အခုတစ်ခါမှာတော့ စက်တင်ဘာ ၂၁ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ကတော့ လာမယ့် နွေရာသီမှာ ကွင်းလယ် ကစားသမားသစ် တစ်ဦးကို ခေါ်ယူချင်နေပြီး ရီးရဲလ်မက်ဒရစ်က ဖက်ဒရစ်ကို ဗယ်လ်ဗာဒီကို စိတ်ဝင်စားနေပါတယ်။ ဒါ့အပြင် ပရီးမီးယားလိဂ် ကလပ်ဟာ ဥရုဂွေး လက်ရွေးစင်ကို ယူရို သန်း ၁၀၀ (ပေါင် ၈၆.၉ သန်း) နဲ့ ကမ်းလှမ်းဖို့ ပြင်ဆင်နေတယ်လို့ သိရပါတယ်။
အေစီမီလန် ကတော့ လစ်ဗာပူးလ် တောင်ပံ ကစားသမား ဖက်ဒရစ်ကို ခီယေဇာကို ခေါ်ယူချင်နေတယ်လို့ သိရပါတယ်။ ခီယေဇာဟာ ဂျူဗင်တပ်စ် နည်းပြဟောင်း မက်ဆီမီလီယာနို အယ်လီဂရီနဲ့ ပြန်လည် လက်တွဲဖို့ စိတ်ကူးရှိနေပြီး အေစီမီလန်က ယူရို ၅ သန်း (ပေါင် ၄.၃ သန်း) နဲ့ ကမ်းလှမ်းဖို့ ပြင်ဆင်နေကြောင်း သိရပါတယ်။ ခီယေဇာ ကိုယ်တိုင် ကတော့ အစပိုင်းမှာ လစ်ဗာပူးလ်မှာ ဆက်လက် တိုက်ပွဲဝင်လိုပေမယ့် နောက်ပိုင်းမှာတော့ အသင်း ပြောင်းရွှေ့ဖို့သာ စဉ်စားနေပြီ ဖြစ်ပါတယ်။
ပရီးမီးယားလိဂ် ကလပ် ချဲလ်ဆီး ကတော့ အန်ဇို ဖာနန်ဒက်ဇ်ကို လက်လွှတ်ရမယ် ဆိုရင်တော့ ရီးရဲလ်မက်ဒရစ် ကွင်းလယ်လူ အက်ဒူယာဒို ကာမာဗင်ဂါကို ပြန်လည် ခေါ်ယူသွားမယ်လို့ သိရပါတယ်။ ချဲလ်ဆီးဟာ နောက်ထပ် ရွေးချယ်စရာ တစ်ခု အနေနဲ့ အန်ဇို ဖာနန်ဒက်ဇ် အတွက် ယူရို သန်း ၅၀ + ကာမာဗင်ဂါနဲ့ အလဲအလှယ် ပြုလုပ်သွားဖို့ ပြင်ဆင်နေကြောင်း သိရပါတယ်။ ကာမာဗင်ဂါ ကိုတော့ ချဲလ်ဆီးနဲ့ အတူ မန်ချက်စတာယူနိုက်တက်နဲ့ နယူးကာဆယ် တို့ကလည်း စိတ်ဝင်စားနေကြောင်း သိရပါတယ်။ ကာမာဗင်ဂါ ကတော့ ရီးရဲလ်မက်ဒရစ်မှာပဲ ပုံမှန် ပွဲထွက်ခွင့်ရဖို့ ဆက်လက် တိုက်ပွဲဝင်လိုနေပါတယ်။
မော်ဂန် ရော်ဂျာစ် အတွက် အက်စတွန်ဗီလာ လိုချင်ခဲ့တဲ့ ပေါင်သန်း ၈၀ ပမာဏက ဒီနွေရာသီမှာ အာဆင်နယ်၊ ချဲလ်ဆီးနဲ့ တော့တင်ဟမ်ဟော့စပါးတို့ အတွက် များပြားခဲ့တယ်လို့ သိရပါတယ်။ ဒီကစားသမားကို ပရီးမီးယားလိဂ်၏ Big Six အပြင် တခြားသော အမည်မသိ ကလပ် အသင်း တစ်သင်း ကလည်း စိတ်ဝင်စားလျက် ရှိပါတယ်။
အင်တာမီလန် ကတော့ မန်စီးတီး ဂိုးသမား စတီဖင် အော်တီဂါ ကို ယန်း ဆွမ်မားရဲ့ နေရာမှာ အစားထိုးဖို့ မျက်စိကျနေကြောင်း သိရပါတယ်။ ဒီဂိုးသမား ကိုတော့ ဇန်နဝါရီ အပြောင်းအရွှေ့မှာ အင်တာမီလန်က ခေါ်ယူဖို့ စဉ်းစားထားပါတယ်။
နယူးကာဆယ်ရဲ့ နွေရာသီ ပစ်မှတ် ဖြစ်တဲ့ ဂျော်ဂျန် စထရန်း လာဆင် ကတော့ စာချုပ်ဖျက်သိမ်းကြေး မပါဝင်ပဲ ဝုဗ်နဲ့ စာချုပ်သစ် ချုပ်ဆိုလိုက်ပြီ ဖြစ်ကြောင်း သိရပါတယ်။
အဲဗာတန်နဲ့ ဝက်စ်ဟမ်းယူနိုက်တက် တို့ကတော့ ဒီနွေရာသီမှာ စပါး ကနေ ထွက်ခွာပြီးနောက် အလွတ် အေးဂျင့် ဖြစ်နေတဲ့ ဆာဂျီယို ရက်ဂီလွန်းကို ခေါ်ယူဖို့ စိတ်ဝင်စားကြောင်း သိရပါတယ်။ ရက်ဂီလွန်း ကတော့ စပါးနဲ့ မန်ချက်စတာယူနိုက်တက် တို့ရဲ့ ကစားသမားဟောင်း ဖြစ်ပြီး ပရီးမီးယားလိဂ်မှာ ပုံမှန် ပွဲထွက်ခွင့်မရတာကြောင့် တဖြည်းဖြည်း တိမ်မြုပ်သွားခဲ့သူ ဖြစ်ပါတယ်။ဘေယန်မြူးနစ် တိုက်စစ်မှူး ဟယ်ရီကိန်းဟာ ဟော့ဖန်ဟိမ်းကို ၄-၁ ရလဒ်နဲ့ အနိုင်ရခဲ့တဲ့ ပွဲမှာ ပယ်နယ်တီ ၂ ဂိုး အပါအဝင် ဟက်ထရစ် သွင်းယူနိုင်ခဲ့ပါတယ်။ ဒါကြောင့် ကိန်းက ဘွန်ဒက်စ်လီဂါ သမိုင်းမှာ ပထမဦးဆုံး ပယ်နယ်တီ ၁၇ လုံးကို ရာနှုန်းပြည့် သွင်းယူနိုင်သူ အဖြစ် မှတ်တမ်းသစ် ရေးထိုးနိုင်ခဲ့ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
