ဘရန့်ဖို့ဒ်ရဲ့ ပရီးမီးယားလိဂ် ကလပ် မန်ချက်စတာယူနိုက်တက် ကတော့ ဘရိုင်ယန် အမ်ဘူမိုကို ခေါ်ယူဖို့ အတွက် တဖြည်းဖြည်း ခက်ခဲလာခဲ့ကြောင်း သတင်းတွေက ဖော်ပြလာခဲ့ပါတယ်။ အစောပိုင်းမှာ ယူနိုက်တက်က အမ်ဘူမိုကို ခေါ်ယူနိုင်ဖို့ နီးစပ်နေပေမယ့် လက်ရှိမှာ ယိုအာနေး ဝစ်ဆာကို နော့တင်ဟမ်ဖောရက်စ် ကနေ ကမ်းလှမ်းမှု အသစ် တစ်ခု ပြုလုပ်ခဲ့တာကြောင့် ကင်မရွန်း တိုက်စစ် ကစားသမားကို ဘရန့်ဖို့ဒ် ဘက်က ဆက်ထိန်းထားချင်နေတာ ဖြစ်ပါတယ်။
ဘရန့်ဖိုဒ်ဟာ ဒီနွေရာသီမှာ သူတို့ရဲ့ တိုက်စစ် ကစားသမား နှစ်ဦးစလုံးကို ရောင်းချလိုခြင်း မရှိပဲ ဝစ်ဆာ ကိုတော့ လက်လွှတ်သွားနိုင်ချေ ပိုများနေပါတယ်။ ဒါကြောင့် အမ်ဘူမို အနေနဲ့ အိုးထရက်ဖို့ဒ်ကို ပြောင်းရွှေ့ဖို အစီအစဉ်တွေဟာ လက်ရှိမှာတော့ မသေချာ ဖြစ်သွားပါပြီ။ လက်ရှိမှာ ယူနိုက်တက်နဲ့ ကင်မရွန်း လက်ရွေးစင် တို့ရဲ့ အပြောင်းအရွှေ့ ဆွေးနွေးမှုတွေဟာ လိပ်ခဲတည်းလဲ ဖြစ်သွားခဲ့ပြီး ယူနိုက်တက် တာဝန်ရှိသူတွေ အနေနဲ့ ဘယ်လို ဆုံးဖြတ်မလဲ ဆိုတာ စောင့်ကြည့်ရတော့မှာပါ။
The Athletic သတင်းစာရဲ့ ဖော်ပြချက်အရ နူနို ဆန်းတိုရဲ့ အသင်းဟာ နယူးကာဆယ်ကို ပြောင်းရွှေ့သွားတဲ့ တောင်ပံ ကစားသမား အန်တိုနီ အီလန်ဂါရဲ့ နေရာမှာ ယိုအာနေး ဝစ်ဆာနဲ့ အစားထိုးဖို့ ရည်ရွယ်ကာ ဘရန့်ဖို့ဒ်ဆီ ကမ်းလှမ်းခဲ့တာ ဖြစ်ပါတယ်။ ဘရန့်ဖိုဒ် ကလည်း ဝစ်ဆာနဲ့ အမ်ဘူမို နှစ်ဦးစလုံးကို တစ်ရာသီတည်းမှာ လက်လွှတ်လိုခြင်း မရှိပဲ အကယ်၍ ဝစ်ဆာကို ရောင်းချခဲ့ရင် ဆိုရင်တော့ အမ်ဘူမိုကို ယူနိုက်တက်ဆီ ထွက်ခွာခွင့်ကို ပိတ်ပင်နိုင်သလို သူ့ရဲ့ ပြောင်းရွှေ့ကြေး ကိုလည်း သိသိသာသာ တိုးမြှင့်လိုက်ဖွယ် ရှိနေပါတယ်။
ဘရန့်ဖို့ဒ် အားကစားဒါရိုက်တာ ဖြစ်တဲ့ ဖီးလ် ဂိုင်းစ် ကတော့ အမ်ဘူမိုဟာ ဒီအပြောင်းအရွှေ့ ဈေးကွက်ထဲမှာ လူကြိုက်များနေကြောင်း ဝန်ခံခဲ့ပေမယ့် ကလပ် ဘက်ကတော့ အလျင်စလို ရောင်းချဖို့ ဖိအားတွေ ရှိမနေကြောင်း အခိုင်အမာ ပြောကြားထားခဲ့ပါတယ်။ ဒါ့အပြင် အမ်ဘူမိုဟာ အစောပိုင်းမှာ ပရီးမီးယားလိဂ် ထိပ်သီး ယူနိုက်တက်ကို ပြောင်းရွှေ့ဖို့ စိတ်ဝင်စားခဲ့ပေမယ့် အသင်းမှာ နောက် တစ်နှစ် ဆက်နေမယ် ဆိုရင်လည်း အဆင်ပြေကြောင်း သိရပါတယ်။ ဘရန့်ဖို့ဒ်ဟာ အမ်ဘူမို အတွက် လက်ရှိမှာ ပေါင် ၆၃ သန်း တောင်းဆိုထားပြီး ဝစ်ဆာရဲ့ အခြေအနေကြောင့် အခုထက် ပိုတဲ့ ပြောင်းရွှေ့ကြေး တောင်းဆိုသွားဖွယ် ရှိနေပါတယ်။
ဒါပေမယ့်လည်း သတင်းတွေ အရ ဆိုရင်တော့ ပရီးမီးယားလိဂ် ကလပ်ဟာ ဒီနွေရာသီမှာ အမ်ဘူမိုကို ခေါ်ယူဖို အခိုင်အမာ ဆန္ဒရှိနေဆဲ ဖြစ်ပါတယ်။ ဒါပေမယ့်လည်း ဘရန့်ဖိုဒ် ဘက်ကတော့ ယူနိုက်တက်ရဲ့ ကမ်းလှမ်းမှု ၂ ကြိမ်ကို ငြင်းပယ်ထားပါတယ်။ ယူနိုက်တက်ဟာ အမ်ဘူမိုကို တတ်နိုင်သမျှ အမြန်ဆုံး ခေါ်ယူချင်နေပြီးတော့ အမေရိကန် ရာသီကြို ခရီးစဉ် မစတင်ခင် အပြောင်းအရွှေ့ကို အပြီးသတ်နိုင်ဖို့ မျှော်လင့်နေတာလည်း ဖြစ်ပါတယ်။
ယူနိုက်တက်ဟာ ဒီနွေရာသီ အပြောင်းအရွှေ့ ကာလမှာ ဝုဗ် တိုက်စစ် ကစားသမား မားသီးယက်စ် ကူညာ တစ်ဦးတည်းကိုသာ ခေါ်ယူထားရသေးပါတယ်။ ယူနိုက်တက် ပရိသတ်တွေ ကတော့ အသင်းရဲ့ ကစားသမား ခေါ်ယူရန် ကြိုးပမ်းမှုတွေ အပေါ်မှာ စိတ်ပျက်နေကြပြီးတော့ ရာသီကြို ခြေစမ်းပွဲတွေ မစတင်ခင် ကစားသမားသစ်တွေ ထပ်မံ ခေါ်ယူနိုင်ဖို့ လိုလားနေကြပါတယ်။ နည်းပြ ရူဘင် အမော်ရင် ကတော့ ယူနိုက်တက်ဟာ လာမယ့် ရာသီ ဥရောပ ပြိုင်ပွဲ မကစားရရင်တောင် ထိပ်တန်း ကစားသမားတွေကို ခေါ်ယူနိုင်ကြောင်း ကြုံးဝါး ပြောဆိုထားဖူးပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
