ဩဂုတ်လ ၂၈ ရက်နေ့ အထိ နောက်ဆုံး ရရှိထားသမျှ စီးရီးအေ ထိပ်တန်း ကလပ်တွေရဲ့ အပြောင်းအရွှေ့တွေနဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
အင်တာမီလန် နောက်ခံလူ အလက်ဆန်ဒရို ဘက်စတိုနီ ကတော့ ဘာစီလိုနာရဲ့ “အိပ်မက်” ပစ်မှတ် ဖြစ်ကြောင်း El Nacional က ဖော်ပြပါတယ်။ လက်ရှိမှာ အသက် ၂၆ နှစ် အရွယ် ရှိပြီ ဖြစ်တဲ့ ဘက်စတိုနီဟာ ပြီးခဲ့တဲ့ ၅ ရာသီ ဆက်တိုက် စီးရီးအေ ထိပ်သီးတို့ အတွက် ခြေစွမ်းပြ ကစားပေးထားသူပါ။ ဒါကြောင့် ဒီကစားသမားရဲ့ ပြောင်းရွှေ့ကြေး ကတော့ ကျိန်းသေပေါက် များပြားဖွယ် ရှိနေပြီး ဘာစီလိုနာ အတွက်တော့ ခက်ခဲတဲ့ အပြောင်းအရွှေ့ ဖြစ်လာဦးမှာပါ။
ရီးရဲလ်မက်ဒရစ် ကတော့ ဗင်နီးစီးယပ်စ် ဂျူနီယာကို ယူရို သန်း ၁၀၀ (ပေါင် ၈၆.၄ သန်း၊ ဒေါ်လာ ၁၁၆.၆ သန်း)နဲ့ ၂၀၃၀ ခုနှစ်အထိ ၅ နှစ် သက်တမ်းတိုး စာချုပ်ချုပ်ဆိုဖို့ ဆန္ဒရှိနေကြောင်း သိရပါတယ်။ တစ်ဖက် မှာလည်း ဘရာဇီးလ်သားကို ဆော်ဒီပရိုလိဂ် ကလပ်တွေက မက်မောလောက်စရာ ပမာဏနဲ့ ခေါ်ယူဖို့ ကြိုးပမ်းနေဆဲ ဖြစ်ပါတယ်။ သတင်းတွေအရ ဆိုရင်တော့ ဗင်နီက ရီးရဲလ်မက်ဒရစ်ရဲ့ ကမ်းလှမ်းမှုကို မတုန်မလှုပ် ဖြစ်နေပြီး ဒီနွေရာသီမှာ အသင်း ပြောင်းရွှေ့ဖို့ စဉ်းစားဖွယ် ရှိနေပါတယ်။
ချဲလ်ဆီး တိုက်စစ် ကစားသမား ခရစ္စတိုဖာ အန်ကွန်ကူ ကတော့ စီးရီးအေ ကလပ် အေစီမီလန်ကို အပြီးသတ် ပြောင်းရွှေ့ဖို့ သဘောတူညီလိုက်ပြီ ဖြစ်ကြောင်း သိရပါတယ်။ လက်ရှိ မှာတော့ ဒီကစားသမားရဲ့ အပြောင်းအရွှေ့ အတွက် နှစ်ဖက် အသင်းကြားမှာ ယူရို သန်း ၃၀ ကနေ ၄၀ ကြားနဲ့ သဘောတူညီမှု ရရှိရေး ဆွေးနွေးလျက် ရှိပါတယ်။
ဘာစီလိုနာ ကတော့ ဖာမင်း လိုပက်ဇ် အတွက် ချဲလ်ဆီးရဲ့ ယူရို သန်း ၅၀ (ဒေါ်လာ ၅၈.၃ သန်း)နဲ့ တရားဝင် ကမ်းလှမ်းမှုကို လက်ခံရရှိထားကြောင်း သိရပါတယ်။ ဒီကမ်းလှမ်းချက် အတွက် ကတ်တာလန် ကလပ်က စဉ်းစားနေဆဲ ဖြစ်ပြီး ကစားသမား ကိုယ်တိုင် ကလည်း ဘာဆာမှာ ဆက်ရှိနေဖို့ ဆုံးဖြတ်ထားပါတယ်။
ရောဘတ် လီဝမ်ဒေါစကီး ကတော့ ဒီနွေရာသီမှာ ကတ်တာလိုနီးယား ကနေ ထွက်ခွာဖွယ် ရှိခဲ့ကြောင်း သိရပါတယ်။ ဘာစီလိုနာ အနေနဲ့ ပိုလန် တိုက်စစ်မှူးကြီး အတွက် ဆော်ဒီပရိုလိဂ် ကလပ်တွေထံ ကနေ လစာ နှစ်ဆတိုး ပေးတဲ့ ကမ်းလှမ်းမှုတွေကို လက်ခံရရှိခဲ့ကြောင်း သိရပါတယ်။
ဘရူနို ဖာနန်ဒက်စ် ကတော့ ဒီနွေရာသီမှာ ယူနိုက်တက် ကနေ ထွက်ခွာဖို့ မဖြစ်နိုင်ပေမယ့်လည်း ၂၀၂၆ ကမ္ဘာ့ဖလား အပြီးမှာတော့ အသင်း ပြောင်းရွှေ့ဖို့ လမ်းဖွင့်ထားကြောင်း သိရပါတယ်။ ယူနိုက်တက် အသင်းခေါင်းဆောင် အနေနဲ့ အဲလ် အီတီဟတ်ကို ပြောင်းရွှေ့မယ် ဆိုရင်တော့ သူ့ရဲ့ လက်ရှိ လစာထက် ၄ ဆကျော် ရရှိသွားမှာလည်း ဖြစ်ပါတယ်။
ပေါ်တို ကတော့ ပိုလန် နောက်ခံလူ ယာကုဗ် ခီဗီယော အတွက် အာဆင်နယ်ရဲ့ ဆုံးဖြတ်ချက်ကို စောင့်ဆိုင်းနေကြောင်း သိရပါတယ်။ ပေါ်တိုဟာ အာဆင်နယ်မှာ အရန် ကစားသမား အဖြစ်သာ ရပ်တည်ရမယ့် ခီဗီယောကို ယူရို ၂၅ သန်း+အပိုဆုကြေးနဲ့ ကမ်းလှမ်းထားပြီး ကစားသမား ကလည်း ခေါင်းညိတ်ထားကြောင်း သိရပါတယ်။ ဒါပေမယ့်လည်း အာဆင်နယ် ကတော့ လေဗာကူဆင် နောက်ခံလူ ဟင်ကပ်ပီကို ခေါ်ယူနိုင်မှသာ ခီဗီယောကို ရောင်းထုတ်သွားဖို့ ရှိနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
