ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ကတော့ ရီးရဲလ်မက်ဒရစ်ရဲ့ ပြန်လည် တည်ဆောက်ရေး အစီအစဉ်တွေမှာ အဓိက အစိတ်အပိုင်း တစ်ခု အဖြစ် သတ်မှတ်ခံထားရတဲ့ တူရကီ ကွင်းလယ် ကြယ်ပွင့် အာဒါ ဂူလာကို ခေါ်ယူချင်နေတယ်လို့ သိရပါတယ်။ ပရီးမီးယားလိဂ် ကလပ်ဟာ အာဒါ ဂူလာ ကို စည်းရုံး သိမ်းသွင်းနိုင်ဖို့ ယူရို သန်း ၆၀ (ပေါင် ၅၁.၂ သန်း)နဲ့ ကမ်းလှမ်းဖို့ အဆင်သင့် ဖြစ်နေကြောင်း သိရပါတယ်။
ဝက်စ်ဟမ်း ယူနိုက်တက် ကတော့ လစ်ဗာပူးလ်ရဲ့ ဂိုးသမား ကာအိုမင် ခယ်လာဟာကို ထိပ်တန်း ပစ်မှတ် အဖြစ် သတ်မှတ်ထားပြီး သဘောတူညီမှု မရရှိခဲ့ရင်တော့ ဆောက်သမ်တန် ဂိုးသမား အာရွန် ရမ်းစ်ဒေးလ်ကို ကြိုးပမ်းသွားဖို့ ရှိနေတယ်လို့ သိရပါတယ်။
အကယ်၍ နယူးကာဆယ် ယူနိုက်တက် အနေနဲ့ အခု နွေရာသီမှာ ဘဏ္ဍာရေး ပိတ်ဆို့မှုတွေကို ရှောင်ရှားနိုင်မယ် ဆိုရင်တော့ ကြီးမားတဲ့ ကမ်းလှမ်းမှုတွေ ပြုလုပ်သွားဖို့ ရှိနေပါတယ်။ အန်တိုနီ ဂေါ်ဒွန် ကိုတော့ ပရီးမီးယားလိဂ် ထိပ်သီး လစ်ဗာပူးလ် အပါအဝင် တခြားသော ထိပ်တန်း ကလပ်တွေကို ခေါ်ယူချင်နေတာ ဖြစ်ပါတယ်။
နယူးကာဆယ် မန်နေဂျာ အက်ဒီ ဟောင်းဝ် ကတော့ အသင်းရဲ့ အဓိက ကစားသမားတွေကို မဆုံးရှုံးချင်ကြောင်း ရှင်းလင်း ပြောကြားခဲ့ပါတယ်။ ဒါပေမယ့်လည်း နယူးကာဆယ် အနေနဲ့ ချန်ပီယံလိဂ် ဝင်ခွင့် မရခဲ့ရင်တော့ အာဆင်နယ်နဲ့ လစ်ဗာပူးလ်ရဲ့ ပစ်မှတ် ဖြစ်နေတဲ့ အလက်ဇန္တား အိဆက်ခ်ကို ဆက်ထိန်းထားဖို့တော့ မလွယ်ကူကြောင်း သိရှိထားတယ်လို့ သိရပါတယ်။
ဝုဗ် တိုက်စစ်မှူး မားသီးယက်စ် ကူညာ ကတော့ အာဆင်နယ်၊ အက်စတွန်ဗီလာ၊ မန်ယူ၊ နယူးကာဆယ်၊ နော့တင်ဟမ်ဖောရက်စ်နဲ့ တော့တင်ဟမ်ဟော့စပါး တို့ရဲ့ ပစ်မှတ် ဖြစ်နေဆဲပါ။ ဘရာဇီးလ် တိုက်စစ် ကြယ်ပွင့် ကိုတော့ ပေါင် ၆၂.၅ သန်းနဲ့ ကမ်းလှမ်းဖို့ အဆင်သင့် ရှိနေတယ်လို့ သိရပါတယ်။
အေစီမီလန် ကတော့ ခြေစွမ်း ကျဆင်းမှုနဲ့ ဒဏ်ရာတွေကြောင့် ရုန်းကန်နေရတဲ့ မန်စီးတီးရဲ့ ညာနောက်ခံလူ ကိုင်လ် ဝေါ်ကာကို ဆက်ထိန်းထားဖို့ သံသယ ရှိလာခဲ့ကြောင်း သိရပါတယ်။
နော့တင်ဟမ်ဖောရက်စ် ကတော့ မန်ချက်စတာစီးတီး ကွင်းလယ်လူ ဂျိမ်းစ် မက်အတီးကို ခေါ်ယူဖို့ လေဗာကူဆင်နဲ့ အပြိုင် ကြိုးပမ်းသွားဖို့ ရှိနေတယ်လို့ သိရပါတယ်။
မိုဟာမက် ကူဒု့စ် ကတော့ ဆော်ဒီပရိုလိဂ်ကို ပြောင်းရွှေ့ဖို့ လမ်းဖွင့်ထားပြီးတော့ ဝက်စ်ဟမ်း အနေနဲ့ ဂါနာ လက်ရွေးစင်ကို ပေါင်သန်း ၈၀ နီးပါးနဲ့ အရှေ့အလယ်ပိုင်းကို ရောင်းချဖို့ စိတ်အားထက်သန်နေတယ်လို့ သိရပါတယ်။
ပရီးမီးယားလိဂ် ကလပ် တော့တင်ဟမ်ဟော့စပါးနဲ့ ဒီနွေရာသီမှာ မန်နေဂျာ အန်ဂျီ ပိုစတီကိုဂလူးနဲ့ လမ်းခွဲဖို့ အဆင်သင့် ဖြစ်နေပြီးလို့ သိရပါတယ်။ စပါးဟာ ရာသီအကုန်မှာ ဖီနာဘာချီ ကနေ ထွက်ခွာနိုင်တဲ့ နည်းပြဟောင်း ဟိုဆေး မော်ရင်ဟိုနဲ့ ပြန်လည် လက်တွဲဖို့ အဆင်သင့် ဖြစ်နေကြောင်းလည်း အီတလီ မီဒီယာ TuttoCalcioEstero က ဖော်ပြပါတယ်။
ချဲလ်ဆီး ကတော့ ယူရို ၇၅ သန်း (ပေါင် ၆၄.၁ သန်း) တန်ကြေး ရှိတဲ့ ဗစ်တာ ယိုကီးရက်စ်ကို စိတ်ဝင်စားကြောင်း အတည်ပြုဖို့ အတွက် ကစားသမားရဲ့ အေးဂျင့်နဲ့ ဆွေးနွေးမှုတွေ ပြုလုပ်ခဲ့တယ်လို့ သိရပါတယ်။ တစ်ချိန်တည်းမှာပဲ ချဲလ်ဆီးက အစ်ပ်ဆွစ်ချ်တောင်း တိုက်စစ်မှူး တိုက်စစ်မှူး လီယမ် ဒီလပ်ကို ယူနိုက်တက်အား အနိုင်ယူပြီး ခေါ်ယူနိုင်မယ်လို့ ယုံကြည်နေကြောင်း သိရပါတယ်။
အသင်းနဲ့ အနာဂတ် မသေချာတော့တဲ့ အန်ဒရီ အိုနာနာရဲ့ နေရာမှာ အစားထိုးဖို့ ယူနိုက်တက်က အက်စ်ပန်ညို ဂိုးသမား ဂျိုအန် ဂါစီယာကို ခေါ်ယူချင်နေတယ်လို့ သိရပါတယ်။ ဒီဂိုးသမားကို ပရီးမီးယားလိဂ် ကလပ် အာဆင်နယ် ကလည်း စိတ်ဝင်စားနေတာ ဖြစ်ပါတယ်။
ပရီးမီးယားလိဂ် ထိပ်တန်း ကလပ် တော်တော်များများက လစ်ဗာပူးလ် ဘယ်နောက်ခံလူ ကော့စ်တက်စ် ဆီမီကတ်စ်ကို ခေါ်ယူဖို့ စိတ်ဝင်စားကြောင်း ဖော်ပြခဲ့တယ်လို့ သိရပါတယ်။
ပရီးမီးယားလိဂ် ကလပ်တွေ ဖြစ်တဲ့ အက်စတွန်ဗီလာ၊ အဲဗာတန်၊ နယူးကာဆယ်၊ နော့တင်ဟမ်ဖောရက်စ်နဲ့ ဝက်စ်ဟမ်း တို့ကတော့ မာဆေးလ် တောင်ပံကစားသမား လူးဝစ္စ အင်းနရစ်ခ်ကို စိတ်ဝင်စားနေကြကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
