားကို စာချုပ်ပါ လျော်ကြေးအတိုင်း ပေးချေ ခေါ်ယူဖို့ အတွက် လစ်ဗာပူးလ်က စီစဉ်နေတာပါ။ 

လာမယ့် ရာသီမှာ အသင်းရဲ့ ကွင်းလယ်ပိုင်းကို ပြင်ဆင် တည်ဆောက်ရတော့မယ့် ယာဂင် ကလော့ပ်က အူဂါတီကို သဘောကျနေပြီး စျေးနှုန်း မြင့်မားစွာ ပေးချေဖို့ အထိ ဆန္ဒရှိနေခဲ့တာပါ။ စပို့တင်း ကတော့ သူတို့ရဲ့ ကစားသမားကို အသင်းမှာ ဆက်လက် ထိန်းသိမ်းထားဖို့ ဆန္ဒရှိနေပေမယ့် ကစားသမား ကသာ ဆန္ဒရှိတယ် ဆိုရင် လက်လွှတ်ရမှာ ဖြစ်ပါတယ်။

အသက် ၂၂ နှစ် အရွယ်သာ ရှိသေးတဲ့ အူဂါတီဟာ ရုပ်ပိုင်းဆိုင်ရာအရ သန်မာ အားကောင်းပြီး နံပါတ် ၈ နေရာ မှာပါ ကစားနိုင်သူ ဖြစ်ပါတယ်။ အူဂါတီကို စပို့တင်းတို့ ခေါ်ယူစဉ်က ပေါင် ၅ သန်းသာ ပေးချေခဲ့ရပြီး လက်ရှိမှာ သူက အသင်း အတွက် ၈၅ ပွဲ ကစားပေးထားကာ ဥရုဂွေး လက်ရွေးစင် အသင်း မှာလည်း ကစားပေးနေရပြီ ဖြစ်ပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.