ပရီးမီးယားလိဂ် – ညနေခင်း သတင်းများ (၂၈/၉/၂၀၂၂)

စက်တင်ဘာ ၂၈ ရက်နေ့ ညနေခင်း အထိ နောက်ဆုံး ရရှိထားသမျှ ပရီးမီးယားလိဂ် သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။

 

မက်ဂွိုင်းယားကို စိတ်ကျန်းမာရေး ဆရာဝန်နဲ့ ပြဖို့ အကြံပေးခဲ့တဲ့ ဂယ်ရီနဗီးလ်

အင်္ဂလန်နဲ့ မန်ချက်စတာယူနိုက်တက်မှာ ခြေစွမ်း မပြနိုင်ဘဲ အမှားတွေ ဆက်တိုက် ကျူးလွန်နေခဲ့တဲ့ နောက်ခံလူ ဟယ်ရီ မက်ဂွိုင်းယားကို ဘောလုံး ဝေဖန် သုံးသပ်သူ ဂယ်ရီနဗီးလ်က စိတ်ကျန်းမာရေး ဆရာဝန်နဲ့ ပြသဖို့ တိုက်တွန်းလိုက်ပါတယ်။ မက်ဂွိုင်းယားဟာ ဒီရာသီမှာ ပရီးမီးယားလိဂ်မှာ သူပါဝင်ကစားခဲ့တဲ့ ပွဲတွေမှာ နိုင်ပွဲ လုံး၀ မရသေးဘဲ ခက်ခဲတဲ့ အခြေအနေတွေကို ရင်ဆိုင်နေရကာ ဂျာမနီနဲ့ ပွဲမှာလည်း အမှားကျူးလွန်ခဲ့ပါတယ်။

ဂျာမနီနဲ့ တဖက် ၃ ဂိုးစီ သရေကျခဲ့တဲ့ ပွဲမှာ အင်္ဂလန် နောက်ခံလူ ဟယ်ရီ မက်ဂွိုင်းယား က ကြီးမားတဲ့ အမှားတွေ ထပ်မံ ကျူးလွန်ခဲ့တာ ဖြစ်ပါတယ်။ ဝေဖန်မှုတွေ၊ လှောင်ပြောင်မှုတွေ အောက်ရောက်နေတဲ့ မက်ဂွိုင်းယားက ဘောလုံး ပေးပို့ပုံ မှားယွင်းခဲ့ပြီး ဂျာမနီက မူဆာလီယာက ဖြတ်လုသွားခဲ့ကာ ဧရိယာထဲ ထိုးဖောက်ခဲ့ချိန် မက်ဂွိုင်းယားရဲ့ ဖျက်ထုတ်မှုကြောင့် ဂျာမနီတို့ ပင်နယ်တီ ရရှိသွားခဲ့တာပါ။

ဂယ်ရီနဗီးလ်က “ ကျနော်လည်း အဲဒီလို ဖြစ်ခဲ့ဖူးတယ်၊ ကစားသမားတိုင်း ကြုံခဲ့ရပါတယ်၊ ကျနော် ယုံကြည်မှု ပျောက်ခဲ့ဖူးတယ်၊ စိတ်ရောဂါ အထူးကုနဲ့ တွေ့ပြီးတော့ အကူအညီ ရယူပြီး ကျနော် အဲဒီအချိန်တွေကို ကျော်ဖြတ်ခဲ့ရတယ်၊ သူလည်း ဒီလိုမျိုး လုပ်မယ် ဆိုရင် ပုံစံကောင်း ပြန်ရလာမှာပါ၊ အဲဒီလိုလုပ်ဖို့လည်း ကျနော် အကြံပြုချင်ပါတယ်၊ သူ့အတွက် ဒီအချိန်မှာ အပို ကူညီမှုတွေ လိုအပ်ပါတယ်” လို့ ပြောဆိုခဲ့ပါတယ်။

 

လူမျိုးရေး ခွဲခြားခံခဲ့ရပြန်တဲ့ ရစ်ချာလီဆင်

ဘရာဇီးလ်နဲ့ တိုက်စစ်မှူး ရစ်ချာလီဆင် ကတော့ တူနီးရှားနဲ့ ပွဲမှာ လူမျိုးရေး ခွဲခြားခံခဲ့ရပါတယ်။ ဘရာဇီးလ် အတွက် ဂိုးသွင်းအပြီး အောင်ပွဲခံချိန်မှာ ရစ်ချာလီဆင်ကို တူနီးရှား ပရိသတ်တွေက ငှက်ပျောသီးနဲ့ ပစ်ပေါက်ခဲ့ပြီး မျောက်လို့ သမုတ်ခဲ့တာ ဖြစ်ပါတယ်။ ဒါပေမယ့်လည်း ရစ်ချာလီဆင် ကတော့ ကောင်းကောင်းမွန်မွန်ပဲ တည်တည်ငြိမ်ငြိမ်ပဲ ပြန်လည် တုန့်ပြန် အောင်ပွဲခံသွားခဲ့ပါတယ်။

ရီးရဲလ်မက်ဒရစ်မှာ ဗင်နီးစီးယပ်စ် လူမျိုးရေး ခွဲခြားခံရလို့ ပြသနာတွေ တက်ခဲ့ပြီးနောက် နောက်ထပ် ဘရာဇီးလ် ကစားသမား တစ်ဦး ဖြစ်တဲ့ ရစ်ချာလီဆင် တစ်ယောက် ထပ်မံ ရင်ဆိုင်ခဲ့ရတာ ဖြစ်ပါတယ်။ ဒါပေမယ့် ဘရာဇီးလ်က တူနီးရှားကို ၅ ဂိုး အထိ သွင်းယူကာ ဂိုးသွင်းပြီးတိုင်း စုပေါင်း ကခုန် အောင်ပွဲခံကာ တူနီးရှား ပရိသတ်တွေကို လှပတဲ့ တုန့်ပြန်မှုနဲ့ နာကျင်စေခဲ့တာ ဖြစ်ပါတယ်။

ရစ်ချာလီဆင်ဟာ ဘရာဇီးလ် အတွက် ဆက်တိုက် ခြေစွမ်းကောင်းတွေ ပြသနေပြီး သွင်းဂိုးတွေလည်း ရရှိနေသူ ဖြစ်ပါတယ်။ သူ့ရဲ့ ခြေစွမ်းပြသမှုကြောင့်လည်း ကာတာ ကမ္ဘာ့ဖလားကို လိုက်ပါခွင့်ရဖို့ သေချာသလောက် ရှိနေပြီး ဂျေဆုစ်၊ ဖေမီနို တို့ကို ကျော်ဖြတ်ပြီး ပွဲထွက်ခွင့်ရဖို့ များနေသူ ဖြစ်ပါတယ်။

 

မန်ချက်စတာဒါဘီမှာ ပြန်ကစားနိုင်တော့မယ့် မားကပ်စ် ရက်ရှ်ဖို့ဒ်

ပရီးမီးယားလိဂ် ကလပ် မန်ချက်စတာယူနိုက်တက် တိုက်စစ်မှူး မားကပ်စ် ရက်ရှ်ဖို့ဒ် ကတော့ ဒဏ်ရာ ကနေ ပြန်လည် သက်သာလာပြီး ကြံ့ခိုင်မှု စစ်ဆေးရာမှာ အောင်မြင်ခဲ့တယ်လို့ သိရပါတယ်။ အာဆင်နယ်ကို အနိုင်ရရှိခဲ့တဲ့ ပွဲအပြီးမှာ ရက်ရှ်ဖို့ဒ် တစ်ယောက် ဒဏ်ရာရသွားခဲ့ပြီး ယူနိုက်တက် ပွဲထွက်နိုင်ခြင်း မရှိတော့သလို ယူရိုပါလိဂ် နှစ်ပွဲဆက် လွဲချော်ထားခဲ့သူ ဖြစ်ပါတယ်။

ဒီရာသီမှာ ယူနိုက်တက် နည်းပြ အဲရစ်ခ် တန်ဟက်ဂ်ရဲ့ အားကိုးမှု ရရှိနေခဲ့ ရက်ရှ်ဖို့ဒ်က အာဆင်နယ်နဲ့ ပွဲမှာ ၂ ဂိုးသွင်းပြီး ခြေစွမ်းပြခဲ့သူ ဖြစ်ပါတယ်။ တန်ဟက်ဂ်က ရက်ရှ်ဖို့ဒ်ကို အထောင် တိုက်စစ်မှူး နေရာမှာ ကစားစေခဲ့ပြီး သူ့ရဲ့လျင်မြန်တဲ့ ပြေးလွှားနှုန်းနဲ့ ပြိုင်ဘက် ခံစစ်ကို ဒုက္ခပေးနိုင်ခဲ့ပြီး အသင်းရဲ့ ကစားကွက်နဲ့လည်း လိုက်လျောညီထွေမှုတွေ ရှိနေခဲ့ပါတယ်။

ရက်ရှ်ဖို့ဒ်ဟာ အောက်တိုဘာလ ၂ ရက်နေ့မှာ ကစားရမယ့် မန်ချက်စတာစီးတီးနဲ့ အဝေးကွင်း ပွဲစဉ်မှာ ဝင်ရောက် ကစားနိုင်ဖို့ ရှိပြီး တန်ဟက်ဂ် အတွက်တော့ သတင်းကောင်း ဖြစ်ခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.