ပရီးမီးယားလိဂ် ကလပ် တော့တင်ဟမ်ဟော့စပါး ကတော့ လိုက်ပ်ဇစ်ရဲ့ ကွင်းလယ် တိုက်စစ် ကြယ်ပွင့် ဇာဗီ ဆိုင်မွန်စ်ကို ခေါ်ယူနိုင်ခဲ့ပြီ ဖြစ်ကြောင်း တရားဝင် ကြေညာသွားခဲ့ပါတယ်။ စပါးဟာ နယ်သာလန် ကစားသမားလေးကို ပြောင်းရွှေ့ကြေး ယူရို သန်း ၆၀ နဲ့ ခေါ်ယူလိုက်ပြီး ၅ နှစ်+၂နှစ် သက်တမ်းတိုးခွင့်နဲ့ ခေါ်ယူခဲ့တာလည်း ဖြစ်ပါတယ်။
ဇာဗီ ဆိုင်မွန်စ်ဟာ စပါးမှာ တောင်ကိုရီးယား ဂန္တဝင် ကစားသမားဟောင်းကြီး ဆွန်ဟောင်မင်ရဲ့ ကျောနံပါတ် ဖြစ်တဲ့ ကျော နံပါတ် ၇ ကို ဝတ်ဆင်သွားမှာ ဖြစ်ပါတယ်။ စပါးဟာ ဒဏ်ရာရရှိနေတဲ့ ဂျိမ်းစ် မက်ဒီဆင်ရဲ့ နေရာ အတွက် ကွင်းလယ် တိုက်စစ် ကစားသမားတွေကို ပစ်မှတ်ထား ချဉ်းကပ်ခဲ့ပြီး ခရစ္စတယ်ပဲလေ့စ်က အီဘာရီချီ အီးဇီးကို အဓိက ပစ်မှတ်ထား ကြိုးပမ်းခဲ့တာပါ။ ဒါပေမယ့် အီးဇီးကို မြောက်လန်ဒန် ခါးသီး ပြိုင်ဘက် အာဆင်နယ်က ကြားဖြတ် ခေါ်ယူသွားခဲ့ပြီးနောက် တခြားသော ပစ်မှတ်တွေကို ထပ်မံ ကြိုးပမ်းခဲ့ရပါတယ်။ အခုဆိုရင်တော့ စပါးက ဒီနွေရာသီ တလျှောက်လုံး ပရီးမီးယားလိဂ် ထိပ်သီး ချဲလ်ဆီးနဲ့ သတင်းတွေ ထွက်ပေါ်ခဲ့သလို ပုဂ္ဂိုလ်ရေးအရပါ သဘောတူညီမှု ရရှိထားတဲ့ ဇာဗီ ဆိုင်မွန်စ်ကို အရ ခေါ်ယူနိုင်ခဲ့တာလည်း ဖြစ်ပါတယ်။
စပါးဟာ နယ်သာလန်သားကို ပြောင်းရွှေ့ကြေး ယူရို သန်း ၆၀ နဲ့ ခေါ်ယူဖို သဘောတူညီမှု ရခဲ့သလို ကစားသမား ကိုလည်း ၂၀၃၀ + ၂ နှစ် သက်တမ်းတိုးခွင့် စာချုပ်ချုပ်ဆိုခဲ့တာ ဖြစ်ပါတယ်။ စပါးရဲ့ ကစားသမားသစ် ဖြစ်လာခဲ့တဲ့ ဇာဗီ ဆိုင်မွန်စ်က မြောက်လန်ဒန် ကလပ်နဲ့ ပထမဦးဆုံး အင်တာဗျူးမှာ ဒီနေရာဟာ သူ့ အတွက် သင့်တော်တဲ့ နေရာ ဖြစ်ကြောင်း ပြောကြားခဲ့ပါတယ်။
“ကျွန်တော် အမှန်တကယ် ပျော်ရွှင်မိပါတယ်။ ကျွန်တော့် မိသားစု အတွက် ကျွန်တော် အရမ်း ပျော်ပါတယ်။ ဒါကို ကျွန်တော်တို့ အိပ်မက်မက်နေတာ ကြာပါပြီ။ ကျွန်တော့်ရဲ့ အသက်မွေးဝမ်းကြောင်းမှာ အမြဲတမ်း သူတို့နဲ့ အတူတူ ရှိနေခဲ့တာပါ၊ ဒါကြောင့် ဒီအခိုက်အတန့်မှာ သူတို့နဲ့ အတူ ရှိနေတာက ထူးခြားပါတယ်။ အသင်း အတွက် ကစားဖို့ တကယ်ပဲ မစောင့်နိုင်တော့ပါဘူး။ ဒီအသင်းက ကြီးကျယ် ခမ်းနားတဲ့ အသင်းပါ။” လို့ ဇာဗီ ဆိုင်မွန်စ်က ပြောကြားခဲ့ပါတယ်။
ဇာဗီက အပြောင်းအရွှေ့နဲ့ ပတ်သက်ပြီး အသေးစိတ်ကို ဆက်လက် ပြောကြားရာ မှာတော့ “ပထမဦးဆုံး အနေနဲ့၊ ဒီပရောဂျက်က ကျွန်တော့် အတွက် သင့်တော်ပါတယ်။ ကျွန်တော့် အတွက် ဒုတိယ အရေးကြီးဆုံး ကတော့ နည်းပြပါ။ ကျွန်တော် သူနဲ့ စကားပြောခဲ့တယ်။ သူက ကျွန်တော့်ကို တကယ်ကို အကျိုး သက်ရောက်မှု ရှိစေတဲ့ တင်ပြချက် တစ်ခု ပြသခဲ့ပြီး ဒါဟာ ကျွန်တော့် အတွက် နောက်ဆုံး ဆုံးဖြတ်ချက်ပါပဲ။ မှန်ကန်တဲ့ နည်းပြ၊ မှန်ကန်တဲ့လူတွေ ဖြစ်ပြီး ကျွန်တော်တို့ တကယ် ကောင်းမွန်တဲ့ အရာတွေကို ရရှိလိမ့်မယ်လို့ ယုံကြည်ပါတယ်။” လို့ ဆိုပါတယ်။
ဆက်လက်ပြီး “သေချာတာ ကတော့ ကျွန်တော်တို့ ဘောလုံး အကြောင်းပဲ ပြောခဲ့တယ် ဆိုတာပါ။ သူ့ အနေနဲ့ အသင်းကို ဘယ်လို မြင်တယ်။ ပြီးတော့ အသင်းမှာ ကျွန်တော့်ကို ဘယ်လိုမြင်သလဲ ဆိုတာတွေပေါ့။ ဒုတိယတပိုင်း ကတော့ ကျွန်တော် သူနဲ့ တွေ့ဆုံချိန်မှာ တကယ့်ကို ကောင်းမွန်တဲ့ ခံစားချက် တစ်ခု ရရှိခဲ့ပါတယ်။ ဒါက အရေးပါတဲ့ လူတစ်ယောက်နဲ့ အလုပ်စလုပ်ရတော့မယ် အချိန်မှာ ဖြစ်လာတဲ့ အရေးကြီးတဲ့ ချိတ်ဆက်မှု ဖြစ်မယ် ထင်ပါတယ်။ တွေ့ဆုံမှု အပြီး မှာတော့ ကျွန်တော့် မိသားစုကို ပြောခဲ့ပါတယ်။ ‘ဟုတ်ပြီ၊ ဒါပဲ!’ ဆိုပြီးတော့ပါ။” လို့ ဇာဗီ ဆိုင်မွန်စ်က ပြောကြားသွားခဲ့ပါတယ်။
လိုက်ပ်ဇစ် ကတော့ ဇာဗီ ဆိုင်မွန်စ်ကို ၂၀၂၃ ခုနှစ်မှာ ကနဦး အငှားနဲ့ ခေါ်ယူခဲ့ပြီး အခုနှစ် ဇန်နဝါရီလမှာ အပြီးသတ် ခေါ်ယူခဲ့တာ ဖြစ်ပါတယ်။ သူဟာ လိုက်ပ်ဇစ် အတွက် ၇၈ ပွဲ ကစား ၂၂ ဂိုး သွင်းကာ ၂၄ ဂိုး ဖန်တီးခဲ့ပြီး နယ်သာလန် လက်ရွေးစင် အသင်း အတွက်တော့ ၂၈ ပွဲ ကစားကာ ၅ ဂိုး သွင်းထားပါတယ်။ စပါး ကတော့ ပရီးမီးယားလိဂ် ရာသီ အဖွင့် ၂ ပွဲဆက် အနိုင်ရထားပြီး မန်စီးတီးလို အသင်းမျိုးကို အဝေးကွင်းမှာ အနိုင်ယူထားခဲ့တာ ဖြစ်ပါတယ်။ ဒါ့အပြင် စပါးက ရာသီသစ်မှာ ရဂိုး ၅ ဂိုး ရရှိထားကာ ပေးဂိုး လုံးဝ မရှိသေးပဲ နည်းပြ သောမက်စ် ဖရန့်ခ်ရဲ့ ဦးဆောင်မှု အောက်မှာ အကောင်းဆုံး ပုံစံတွေ ပြသနေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
